San Mateo 14:8 - Xochapa Mixteco

⁸ Saa chi̱kaa siꞌí yá yuꞌu yá, káchi yá saa: ―Kúni i chikaa un xiní ra Juan, ra síkuchi naꞌa ini iin koꞌo taxi un ndaꞌa i ―káchi yá xiꞌin ra.

San Mateo 14:8 Mawu Ofanana

San Mateo 14:11

Saa chi̱kaa nda xiní ra ini iin koꞌo níꞌi nda xa̱a nda ta̱xi nda ndaꞌa yá loꞌo ikán. Ta yá ikán ki̱ꞌin ya ta̱xi yá ndaꞌa siꞌí yá.

San Mateo 14:7

Xaꞌa ya ikán kua ki̱ndoo ra xiꞌin yá taxi ndiꞌi ra ñaꞌa ndaꞌa yá, ndá ka mií ya ndúku yá nuu ra ta taxi ndiꞌi ra ya ndaꞌa yá, káchi ra.

San Mateo 14:9

Saa ku̱chiꞌña ni ini ra rey, ta xaꞌa ya xa ki̱ndoo ra taxi ra ya ndaꞌa yá nuu ndiꞌi na ndóo xiꞌin ra nuu mesa ikán, xaꞌa ya ikán kua xa̱ꞌnda ra chiñu ya taxi na xiní ra Juan ndaꞌa yá.

San Marcos 6:24

Saa ke̱e yá ndi̱xaꞌan yá ndi̱kaꞌan yá xiꞌin siꞌí yá, káchi yá saa: ―¿Unkua vaꞌa nduku i nuu ra ―káchi yá. Saa ndi̱kuiin siꞌí yá, káchi yá saa: ―Kaꞌan xiꞌin ra ná taxi ra xiní ra Juan, ra síkuchi naꞌa ndaꞌa un ―káchi siꞌí yá.

San Marcos 6:25

Saa ndi̱ko koo yá, xínu yá ndi̱kiꞌvi yá nuu índuꞌu ra rey Herodes, ta ndi̱kaꞌan yá xiꞌin ra, káchi yá saa: ―Vaꞌa, taxi un xiní ra Juan, ra síkuchi naꞌa ndaꞌa i, ta chikaa un ya ini iin koꞌo taxi un ndaꞌa i ndikun tikaꞌan ―káchi yá xiꞌin ra.

San Marcos 6:28

Saa ke̱ta ra ikán ndi̱xaꞌan ra veꞌe kàà xa̱ꞌnda ra sukun ra Juan ta níꞌi ra xiní ra xa̱a xiꞌin ra. Ndíkaa ya ini iin koꞌo xa̱a xiꞌin ra. Saa ta̱xi ra ya ndaꞌa yá ikán, ta yá ikán ta̱xi yá ya ndaꞌa siꞌí yá.