San Mateo 14:3 - Xochapa Mixteco

³ Chi suvi mií ra Herodes ikán ku ra xa̱ꞌnda chiñu ya ti̱in na ra Juan, ka̱tun na ra xiꞌin cadena, saa ki̱ꞌin na ra chi̱kaa na veꞌe kàà. Xaꞌa ya ndi̱kaꞌan ra xiꞌin ra Herodes, ya väꞌa íkan ra xiꞌin yá Herodías, yá xanu ra, yá síꞌi ra ñani ra, ra Felipe.

San Mateo 14:3 Mawu Ofanana

San Mateo 11:2

Saa ndíkaa ra Juan ra síkuchi naꞌa veꞌe kàà, ta xi̱ni soꞌo ra tuꞌun xaꞌa ya vaꞌa íkan Jesús xiꞌin naꞌa, saa ti̱ꞌvi ra uvi nda ítaꞌan xiꞌin ra kuaꞌan nda ndakan tuꞌun nda Jesús.

San Mateo 14:6

Saa ti̱ndaa iin kivi ta xa̱kin mií ra Herodes viko veꞌe ra, xaꞌa ya xínu ra kuiya ra. Ñaa ti̱xaꞌa mií yá kuâán loꞌo seꞌe mií yá Herodías ikán nuu ndiꞌi mií na ndóo viko ikán, ta ndee ni ku̱too mií ra Herodes ndá kuꞌva ti̱xaꞌa yá.

San Mateo 4:12

Tá xi̱ni soꞌo Jesús ya chi̱kaa na ra Juan veꞌe kàà, ta saa ndi̱ko koo ra kuanuꞌu ra chí Galilea.

San Marcos 6:14

Saa xi̱ni soꞌo ra rey Herodes tuꞌun xaꞌa Jesús, saa chi xa ndiꞌi ni kúu ñaꞌñu ndi̱xita tuꞌun xaꞌa ra. Saa xa̱á ra káꞌan ra, káchi ra saa: ―Ra Juan, ra síkuchi naꞌa ku ra ndi̱taku yakan vaꞌa kúu mií ra yatuꞌun Ndioxi ―káchi ra.

San Marcos 6:17

Saa chi xa yachi vi xa̱ꞌnda chiñu ra Herodes ya ti̱in na ra Juan ka̱tun na ra xiꞌin cadena kuaꞌan ra veꞌe kàà xaꞌa ya ndi̱kaꞌan ra Juan xiꞌin ra Herodes xaꞌa yá Herodías, yá síꞌi ra Felipe ñani ra.

San Marcos 6:19

Xaꞌa ya ikán kua kini ni ku̱ndasi nuu yá Herodías xi̱ni yá ra Juan, yakan kúni yá kaꞌni ñaꞌa yá. Ta köo níꞌi yá kuꞌva kaꞌni yá ra,

San Marcos 6:22

Saa ndi̱xaa seꞌe síꞌi yá Herodías ini veꞌe nuu íyo viko ikán ta ti̱xaꞌa yá. Saa ku̱too ni mií ra rey Herodes xiꞌin ndiꞌi mií na ndóo xíxi xiꞌin ra, ku̱too ni na ndá kuꞌva ti̱xaꞌa yá. Xaꞌa ya ikán kua ndi̱kaꞌan ra xiꞌin yá, káchi ra saa: ―Vaꞌa, nduku un ya kúni mií un nuu i, ta taxi i ya ndaꞌa un ―káchi ra xiꞌin yá.

San Marcos 8:15

Saa ndi̱kaꞌan Jesús xiꞌin nda: ―Koto ndo, kuenta ni koo ndo xiꞌin uxan iya nda fariseo, saa tu uxan iya ra Herodes va ―káchi ra xiꞌin nda.

