San Mateo 15:31 - Xochapa Mixteco

³¹ Saa ndi̱kanda ni ini na xi̱ni ñaꞌa na xaꞌa ya xi̱ni na xa̱á vaꞌa xíka na köo ndikuvi kaka, ta na kuáa̱ ndi̱xuna nuu na, na meꞌme xa̱á vaꞌa káꞌan na, saa xa̱á na xáa kaꞌnu ndiꞌi na Ndioxi, ra xáa káꞌnu na Israel.

San Mateo 15:31 Mawu Ofanana

San Mateo 15:30

Ñaa ndi̱xaa kuaꞌa ni naꞌa nuu ra, ndáka na, na ndu̱chiꞌña küvi kaka, tin na köo ndaꞌa xiꞌin na kuáa̱ xiꞌin na meꞌme, saa tu na ndee ni ndee ndóꞌo xiꞌin kueꞌe. Ndi̱xaa na nuu ra, ta si̱ndaꞌa ra na.

San Mateo 18:8

’Tá ndá ya väꞌa íkan ndo xiꞌin ndaꞌa ndo án xaꞌa ndo, ta vaꞌa ka kaꞌnda ndo ya ta kiꞌin ndo ya kata xika ndo. Kuchiñu ka ndo koo ndo xiꞌin Ndioxi tá íyo iin ndaꞌa ndo án iin xaꞌa ndo, ta süvi ka vi ya íyo uvi saa ndaꞌa ndo án xaꞌa ndo, ta kuꞌun ndo ndaya.

San Mateo 21:14

Saa ku̱yati sava na kuáa̱ xiꞌin na küvi kaka. Ku̱yati na nuu Jesús nuu íin ra keꞌe yeꞌe veꞌe ñuꞌu, ta si̱ndaꞌa ra na.

San Mateo 8:10

Saa tá xi̱ni soꞌo Jesús ya ndi̱kaꞌan ra ikán ta ndi̱kanda ni ini ra. Saa ndi̱kaꞌan ra xiꞌin na ndíkun sata ra, káchi ra saa: ―Ya ndaa káꞌan i xiꞌin ndo, ndiꞌi saa ñuu Jerusalén, ta täꞌan nditaꞌan i iin taa ra kándixa ni Ndioxi tá kuꞌva kándixa ra yóꞌó, ta ni süvi ra Israel ku ra.

San Mateo 9:32

Tá ka̱na koo nda kuáa̱ ikán kuaꞌan nda, saa ndi̱xaa na xiꞌin iin ra meꞌme, ra kúu mií tachi nduvaꞌa.

San Mateo 9:33

Saa ta̱va Jesús tachi nduvaꞌa ku̱u mií ra ikán, tá ke̱ta soꞌva ya ta ndikun xa̱á vaꞌa káꞌan ra. Saa ndi̱kanda ni ini naꞌa, ñaa xa̱á na káꞌan na, káchi na saa: ―Nda iin ichí köo taꞌan ya yóꞌó xíni yo ñuu Israel ―káchi na.

San Mateo 9:8

Tá xi̱ni naꞌa ya ndu̱vaꞌa ra ikán, saa ndi̱kanda ni ini na, ta xa̱a kaꞌnu na Ndioxi xaꞌa ya ta̱xi ra ndee ra ndaꞌa na ñuu ivi yóꞌó.

San Marcos 2:12

Tá ndi̱kaꞌan soꞌva Jesús xiꞌin ra, saa ndikun ndi̱koo ra nuu ndiꞌi na ndi̱kiꞌin ra xito ra kuaꞌan xiꞌin ra. Saa iin ndi̱kanda ini ndiꞌi na ndóo na, ta káꞌan toꞌo ka vi na xaꞌa Ndioxi, káchi na saa: ―Ndee ni ndee kúu mií ra yóꞌó, chi nda iin ichí köo taꞌan ya yóꞌó xíni yo ―káchi na.

San Marcos 7:37

Saa iin ndi̱kanda ini ndiꞌi na, ñaa xa̱á na káꞌan na: ―¡Ndiꞌi vi ya vaꞌa íkan ra! ¡Nda na soꞌo xiꞌin na meꞌme ta síndaꞌa ndiꞌi ra na ―káchi na!

San Marcos 9:43

Saa ndi̱kaꞌan ka ra xiꞌin nda káchi ra saa: ―Saa tu ndóꞌo̱ va, tá tu ndaꞌa ndo kua xáa kíꞌvi xiꞌin ndo, ya íkan ndo ya väꞌa, ta vaꞌa ka kaꞌnda ndo ya chi vaꞌa ka koo ndo kutaku ndo xiꞌin Ndioxi tá tu íyo iindaa ndaꞌa ndo, süvi ka vi ya íyo uvi saa ya, ta kuꞌun ndo ndaya nuu köo ndáꞌva ñu̱ꞌu̱,

San Lucas 14:13

Vaꞌa ka tá íkan un viko veꞌe un, ta kuáꞌan kana un na ndaꞌvi, na köo ndaꞌa, na küvi kaka xiꞌin na kuáa̱.

San Lucas 14:21

Saa ndi̱ko koo ra moso ikán veꞌe ndi̱tuꞌun ndiꞌi ra xiꞌin xitoꞌo ra unkua ndi̱kaꞌan na xiꞌin ra. Ñaa ndi̱saa ni xitoꞌo ra, ndi̱kuiin ra káchi ra saa: “Ná koo na saa tá tu köo kúni na kixi na. Kuáꞌan ndiꞌi ni kúu ichí naꞌnu tin ichí vali, ndikuiso ndiꞌi un na ndaꞌvi, na köo ndaꞌa xiꞌin na küvi kaka xiꞌin na kuáa̱. Na ñaa kundaka un kixi xiꞌin un”, káchi ra xiꞌin moso ra.

San Lucas 18:43

Ñaa ndikun ndi̱kuna nuu ra. Saa ndi̱kundikun ra kuaꞌan ra xiꞌin Jesús, káꞌan ra ya vaꞌa xaꞌa Ndioxi kuaꞌan ra. Saa tu na xi̱ni ndi̱xuna nuu va ra, xa̱á na káꞌan na ya vaꞌa xaꞌa Ndioxi.

San Lucas 7:16

Tá xi̱ni na ndi̱taku ra, ta ndi̱kanda ni ini na ndi̱ndiꞌvi ni na. Saa xa̱á na xáa kaꞌnu na Ndioxi, káchi na saa: ―Iin ra chee ni ra káꞌan ndoso tuꞌun yuꞌu Ndioxi ku ra ndi̱kuita tañu yo. Ti̱ꞌvi Ndioxi ra vaxi ra koto ra yoo na kúu ñuu ra ―káchi na.

San Juan 9:24

Saa ka̱na tuku nda naꞌnu nuu na judío ra, ta ndi̱kaꞌan nda xiꞌin ra káchi nda saa: ―Vaꞌa xaa kaꞌnu un Ndioxi xaꞌa ya ndu̱vaꞌa un ndi̱xuna nuu un, chi ndeꞌe ta xíni nde, ra íkan ya väꞌa ku ra si̱ndaꞌa yóꞌo̱ ―káchi nda xiꞌin ra.