San Mateo 14:27 - Xochapa Mixteco

²⁷ Saa kama ni ndi̱kaꞌan Jesús xiꞌin nda, káchi ra saa: ―¡Kündiꞌi ini ndo, chi yeꞌe va ku i, ku ïꞌvi ndo! ―káchi ra xiꞌin nda.

San Mateo 14:27 Mawu Ofanana

San Mateo 14:28

Saa ndi̱kaꞌan ra Pedro, káchi ra saa: ―Tata, tá tu ndixa yóꞌo̱ ku un, ta kaꞌnda un chiñu ná kaka i nuu rá xaa i nuu un ―káchi ra.

San Mateo 17:7

Saa ku̱yati Jesús nuu nda, ti̱in ndaa ñaꞌa ra ndi̱kaꞌan ra xiꞌin nda, káchi ra saa: ―Kundita ndo, ku ïꞌvi ndo ―káchi ra xiꞌin nda.

San Mateo 28:10

Ñaa ndi̱kaꞌan ra xiꞌin ná, káchi ra saa: ―Ku ïꞌvi ndo, kuáꞌan ndo kaꞌan ndo xiꞌin nda xi̱taꞌan xiꞌin i ná kuꞌun nda estado Galilea, ta ikán kuni nda yeꞌe ―káchi ra xiꞌin ná.

San Mateo 28:5

Saa ndi̱kaꞌan tatun Ndioxi xiꞌin ná ñaꞌa ikán, káchi ya saa: ―Ku ïꞌvi ndo, saa chi xíni i ya ndúku ndo Jesús ra xa̱ꞌni na nuu cruzin.

San Mateo 9:2

Saa ndáka na iin taa ra küvi kaka, ínuu ra nuu xito ndi̱xaa ra nuu Jesús. Tá xi̱ni Jesús ya kándixa ni ñaꞌa nda ndíso ra ikán. Ta ndi̱kaꞌan ra xiꞌin ra kúꞌvi ikán, káchi ra saa: ―Seꞌe, kündiꞌi ini un, chi xa xa̱a kaꞌnu ini i xaꞌa kuachi un ―káchi Jesús xiꞌin ra.

San Marcos 6:50

chi ndiꞌi nda xi̱ni ya, yakan ndi̱ndiꞌvi ni nda. Ta kama ni ndi̱kaꞌan ra xiꞌin nda, káchi ra saa: ―Kündiꞌi ini ndo chi yeꞌe va ku i, kuïꞌvi ndo ―káchi ra xiꞌin nda.

San Lucas 1:13

Saa ndi̱kaꞌan tatun ikán xiꞌin ra, káchi ya saa: ―Tata Zacarías ku ïꞌvi un, saa chi xi̱ni soꞌo Ndioxi ya ndi̱kaꞌan un xiꞌin ra. Ta vitin kaku seꞌe yá síꞌi un, chinuu un kivi ra kunani ra Juan.

San Lucas 1:30

Ta saa ndi̱kaꞌan ya xiꞌin yá, káchi ya saa: ―María, ku ïꞌvi un xaꞌa ya ndi̱kaꞌan i xiꞌin un, saa chi yóꞌo̱ ta ndi̱taꞌan un ya vaꞌa nuu Ndioxi.

San Lucas 12:32

Saa ndi̱kaꞌan ka Jesús, káchi ra saa: ―Ndóꞌo̱ ndíkun sata i ta ku ïꞌvi ndo chi tá íyo iin tiꞌvi levo vali sana i saa íin ndo. Ta kúsini ni va Ndioxi taxi ra koo ndo xiꞌin ra nuu xáꞌnda chiñu ra.

San Lucas 2:10

Saa ndi̱kaꞌan tatun ikán xiꞌin nda, káchi ya saa: “Ku ïꞌvi ndo chi ya vaꞌa vaxi i ndituꞌun i xiꞌin ndo, ya kusini ni ndiꞌi ku na ñuu ivi kua vaxi i kaꞌan i xiꞌin ndo.

San Lucas 5:10

Saa tu ra Jacobo va xiꞌin ra Juan, nda seꞌe ra Zebedeo xiꞌin ra Símón, íꞌvi ka vi nda. Saa ndi̱kaꞌan Jesús xiꞌin ra Simón Pedro, káchi ra saa: ―Simón, ku ïꞌvi un, saa chi käꞌni ka un tiaka, taxi i inka chiñu ndaꞌa un, kivi vitin xáa chiñu ya taxi i ndaꞌa un, kuꞌun un ndikaya un naꞌa, ya kundikun na ichí Ndioxi ―káchi Jesús xiꞌin ra.

San Juan 16:33

Soꞌva káꞌan i xiꞌin ndo ya ná kündiꞌi ini ndo, ta tuun ni kundikun ndo yeꞌe saa koo vaꞌa ni ini ndo. Saa chi kixi ni tindoꞌo nuu ndo ñuu ivi yóꞌó, sundi kundaa ni ini ndo kuni ndo yeꞌe, saa chi yeꞌe ta xa ku̱chiñu i xa̱a kanaa i ñuu ivi yóꞌó ―káchi Jesús.

San Juan 6:20

Saa ndi̱kaꞌan ra xiꞌin nda, káchi ra saa: ―¡Yeꞌe va ku i, ku ïꞌvi ndo! ―káchi ra xiꞌin nda.

Los Hechos 23:11

Saa tá ku̱ñuu ta ndi̱tuvi Tata yo Jesús nuu ra Pablo, káꞌan ra xiꞌin ra, káchi ra saa: ―Xaꞌa un ndee yóꞌo̱ Pablo, ku ïꞌvi un saa chi tá kuꞌva ndíkuiin un káꞌan un xaꞌa i ñuu Jerusalén yóꞌo̱, saa ndikuiin tu un kaꞌan un xaꞌa i ñuu Roma va ―káchi Tata yo Jesús xiꞌin ra.