San Mateo 15:32 - Xochapa Mixteco

³² Saa ka̱na Jesús nda ítaꞌan xiꞌin ra, ta ndi̱kaꞌan ra xiꞌin nda, káchi ra saa: ―Kúndaꞌvi ni ini i xíni i na yóꞌó, saa chi xa íyo uni kivi ndóo na xiꞌin i ta ni köo ñaꞌa kuxi na. Ta küvi tiꞌvi i na kuꞌun na xiꞌin soko, koto ka kuvi ndiuu na ichí ―káchi ra xiꞌin nda.

San Mateo 15:32 Mawu Ofanana

San Mateo 12:40

Saa chi ra ikán ta xi̱ndikaa ra tixin tiaka chee ni uni ñuu tin uni nduvi, saa yeꞌe, Taa ra xa̱a ñuu ivi yóꞌó, ndikaa i tixin ñuꞌú uni ñuu tin uni nduvi.

San Mateo 14:13

Tá ku̱ndaa ini Jesús ya ndo̱ꞌo ra Juan, saa ke̱e ra kuaꞌan ra xiꞌin itun barco iin ñaꞌñu nuu köo nda iin naꞌa. Saa ku̱ndaa ini naꞌa ya kuaꞌan ra, ñaa ke̱e na ndíkun na kuaꞌan na sata ra chí nuu ñuꞌú.

San Mateo 15:33

Saa ndi̱kuiin nda, káꞌan nda xiꞌin ra: ―¿Ta míí kiꞌin nde ñaꞌa taxi nde kuxi na? Iku yuyu mií kua, ta yaꞌa ni kuaꞌa ku na ―káchi nda xiꞌin ra.

San Mateo 20:34

Saa ku̱ndaꞌvi ini Jesús xi̱ni ñaꞌa ra, ñaa ti̱in ndaa ra nduchi nuu nda. Ta ndikun ndu̱vaꞌa nduchi nuu nda, ndi̱koto vaꞌa nda, ta saa ndi̱kundikun nda sata ra, kuaꞌan nda.

San Mateo 27:63

Ndi̱kaꞌan nda xiꞌin ra, káchi nda saa: ―Tata, ndi̱kaꞌán ini nde ya ndi̱kaꞌan ra Jesús ra síndaꞌvi naꞌa, tá xi̱taku ra ta ndi̱kaꞌan ra ya nditaku ra sindiꞌi tixin kivi uni.

San Mateo 9:36

Tá xíto ra nuu ndiꞌi na, saa ku̱ndaꞌvi ni ini ra xi̱ni ra na, saa chi ndóꞌo ni na. Ta ni köo naꞌa chindee ñaꞌa, tá íin na ndee ni ku̱naa saa íin na. Nda tá íin levo kiti köo xitoꞌo, saa íyo na.

San Marcos 9:22

Kuaꞌa ka vi ichí chíkaa ñaꞌa ya nuu ñu̱ꞌu̱ xiꞌin ini tikuii ya kaꞌni ñaꞌa ya. Yakan kua káꞌan i xiꞌin un, án kuchiñu ikán loꞌo un ya mani sindaꞌa un ra, kundaꞌvi ini un kuni un ndeꞌe, chindee loꞌo un ndeꞌe, ndaꞌvi nde ―káchi ra xiꞌin Jesús.

San Lucas 7:13

Ta saa ndi̱taꞌvi ni ini ra xi̱ni ra yá. Ñaa ndi̱kaꞌan ra xiꞌin yá káchi ra saa: ―Nana, kuäku un xaꞌa seꞌe un ―káchi ra xiꞌin yá.

Los Hechos 27:33

Tá xa kuaꞌan kúni tuvi, ta saa ndi̱kaꞌan ra Pablo xiꞌin nda, ya xíniñuꞌu nda kuxi nda, káchi ra xiꞌin nda: ―Chi xa ndi̱xinu uvi semana ta nda loꞌo täꞌan kusun ndo ni täꞌan kuxi ndo.

HEBREOS 4:15

Saa chi sutu ra ínuu nuu yo ku ra ta kúndaꞌvi ni ini ra xíni ra yoo, xaꞌa ya xíni ra köo ndee ini yo, köo ndaku ini yo nuu ya väꞌa, chi tá káa níí ya ndóꞌo yoo, saa ndi̱xiyo tu ya ndo̱ꞌo mií va ra, xi̱to ndoso ni ya väꞌa ra, sundi nda iin kuachi köo ndi̱kiꞌvi ra.