San Mateo 14:9 - Xochapa Mixteco

⁹ Saa ku̱chiꞌña ni ini ra rey, ta xaꞌa ya xa ki̱ndoo ra taxi ra ya ndaꞌa yá nuu ndiꞌi na ndóo xiꞌin ra nuu mesa ikán, xaꞌa ya ikán kua xa̱ꞌnda ra chiñu ya taxi na xiní ra Juan ndaꞌa yá.

San Mateo 14:9 Mawu Ofanana

San Mateo 14:1

Suvi mií tiempo ikán xi̱ni soꞌo ra Herodes xaꞌa ndiꞌi ya vaꞌa íkan Jesús. Ta ra Herodes ikán ku rey ra xáꞌnda chiñu nuu na ñuu estado Galilea.

San Mateo 14:10

Saa ka̱na koo nda xáa chiñu nuu ra, ndi̱xaꞌan nda ini veꞌe kàà nuu ndíkaa ra Juan, xa̱ꞌnda nda sukun ra.

San Mateo 14:5

Ku̱ni ra Herodes kaꞌni ra, ra Juan, ta köo ndi̱kuchiñu ra ikán ra saa, xaꞌa ya íꞌvi ra nuu naꞌa, saa chi ndiꞌi na káꞌan xaꞌa ra Juan ya kúu ra profeta, ra káꞌan ndoso tuꞌun yuꞌu Ndioxi.

San Mateo 14:8

Saa chi̱kaa siꞌí yá yuꞌu yá, káchi yá saa: ―Kúni i chikaa un xiní ra Juan, ra síkuchi naꞌa ini iin koꞌo taxi un ndaꞌa i ―káchi yá xiꞌin ra.

San Marcos 6:14

Saa xi̱ni soꞌo ra rey Herodes tuꞌun xaꞌa Jesús, saa chi xa ndiꞌi ni kúu ñaꞌñu ndi̱xita tuꞌun xaꞌa ra. Saa xa̱á ra káꞌan ra, káchi ra saa: ―Ra Juan, ra síkuchi naꞌa ku ra ndi̱taku yakan vaꞌa kúu mií ra yatuꞌun Ndioxi ―káchi ra.

San Marcos 6:20

saa chi íꞌvi ni ra Herodes xíni ñaꞌa ra xaꞌa ya xíni ra kúu ra iin taa ra vaꞌa, ra i̱í. Xaꞌa ya ikán kua köo ndi̱taxi ra kundivaꞌa ra. Ta saa ni, ndíꞌi ni ini ra xíni ra ya ndi̱kaꞌan ra Juan xiꞌin ra. Vani ndíꞌi ni ini ra xiꞌin tuꞌun ikán saa ni kútoo ni ra xíni soꞌo ra ya káꞌan ra Juan.

San Marcos 6:26

Tá ndi̱kaꞌan yá saa xiꞌin ra, ta ku̱chiꞌña ni ini ra. Sundi xaꞌa ya xi̱ni soꞌo na ndóo xiꞌin ra chi̱naꞌa ra nuu yá, ta si̱xinu saꞌa ra ya ndi̱kaꞌan ra xiꞌin yá.

San Lucas 13:32

Saa ndi̱kuiin Jesús káꞌan ra: ―Kuáꞌan ndo kaꞌan ndo xiꞌin ikuii ñaa. Soꞌva káꞌan i kachi ndo xiꞌin ra: “Kivi vitin xiꞌin kivi taan kaka i sindaꞌa i na kúu mi tachi nduvaꞌa xiꞌin na kúꞌvi, ta kivi uni sindiꞌi i ikan i chiñu i”.