San Mateo 15:26 - Xochapa Mixteco

²⁶ Saa ndi̱kaꞌan Jesús xiꞌin yá, káchi ra saa: ―Küvi kindaa yo xíta vaꞌa yuꞌu seꞌe yo, ta taxi yo ya kuxi tina ―káchi ra xiꞌin yá.

San Mateo 15:26 Mawu Ofanana

San Mateo 15:25

Saa ku̱yati yá nuu Jesús si̱kusiti yá nuu ra, káchi yá saa: ―¡Tata, chindee un yeꞌe! ―káchi yá xiꞌin ra.

San Mateo 15:27

Saa ndi̱kaꞌan yá xiꞌin ra, káchi yá saa: ―Saa ndixa va Tata, ta nda ni tina ta xíxi rí ñaꞌa ya kóyo ndoso tixin mesa xitoꞌo ri ―káchi yá xiꞌin ra.

San Mateo 7:6

’Täxi ndo ñaꞌa i̱í ndaꞌa kiti tina, koto ndo ndiko koo ri tiin ri ndóꞌo̱. Ta ni ya kuika kúu mií ndo, ta käta ndo ya nuu kiti kini, koto ka kuañu ndoso ri ya.

ROMANOS 9:4

Yakan kúsuchi ni ini i xíni i na, chi seꞌe sikua ra Israel kuu na, ta Ndioxi ndi̱kaxin ra na yóꞌó ya kuu na seꞌe ra. Ta xa si̱naꞌa ra ya vaꞌa luvi ni yéꞌe̱ kúu mií ra nuu na. Ki̱ndoo ra ikan ni ra ya vaꞌa xiꞌin na, ta saa tu na seꞌe ñani sikua va ra. Ta ndaꞌa na ñuu i yóꞌó kua ta̱xi Ndioxi ley ra ya kundaa ini na ndá kuꞌva kutaku na nuu ra tin ndá kuꞌva kañuꞌu na ra ini veꞌe ñuꞌu, ta ndi̱kaꞌan Ndioxi xiꞌin na taxi ra ya ki̱ndoo ra xiꞌin na ndaꞌa na.

Gálatas 2:15

Chi yo kúu judío ta nda tá ka̱ku vi yo íyo yo saa, ta köo ndi̱kaku yo tá kuꞌva káku naꞌa, na ndee ni ndee kuachi ndíso, soꞌva káꞌan yo xaꞌa naꞌa, na köo kúu judío.

Efesios 2:12

Ndikaꞌán ini ndo kivi tá köo Jesucristo ndi̱xiyo xiꞌin ndo, ta ndi̱xiyo xíka ni va ndo nuu ra, ta xaꞌa ya köo kúu ndo na ñuu Israel yakan köo ndi̱xiyo ichí ndaꞌa ndo niꞌi ndo ya ki̱ndoo Ndioxi taxi ra ndaꞌa na Israel. Ndaꞌvi ni ndi̱xiyo ndo ñuu ivi yóꞌó, chi nda loꞌo köo ndi̱kundaa ini ndo xaꞌa Ndioxi ra ndaa. Yakan nda loꞌo köo ndi̱xika ini ndo niꞌi ndo ya vaꞌa nuu ra.

Filipenses 3:2

Ta kuenta ni koo ndo nuu naꞌa, na síndaꞌvi naꞌa. Täxi ndo sindaꞌvi na ndóꞌo̱, saa chi sava na xáa chiñu veꞌe ñuꞌu, ta sínaꞌa na nduxa taꞌnda ndo ndikunuu tuni Ndioxi ndóꞌo̱ nda taa, káchi na. Ta na íkan saa ta kütaꞌan ndo xiꞌin na chi tá íin tina saa íin na ñaa.

El Apocalipsis 22:15

Ta na väꞌa ndoo na kundoo na chí keꞌe, chi na ikán ku na i̱kan ya väꞌa, ya kini ni. Saa tu na tuꞌva, na tási, saa tu nda taa nda ndi̱xika xiꞌin ná síꞌi, ta saa tu ná síꞌi ná ndi̱kiꞌvi xiꞌin taa, ta saa tu na xa̱ꞌni ndìì, saa tu na xa̱a kaꞌnu inka ndioxi án inka naꞌna ndioxi ra köo kúu Ndioxi ndaa, saa tu na kútoo ni kaka xiꞌin ya síki, ta síndaꞌvi na naꞌa. Ndiꞌi na ikán küchiñu na koo na ñuu i̱í xiꞌin Ndioxi.