San Mateo 15:10 - Xochapa Mixteco

¹⁰ Saa ka̱na Jesús ndiꞌi naꞌa, ta ndi̱kaꞌan ra xiꞌin na, káchi ra saa: ―Kuni soꞌo ndo, ta kundaa ini ndo ya kaꞌan i xiꞌin ndo.

San Mateo 15:10 Mawu Ofanana

San Mateo 13:19

Ndikin ya ndi̱xita yuꞌu ichí ku ya káꞌan xaꞌa na xíni soꞌo tuꞌun xaꞌa nuu xáꞌnda chiñu Ndioxi, ta köo kúndaa ini na xiꞌin ya. Saa vaxi kiti nǎꞌa táva ri tuꞌun Ndioxi nima na ya xi̱ni soꞌo na.

San Mateo 15:11

Ñaꞌa ya xíxi na án ya xáxi naꞌa ta kuakiꞌvi ya yuꞌu na, ta köo xáa yakua ya na nuu Ndioxi. Ya xáa yakua na nuu Ndioxi, ku tuꞌun väꞌa ya kána koo yuꞌu na ―káchi Jesús xiꞌin na.

San Mateo 15:9

Ya uun xáa toꞌo na yeꞌe, chi sínaꞌa na naꞌa ichí ya ndíkani ini mií na, ta köo sínaꞌa ñaꞌa na xaꞌa ya káꞌan i xiꞌin na”, káchi Ndioxi xiꞌin ra Isaías ta̱a ra xinaꞌa ―káchi Jesús xiꞌin nda fariseo tin nda sínaꞌa ley Ndioxi.

San Mateo 24:15

Xaꞌa ya ñaa kua ná kundaa ini ndo xiꞌin ya ta̱a ra profeta Daniel. Chi yeꞌe káꞌan i xiꞌin ndo: Tá xíto ndo ya väꞌa, ya kini, ya kúndasi nuu Ndioxi xíni ra, ndi̱xaa ya íyo ya ñaꞌñu ií ni ini veꞌe ñuꞌu kaꞌnu, ta saa kua kundaa ini ndo ya xa ti̱ndaa kivi ya ndee ni ndee vaxi tindoꞌo. Saa ndiꞌi naꞌa, na káꞌvi ya yóꞌó ta ná kundaa ini na xiꞌin ya.

San Lucas 24:45

Saa ta̱xi ra ndi̱xuna ya xínituni na, ya kuchiñu kundaa ini na xaꞌa tuꞌun Ndioxi.

Efesios 1:17

Xáku ndaꞌvi i nuu Ndioxi ra chee ni, ra kúu Iva Tata yo Jesucristo ya ná taxi ra ya xínituni ndaꞌa ndo, ta saa ná xinu ndo kundaa vaꞌa ini ndo xaꞌa ra ta nda kuni taꞌan vaꞌa ka ndo xiꞌin ra,

Colosenses 1:9

Nda tá ku̱ndaa ini nde xaꞌa ndo, ta nda saa kua xa̱á nde káꞌan ni nde xaꞌa ndo xiꞌin Ndioxi. Ndúku nde ya mani nuu ra ya ná taxi ra kundaa vaꞌa ini ndo xaꞌa ya xa chi̱tuni mií ra, ya ná taxi ra ya ndíchi ni ndaꞌa ndo kundaa ini ndo xiꞌin ya xínituni vaxi nuu mií ra.

Santiago 1:5

Tá ndá ndóꞌo̱ kúmani ya ndíchi nuu, ta vaꞌa nduku ndo ya nuu Ndioxi chi vaꞌa ni ra, ta küxinda ra ya nuu ndo taxi va ra ya ndaꞌa ndo.