San Mateo 15:36 - Xochapa Mixteco

³⁶ Ñaa ti̱in ra uxa xita vaꞌa xiꞌin tiaka ikán, ta ta̱xi ra tixaꞌvi ndaꞌa Ndioxi. Saa ta̱ꞌvi ra xita vaꞌa ikán xiꞌin kiti tiaka vali. Ñaa ta̱xi ra ya ndaꞌa nda ítaꞌan xiꞌin ra, ndi̱taꞌvi nda ikán ya xiꞌin na.

San Mateo 15:36 Mawu Ofanana

San Mateo 14:19

Ñaa ndi̱kaꞌan ra xiꞌin na, ya ndikundoo na nuu iku kuii. Saa ti̱in ra uꞌun xita vaꞌa ikán xiꞌin uvi saa tiaka, ta nda̱niꞌi nuu ra nuu ndivi ta̱xi ra ndi̱xaꞌvi ndaꞌa Ndioxi, saa ta̱ꞌvi ra ya ta̱xi ra ya ndaꞌa nda ítaꞌan xiꞌin ra, ta nda ikán ndi̱taꞌvi ya xiꞌin naꞌa.

San Mateo 15:35

Saa xa̱ꞌnda ra chiñu ya ndikundoo ndiꞌi na nuu ñuꞌú.

San Lucas 22:17

Saa ti̱in ra iin copa vinu ta ta̱xi ra tixaꞌvi ndaꞌa Ndioxi. Tá ndiꞌi ta̱xi ra tixaꞌvi ndaꞌa Ndioxi, saa ndi̱kaꞌan ra xiꞌin nda ítaꞌan xiꞌin ra, káchi ra saa: ―Siyaꞌa ndo rá ndaꞌa taꞌan ndo, ta loloꞌo rá koꞌo iin iin ndo xiꞌin taꞌan ndo.

San Lucas 22:19

Sindiꞌi ta ki̱ꞌin ra iin xita vaꞌa, saa ta̱xi ra tixaꞌvi ndaꞌa Ndioxi. Tá ndiꞌi ta̱xi ra tixaꞌvi ndaꞌa Ndioxi, saa ta̱ꞌvi ra ya, ta ndi̱kaꞌan ra xiꞌin nda, káchi ra saa: ―Xita vaꞌa yóꞌó ku kuñu i, ya taxi i xaꞌa kuachi ndo, ta ikan ndo tá íkan i vitin ya ndikaꞌán ini ndo xaꞌa i ―káchi ra xiꞌin nda.

San Lucas 24:30

Tá ndi̱kundoo nda kuxi nda nuu mesa, ta ti̱in Jesús xita vaꞌa, xa̱á ra táxi ra tixaꞌvi ndaꞌa Ndioxi xaꞌa ya. Tá si̱ndiꞌi ra ta̱xi ra tixaꞌvi ndaꞌa Ndioxi, ta saa ta̱ꞌvi ra ya ta̱xi ra ndaꞌa nda kuxi nda.

San Juan 6:11

Saa ki̱ꞌin Jesús xita vaꞌa ikán, ta ta̱xi ra ndixaꞌvi ndaꞌa Ndioxi, ta saa ta̱xi ra ya ndaꞌa nda ítaꞌan xiꞌin ra, ta nda ikán ndi̱taꞌvi ya xiꞌin na. Tá kuꞌva i̱kan ra xiꞌin xita vaꞌa, saa i̱kan tu ra xiꞌin uvi tiaka ikán va. Saa ta̱xi ra xi̱xi ndiꞌi na nda kua ndi̱xaa ini na.

San Juan 6:23

Saa kúu ta ndi̱xaa ka barco tun ke̱e ñuu Tiberias, ndi̱xaa nu yati yuꞌu tikuii ikán, nuu ta̱xi Jesús xita vaꞌa xi̱xi na yachi, tá ta̱xi ra tixaꞌvi ndaꞌa Ndioxi,

Los Hechos 27:35

Saa ki̱ꞌin ra xita vaꞌa kuxi ra ta nuu ndiꞌi nda ta̱xi ra tixaꞌvi ndaꞌa Ndioxi, saa ta̱ꞌvi ra ya xa̱á ra xíxi ra.

ROMANOS 14:6

Saa ñani yo, sava ndóꞌo̱ káꞌan i̱í ni sava kivi nuu inka ya, káchi ndo. Ni saa íkan ndo, ta Táta yo ku ra xáa toꞌo ni ndo. Saa tu sava ndóꞌo̱ xíxi ndiꞌi nuu ñaꞌa xíxi, íkan ndo saa ya xáa toꞌo ndo Táta yo, ta táxi ndo tixaꞌvi ndaꞌa ra. Ta saa tu sava ndóꞌo̱ köo xíxi ndiꞌi nuu ñaꞌa, íkan tu ndóꞌo̱ va saa ya xáa kaꞌnu ndo Táta yo, ta táxi ndo tixaꞌvi ndaꞌa ra.

1 Corintios 10:31

Sundi yeꞌe, ta ya káꞌan i xiꞌin ndo ku ya yóꞌó: Tá íkan ndo ndá ka mií ñaꞌa án ya xíxi ndo ku ya án ya xíꞌi ndo ku ya, ta xaa kaꞌnu ndo ra xaꞌa ndiꞌi va ya.

1 Corintios 14:16

Saa chi tá tu xáa kaꞌnu ndo Ndioxi xiꞌin tuꞌun ya köo kúndaa ini yo xiꞌin ya ke̱e nuu ndivi, ta saa ná xaa inka naꞌa, na köo xíka veꞌe ñuꞌu xiꞌin ndo, ta unkua ikan na kundaa ini na taxi na tixaꞌvi ndaꞌa Ndioxi, ta ni köo kúndaa ini na xiꞌin tuꞌun ya káꞌan ndo.