San Mateo 15:27 - Xochapa Mixteco

²⁷ Saa ndi̱kaꞌan yá xiꞌin ra, káchi yá saa: ―Saa ndixa va Tata, ta nda ni tina ta xíxi rí ñaꞌa ya kóyo ndoso tixin mesa xitoꞌo ri ―káchi yá xiꞌin ra.

San Mateo 15:27 Mawu Ofanana

San Mateo 15:26

Saa ndi̱kaꞌan Jesús xiꞌin yá, káchi ra saa: ―Küvi kindaa yo xíta vaꞌa yuꞌu seꞌe yo, ta taxi yo ya kuxi tina ―káchi ra xiꞌin yá.

San Mateo 15:28

Ñaa ndi̱kaꞌan Jesús xiꞌin yá, káchi ra saa: ―Nana, ndixa ni kándixa un yeꞌe. Ta xaꞌa ya ñaa xaa súvi i ya ndúku un nuu i ―káchi ra xiꞌin yá. Ta mi hora ikán ndu̱vaꞌa yá loꞌo seꞌe yá.

San Mateo 5:45

Ikan ndo ya vaꞌa xiꞌin na, ta saa kundaa ini naꞌa ya ndixa kúu ndo seꞌe Ndioxi, ra íyo nuu ndivi. Chi saa mií ra íkan ra ya vaꞌa xiꞌin ndiꞌi naꞌa, táxi ra ndíyeꞌe ñu̱ꞌu̱ nuu na väꞌa xiꞌin na vaꞌa, saa ni síkuun ra savi sata na vaꞌa xiꞌin na väꞌa.

San Mateo 8:8

Saa ndi̱kuiin ra ndíso chiñu nuu nda lapa, káchi ra saa: ―Tata, ra ndee ni nuu i kúu un, yakan ni köo kúu mií i ichí kiꞌvi un veꞌe i. Takua iin tuꞌun loꞌo kaꞌan un ta nduvaꞌa va moso i.

San Marcos 7:28

Saa ndi̱kuiin yá, káꞌan yá: ―Saa ndixa va, Tata, sundi tá xíxi na, ta kóyo ñaꞌa yuꞌu na tixin mesa ndíkaya tina vali xíxi ri ―káchi yá xiꞌin ra.

San Lucas 16:21

Ta yasin ka vi kúni kuxi ra ñaꞌa kóyo tixin mesa ra kuika ikán. Ndaꞌvi ka vi káa ra, nda tina tíꞌvi ndaa nuu ti̱kueꞌe sata ra.

San Lucas 18:13

Ta inka ra ndíkaya xuꞌun kuaꞌan ndaꞌa gobierno, ndi̱kundichi xika ra, ni köo xáꞌa ndee ini ra ndaniꞌi ra nuu ra, vaꞌa ka ndi̱kuita ndee ra nuu ñuꞌú, tíin ndaa ra xiní ra, káchi ra saa: “Tata Iva yo Ndioxi, kundaꞌvi ini un kuni un yeꞌe, saa chi ra ivi kuachi ku i”, káchi ra ndíchi ra.

ROMANOS 10:12

Saa chi iin káchi ndíkuiso vaꞌa Ndioxi ndiꞌi naꞌa, án na judío ku na án süvi na judío ku na. Saa chi mií Iva yo ku ra Chee ni ta ndíso chiñu ra xiꞌin ndiꞌi ni kuu naꞌa. Ta vaꞌa ni ra xiꞌin ndiꞌi naꞌa, na káꞌan xiꞌin ra, na ndúku ya mani nuu ra.

ROMANOS 3:19

Xa xíni mií yo ndiꞌi ya káꞌan ley Ndioxi ya ta̱a na xinaꞌa, ta káꞌan ya xaꞌa mií yo ya ndi̱ndoo ya ndaꞌa yo, yakan köo ka ya taa nuu yo. Ta̱xi Ndioxi ley ikán ndaꞌa xii sikua yo na judío, ya ná kundaa ini ndiꞌi naꞌa ya ndíso yo kuachi nuu Ndioxi.

ROMANOS 3:29

¿Án Ndioxi, ra chee nuu ndisaa na judío ku ra káꞌán ndo? ¿Án köo xíni ndo, Ndioxi ta kúu tu ra Ndioxi na köo kúu judío va? Ya ndaa kua saa íyo ya, Ndioxi ku ra chee ni nuu ndiꞌi na ñuu ivi yóꞌó.

ROMANOS 3:4

¡Köo íkan Ndioxi saa! Süvi tá íin na ñuu ivi yóꞌó saa káa ra. Vani na ñuu ivi yóꞌó köo síxinu na ya káꞌan na, sundi Ndioxi ta nina síxinu ra tuꞌun ya káꞌan ra. Saa chi tuꞌun Ndioxi ya ta̱a na xinaꞌa, ta soꞌva káꞌan ya xaꞌa ra: Ndiꞌi naꞌa kundaa ini ya ndaa ni ini un, chi ndiꞌi tuꞌun ya káꞌan un, ta ndaa ni káꞌan un. Ni naꞌa ta nïꞌi na kuachi un, ta köo na taxi kuachi xaꞌa un. káchi tuꞌun Ndioxi xaꞌa ra, ya ta̱a na xinaꞌa.

Efesios 3:19

Saa káꞌan ni i xiꞌin Ndioxi ya ná taxi ra ya xínituni ndo ndaꞌa ndo ya ná kuchiñu ndo kundaa ini ndo chi ya kúꞌvi ni ini ra xíni ra ndóꞌo̱ ta yáꞌa ni ka ndee ya ikán nuu ndá ka ya xínituni ndo. Káꞌan ni i xiꞌin ra xaꞌa ndo ya ná xinu ndo kuni taꞌan ni ndo xiꞌin ra, saa ná sikutu ni ra ya vaꞌa ini ndo.

Efesios 3:8

Vani köo ndáa yaꞌvi ni va i nuu ndiꞌi na ñani yo, na kúu ñuu Ndioxi, ta ta̱xi ra ichí ndaꞌa i ya kaꞌan ndoso i tuꞌun vaꞌa xaꞌa ra xiꞌin naꞌa, na köo kúu judío. Ta tuꞌun vaꞌa ni ikán, ta tá káa ya kuika ni saa káa ya, chi köo ndíꞌi xaꞌa ya.