San Mateo 15:2 - Xochapa Mixteco

² ―¿Ndachu köo káñuꞌu nda ítaꞌan xiꞌin un ya si̱naꞌa xii sikua yo xinaꞌa? Saa chi köo ndóo ndaꞌa nda xíxi nda tá kuꞌva íyo ya ndi̱kaꞌan xii yo ―káchi nda ikán xiꞌin Jesús.

San Mateo 15:2 Mawu Ofanana

San Mateo 15:3

Saa ndi̱kuiin Jesús, káꞌan ra xiꞌin nda: ―Saa tu ndóꞌo̱ va, ¿ndachu köo káñuꞌu ndo ley Ndioxi ya íyo ndaꞌa ndo? Ta vaꞌa ka xáa súvi ni ka ndo ichí ya si̱ndoo xii ndo xinaꞌa.

San Marcos 7:2

Ta saa xi̱ni nda xíxi nda ítaꞌan xiꞌin Jesús, ta köo ndi̱kata nda ndaꞌa nda, saa káa yakua ndaꞌa nda xíxi nda, yakan kua ndi̱kiꞌvi nda iin kuachi chee nuu Ndioxi xaꞌa ya köo xáa súvi nda tá kuꞌva íyo ichí ya si̱ndoo xii nda xinaꞌa, káchi nda ikán.

San Marcos 7:5

Xaꞌa ya ikán kua ndi̱ndakan tuꞌun nda maestro ikán xiꞌin nda fariseo, ndi̱ndakan tuꞌun nda Jesús, káchi nda saa: ―¿Ndachu kua köo xáa súvi nda ítaꞌan xiꞌin un ichí ya si̱ndoo xii yo xinaꞌa? Köo ndi̱kata nda ndaꞌa nda, saa íin yakua ndaꞌa nda xíxi nda, xíxi yakua nda nuu Ndioxi ―káchi nda xiꞌin ra.

San Lucas 11:38

Ñaa xi̱ni ra fariseo ikán ya köo ndi̱kata Jesús ndaꞌa ra kuxi ra, tá kuꞌva íyo ya si̱ndoo xii na xinaꞌa. Ta saa ndi̱kanda ini ra xíto ra nuu Jesús.

Gálatas 1:14

Ta yeꞌe ku iin ra ndee ni vaꞌa ku̱chiñu nuu nda kuâán taꞌan i tiempo ikán. Ndee ni ndee ndi̱xiyo i nuu nda, xi̱nuu i nuu ndiꞌi nda ikán xaꞌa ya ndee ni vaꞌa si̱xinu ndiꞌi i chiñu ya xa̱ꞌnda chiñu xii sikua nde na judío xinaꞌa.

Colosenses 2:8

Koto ndo, kuenta ni koo ndo xiꞌin naꞌa, na kúni sindaꞌvi ndóꞌo̱, täxi ndo sindaꞌvi na ndóꞌo̱ xiꞌin ya ndíchi kána koo xi̱ní mií na. Chi ya nda̱ku xiní mií va xii sikua na kua xáa súvi na ta saa xáa súvi tu na ya kúni mií tachi nduvaꞌa va, ta köo xáa súvi na ya kúni mií Cristo.

1 Pedro 1:18

Chi xa xíni mií ndo Ndioxi ku ra cha̱ꞌvi xaꞌa ndo nuu ndi̱saña ndo ndaꞌa ichí ya väꞌa ya köo ndáa yaꞌvi si̱ndikoo xií si̱kuaꞌa ndo ndaꞌa ndo. Ta süvi xiꞌin yu̱ú ya oro án ya plata kua ndi̱xiniñuꞌu ra chaꞌvi ra xaꞌa ndo, ni ya yaꞌvi ni kua ikán, ta köo ndee ni ya,