San Lucas 13:1

Mi tiempo ikán ke̱e sava naꞌa kuaꞌan na ndi̱xaa na nuu Jesús. Saa xa̱á na káꞌan na xiꞌin ra, káchi na saa: ―Sava na estado Galilea ndi̱xaa na veꞌe ñuꞌu kaꞌnu ya ndíkaa ñuu Jerusalén xáꞌni na kiti sana na sóko na nuu Ndioxi. Saa ti̱ꞌvi ra gobernador Pilato nda lapa ndi̱xaꞌan nda xa̱ꞌni nda na ikán, ñaa ndikoyo nií na xiꞌin nií kiti ndi̱saka nuu rá ―káchi na ikán xiꞌin Jesús.

San Lucas 13:31

Saa ku̱u mi kivi ikán ta ndi̱xaa tu sava nda fariseo va káꞌan nda xiꞌin Jesús, káchi nda saa: ―Vaꞌa ka kee un kuꞌun un inka ñuu, köo ka un yóꞌó chi ra rey Herodes ta kúni ra kaꞌni ra yóꞌo̱ ―káchi nda xiꞌin ra.

San Lucas 23:11

Saa xa̱á ra Herodes xiꞌin nda lapa kúsiki ndaa ñaꞌa nda. Saa si̱kundixi nda ra iin tikoto ya vaꞌa ni náꞌa ya xáku ndaa nda ra. Ñaa si̱ndiko koo tuku ra Herodes Jesús kuaꞌan ra nuu ra Pilato.

San Lucas 23:7

Ñaa tá ku̱ndaa ini ra, ta ti̱ꞌvi ra Jesús kuaꞌan ra ndaꞌa ra Herodes, saa chi ra ikán ku ra kúu gobernador nuu na estado Galilea, ta mií ñuu Jerusalén ikán ndi̱xaa ra íyo ra tá ku̱u saa.

San Lucas 3:1

Ndi̱xinu xaꞌun kuiya kúu mií ra rey Tiberio chiñu nuu ndiꞌi na ñuu ya ndíkun ndaa ñuu Roma. Ta xa̱ꞌnda chiñu ra nuu ndiꞌi nda gobernador ikán, ra Poncio Pilato ku ra xa̱ꞌnda chiñu nuu na ñuu ya ñúꞌu Judea, ta ra Herodes ku̱u gobernador nuu na ñuu ya ñúꞌu Galilea. Inka ra Felipe, ñani ra Herodes, ku̱u gobernador nuu na ñuu ya ñúꞌu Iturea xiꞌin na ñuu ya ñúꞌu Traconite. Ta inka ra náni Lisanias ku̱u gobernador nuu na ñuu ya ñúꞌu Abilinia.

San Lucas 8:3

inka yá náni Juana, yá síꞌi ra Chuza, ra ndáa chiñu veꞌe chiñu ra rey Herodes. Inka yá náni Susana, ta kuaꞌa ni ka ku ná kuaꞌan xiꞌin Jesús. Ta ná síꞌi ikán chi̱ndee ñaꞌa ná xiꞌin xuꞌun, ta̱xi ná ya ndaꞌa ra ya kuniñuꞌu ra xiꞌin nda ítaꞌan xiꞌin ra.

Los Hechos 12:1

Tiempo ikán xa̱á ra rey Herodes xáa nduvaꞌa ni ra xiꞌin sava na kándixa Jesús.

Los Hechos 4:27

’Ta vitin ku nuu ti̱ndaa kivi ndi̱xinu ya ndi̱kaꞌan ra rey David, saa chi ra rey Herodes xiꞌin ra Poncio Pilato iin káchi ndi̱kitaꞌan nda ñuu yóꞌó, xiꞌin na inka ñuu na köo kúu judío xiꞌin sava na ñuu Jerusalén yóꞌó. Iin yuꞌu ku̱u na xiꞌin taꞌan na ndu̱ku na kuꞌva xa̱ꞌni na Jesús ra i̱í, ra kúu mií ichí un ya ta̱xi un ndaꞌa ra, Iva yo Ndioxi.