San Mateo 15:11 - Xochapa Mixteco

¹¹ Ñaꞌa ya xíxi na án ya xáxi naꞌa ta kuakiꞌvi ya yuꞌu na, ta köo xáa yakua ya na nuu Ndioxi. Ya xáa yakua na nuu Ndioxi, ku tuꞌun väꞌa ya kána koo yuꞌu na ―káchi Jesús xiꞌin na.

San Mateo 15:11 Mawu Ofanana

San Mateo 15:10

Saa ka̱na Jesús ndiꞌi naꞌa, ta ndi̱kaꞌan ra xiꞌin na, káchi ra saa: ―Kuni soꞌo ndo, ta kundaa ini ndo ya kaꞌan i xiꞌin ndo.

San Mateo 15:12

Saa ku̱yati nda ítaꞌan xiꞌin ra nuu ra, ndi̱kaꞌan nda xiꞌin ra: ―¿Án ku̱ndaa ini un ndi̱saa ni nda fariseo xaꞌa tuꞌun ya ndi̱kaꞌan un xiꞌin nda? ―káchi nda xiꞌin Jesús.

San Marcos 7:15

Nda iin ñaꞌa xíxi na án ya yáxi na ivi yóꞌó ta köo xáa väꞌa ya na nuu Ndioxi. Ñaꞌa ya vaxi chí nima na ya ikán kua ndása väꞌa ñaꞌa ―káchi ra xiꞌin na.

ROMANOS 14:14

Tá kúu yeꞌe, ta xíni i köo ñaꞌa xíxi yo yakua nuu Ndioxi, ya vaꞌa ku ndiꞌi ya. Ta yeꞌe ndíkun Tata yo Jesús ku i ta kúndaa vaꞌa ini i vaꞌa kuxi yo ndiꞌi ya. Sundi tá íyo naꞌa káꞌan, küvi kuxi yo sava ñaꞌa chi ya väꞌa ku ya nuu Ndioxi, káchi na, ta vaꞌa ná küxi na ya, tá tu saa ndíkani ini na.

ROMANOS 14:17

Xíniñuꞌu yo kundaa ini yo chi süvi xaꞌa ya xíxi yo, ta ni süvi xaꞌa nduta xíꞌi yo kua ndáa yaꞌvi ni chindee yoo koo yo nuu xáꞌnda chiñu Ndioxi. Ya ndee ni ndee ku ya ikan yo ya vaꞌa, ya ndaa xiꞌin taꞌan yo, ta vívií ná koo yo xiꞌin taꞌan yo, ná kusini ni yo xaꞌa ya ta̱xi Tachi I̱í Ndioxi ndaꞌa yo ya koo vaꞌa ni ini yo.

ROMANOS 14:20

Kuenta ni koo ndo, koto ka sindiꞌi xaꞌa ndo chiñu Ndioxi xaꞌa ñaꞌa ya xíxi ndo. Ya vaꞌa ni kuxi ndo ku ndiꞌi va ya, sundi ïkan ndo ñaꞌa ya táxi koyo na taꞌan ndo nuu kuachi xaꞌa ñaꞌa ya xíxi ndo.

1 Timoteo 4:3

Ta ya sínaꞌa na kua küvi tindaꞌa taa xiꞌin ñaꞌa, saa káꞌan na ya küvi kuxi naꞌa sava ñaꞌa vaꞌa xíxi, káchi na. Sundi naꞌa, na kándixa Tata yo Jesucristo ta xa xíni na ya ndaa, yakan vaꞌa xíni na ya vaꞌa kuxi na ndiꞌi ñaꞌa, ta saa taxi na tixaꞌvi ndaꞌa ra xaꞌa ñaꞌa xíxi na.

Tito 1:15

Chi naꞌa, na kúu mií nima vaꞌa, ta ya vaꞌa ku ndiꞌi ya nuu na, ta naꞌa, na kúu mií nima väꞌa, na köo ndáa ini xíni Ndioxi ta ya väꞌa ku ndiꞌi va ya nuu na, nda ya ndíkani ini na xiꞌin ya xínituni na ta köo íyo vaꞌa ya.

HEBREOS 13:9

Täxi ndo sindaꞌvi naꞌa ndóꞌo̱ xaꞌa inka tuꞌun ya köo íyo yuꞌu xiꞌin tuꞌun ya si̱naꞌa Tata yo Jesucristo ndóꞌo̱. Ya vaꞌa ni ka va kua ná ndundee ka nima ndo xiꞌin ya vaꞌa ndi̱niꞌi uun ndo nuu Iva yo Ndioxi. Sundi na ikán ta ndisaa xaꞌa ley yata káꞌan na, ndá ñaꞌa kua vaꞌa kuxi yo ta ndá ñaꞌa kua küvi kuxi yo, káchi na, ta ya sínaꞌa na ikán ta nda loꞌo köo chíndee taꞌan ya xiꞌin nda iin naꞌa.

2 Pedro 2:18

Chi nda ikán ta ndee ni chínuu vaꞌa nda tuꞌun káꞌan nda xiꞌin naꞌa ya sáka nda xi̱ní na, síxinu nda i̱ni na xiꞌin tuꞌun ya káꞌan nda xiꞌin na ndisaa xaꞌa ya kútoo ni mií ikin kuñu nda kua káꞌan nda xaꞌa. Ta na íkan nda saa xiꞌin ku naꞌa, na xa si̱ndoo ya väꞌa i̱kan na, na xa ka̱na koo tañu na väꞌa ku na íkan nda saa xiꞌin.