San Mateo 14:30 - Xochapa Mixteco

³⁰ Saa tá xi̱ni ra ndee ni xíka tachi, ta ñaa ndi̱ndiꞌvi ni ra, ñaa xaá sáꞌvi ra kuaꞌan ra ini tikuii, ta iin ndi̱ndaꞌi koꞌo ra, káchi ra saa: ―¡Tata, sikaku un yeꞌe! ―káchi ra xiꞌin Jesús.

San Mateo 14:30 Mawu Ofanana

San Mateo 14:29

Saa ndi̱kaꞌan Jesús xiꞌin ra Pedro, káchi ra: ―Vaꞌa, naꞌa ―káchi ra xiꞌin ra. Saa nu̱u ra Pedro sata barco, ta xa̱á ra xíka xaꞌa ra kuaꞌan ra nuu tikuii ndikitaꞌan ra xiꞌin Jesús.

San Mateo 14:31

Saa ndi̱xaa Jesús si̱kaa ndaꞌa ra nuu ra Pedro, ñaa ti̱in ra ndaꞌa ra, saa ndi̱kaꞌan ra xiꞌin ra, káchi ra saa: ―¿Ndachu ndaku ni ini un, köo xíin un kandixa un yeꞌe? ¡Ndá xaꞌa kua ndi̱xika uvi ini un! ―káchi Jesús xiꞌin ra.

San Marcos 14:38

Kundito ndo, ta kaꞌan ni ndo xiꞌin Ndioxi ya ná ndïkava ndo nuu kuachi. Ya ndaa kua kúni ni ndo xaa súvi ya kúni Ndioxi, sundi köo kúchiñu ndo xaa súvi ndo ya xiꞌin ndee mií ndo ―káchi Jesús xiꞌin nda.