San Mateo 15:16 - Xochapa Mixteco

¹⁶ Saa ndi̱kaꞌan Jesús xiꞌin ra, káchi ra saa: ―¿Án saa tu ndóꞌo̱ va, án köo ndi̱kundaa tu ini ndóꞌo̱ va ya ndi̱kaꞌan i xiꞌin ndo?

San Mateo 15:16 Mawu Ofanana

San Mateo 13:51

Saa ndi̱ndakan tuꞌun Jesús nda ítaꞌan xiꞌin ra, káchi ra saa: ―¿Án ku̱ndaa ini ndo ndiꞌi ya ndi̱kaꞌan i xiꞌin ndo? ―káchi ra xiꞌin nda. Ñaa ndi̱kuiin nda, káchi nda saa: ―Ku̱ndaa va ini nde, Tata ―káchi nda xiꞌin ra.

San Mateo 15:10

Saa ka̱na Jesús ndiꞌi naꞌa, ta ndi̱kaꞌan ra xiꞌin na, káchi ra saa: ―Kuni soꞌo ndo, ta kundaa ini ndo ya kaꞌan i xiꞌin ndo.

San Mateo 15:15

Saa ndi̱kaꞌan ra Pedro, káchi ra saa: ―Ndituꞌun loꞌo un xiꞌin nde unkua kúni kachi tuꞌun ndíchi yóꞌó ―káchi ra xiꞌin Jesús.

San Mateo 15:17

¿Án köo kúndaa ini ndo? Ndiꞌi ya xíxi naꞌa án ya xáxi na ta chí yuꞌu na kuakee ya, saa xáa ya tixin na. Sindiꞌi saa kána koo ya xíta ya nuu táta na.

San Mateo 16:11

¿Án köo kúndaa ini ndo süvi xaꞌa xita vaꞌa kua káꞌan i xiꞌin ndo? Ya káꞌan i xiꞌin ndo saa kua, kuenta ni koo ndo xiꞌin uxan iya nda fariseo xiꞌin nda saduceo ―káchi Jesús xiꞌin nda ítaꞌan xiꞌin ra.

San Mateo 16:9

¿Án täꞌan kundaa ini ndo? ¿Án xa ndi̱ndoso ini ndo tá ndi̱taꞌvi i uꞌun xita vaꞌa xi̱xi uꞌun mil taa, ta kuaꞌa ni tika si̱kutu ndo xiꞌin ya ndi̱ndoo?

San Marcos 6:52

chi täꞌan kundaa ini nda ya kúu ra ra chee nuu nda, vani xi̱ni nda yatuꞌun nuu nda̱sa kuaꞌa Jesús xita vaꞌa, ta saa ni köo ndi̱kundaa ini nda.

San Marcos 7:18

Saa ndi̱kuiin ra, káꞌan ra: ―¿Án ndóꞌo̱ köo ndi̱kundaa ini ku tu ndóꞌo̱ va? ¿Án köo xíni ndo ndiꞌi ya kuakee yuꞌu na ivi ta küvi ndasa väꞌa ya na nduyakua na nuu Ndioxi?

San Marcos 9:32

Ta ni köo ndi̱kundaa ini nda xaꞌa ya káꞌan ra xiꞌin nda, ta saa köo ndi̱ndakan tuꞌun nda ra chi íꞌvi nda ndakan tuꞌun nda unkua kúni kachi ya ndi̱kaꞌan ra xiꞌin nda.

San Lucas 18:34

Ta ni köo ndi̱kundaa ini nda unkua kúni kaꞌan ya ndi̱kaꞌan ra xiꞌin nda, ni köo ndi̱kiꞌin xiní nda xiꞌin ya chi ndi̱xiyo sêꞌe ya nuu nda.

San Lucas 24:45

Saa ta̱xi ra ndi̱xuna ya xínituni na, ya kuchiñu kundaa ini na xaꞌa tuꞌun Ndioxi.

San Lucas 9:45

Ta ni köo ndi̱kundaa ini nda xiꞌin tuꞌun ikán, chi xi̱ndasi va ya xínituni nda yakan köo ndíkundaa ini nda xiꞌin ya. Ta ni köo ndi̱xaꞌa ndee ini nda ndakan tuꞌun ñaꞌa nda unkua kúni kachi ya ndi̱kaꞌan ra xiꞌin nda.

HEBREOS 5:12

Xa naꞌa ni va ndíkun ndo Jesucristo, ta xa kuꞌva kua sinaꞌa ndo inka naꞌa, ndikuu. Sundi ndóꞌo̱ ta tá íin na vali chíchin va saa íin ndo, saa chi ni köo ndíchi ya xi̱ni soꞌo ndo tá sikan ndi̱kundikun ndo Jesucristo, ta tuku kúni ndo ndikani nde ya nuu ndo. Tá íin na vali saa íin ndo, chi na vali ta ndisaa leche xíꞌi na, küvi kuxi na ñaꞌa ya xíxi na chee.