San Mateo 14:19 - Xochapa Mixteco

¹⁹ Ñaa ndi̱kaꞌan ra xiꞌin na, ya ndikundoo na nuu iku kuii. Saa ti̱in ra uꞌun xita vaꞌa ikán xiꞌin uvi saa tiaka, ta nda̱niꞌi nuu ra nuu ndivi ta̱xi ra ndi̱xaꞌvi ndaꞌa Ndioxi, saa ta̱ꞌvi ra ya ta̱xi ra ya ndaꞌa nda ítaꞌan xiꞌin ra, ta nda ikán ndi̱taꞌvi ya xiꞌin naꞌa.

San Mateo 14:19 Mawu Ofanana

San Mateo 14:18

Saa ndi̱kaꞌan Jesús xiꞌin nda: ―Vaꞌa, taxi ndo ya ndaꞌa i ―káchi ra.

San Marcos 6:39

Saa xa̱ꞌnda ra chiñu nuu nda, ya ná sikitaꞌan nda na, tá iin tiꞌvi iin tiꞌvi ná ndikundoo na nuu ita kuii.

San Marcos 6:41

Ñaa ti̱in Jesús uꞌun xita vaꞌa ikán xiꞌin uvi tiaka, ta nda̱niꞌi nuu ra nuu ndivi táxi ra tixaꞌvi ndaꞌa Ndioxi. Saa ta̱ꞌvi ra xita vaꞌa ta̱xi ra ndaꞌa nda ítaꞌan xiꞌin ra, ya nditaꞌvi nda ya taxi nda ndaꞌa na kuxi na. Si̱ndiꞌi saa ta̱ꞌvi tu ra uvi tiaka ikán va.

San Marcos 7:34

Ñaa nda̱niꞌi nuu ra nuu ndivi saa ndi̱kiꞌin ra tachi ra, ta ndi̱kaꞌan ra xiꞌin ra ikán, káchi ra saa: ―¡Efata! ―káchi ra xiꞌin ra. Tuꞌun ikán kúni kachi ya: ¡Ná kuna ya!

San Lucas 22:17

Saa ti̱in ra iin copa vinu ta ta̱xi ra tixaꞌvi ndaꞌa Ndioxi. Tá ndiꞌi ta̱xi ra tixaꞌvi ndaꞌa Ndioxi, saa ndi̱kaꞌan ra xiꞌin nda ítaꞌan xiꞌin ra, káchi ra saa: ―Siyaꞌa ndo rá ndaꞌa taꞌan ndo, ta loloꞌo rá koꞌo iin iin ndo xiꞌin taꞌan ndo.

San Lucas 22:19

Sindiꞌi ta ki̱ꞌin ra iin xita vaꞌa, saa ta̱xi ra tixaꞌvi ndaꞌa Ndioxi. Tá ndiꞌi ta̱xi ra tixaꞌvi ndaꞌa Ndioxi, saa ta̱ꞌvi ra ya, ta ndi̱kaꞌan ra xiꞌin nda, káchi ra saa: ―Xita vaꞌa yóꞌó ku kuñu i, ya taxi i xaꞌa kuachi ndo, ta ikan ndo tá íkan i vitin ya ndikaꞌán ini ndo xaꞌa i ―káchi ra xiꞌin nda.

San Lucas 24:30

Tá ndi̱kundoo nda kuxi nda nuu mesa, ta ti̱in Jesús xita vaꞌa, xa̱á ra táxi ra tixaꞌvi ndaꞌa Ndioxi xaꞌa ya. Tá si̱ndiꞌi ra ta̱xi ra tixaꞌvi ndaꞌa Ndioxi, ta saa ta̱ꞌvi ra ya ta̱xi ra ndaꞌa nda kuxi nda.

San Lucas 9:14

Ta kúu nda iin kuꞌva uꞌun mil ndisaa nda taa. Ñaa ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Kaꞌan ndo xiꞌin na ná ndikundoo na iin tá uvi xiko uxi, uvi xiko uxi na ná ndikundoo ―káchi ra xiꞌin nda.

San Lucas 9:16

Ta saa ki̱ꞌin Jesús uꞌun xita vaꞌa xiꞌin uvi tiaka ikán, ñaa ndi̱koto ra nuu ndivi, xa̱á ra káꞌan ra xiꞌin Ndioxi, táxi ra tixaꞌvi ndaꞌa Ndioxi. Tá si̱ndiꞌi ra ndi̱kaꞌan ra xiꞌin Ndioxi, ta saa ta̱ꞌvi ra ya ta̱xi ra ndaꞌa nda ítaꞌan xiꞌin ra, nda ikán ndi̱taꞌvi ya ta̱xi nda ndaꞌa na xi̱xi na.

San Juan 11:41

Saa si̱kutaꞌa na yu̱ú ya ndási yuꞌu kava nuu chi̱kaa na ra. Ta ndi̱koto Jesús nuu ndivi saa ndi̱kaꞌan ra, káchi ra saa: ―Tata Iva i, táxi i tixaꞌvi ndaꞌa un chi xi̱ni soꞌo un ya ndi̱kaꞌan i xiꞌin un.

San Juan 6:23

Saa kúu ta ndi̱xaa ka barco tun ke̱e ñuu Tiberias, ndi̱xaa nu yati yuꞌu tikuii ikán, nuu ta̱xi Jesús xita vaꞌa xi̱xi na yachi, tá ta̱xi ra tixaꞌvi ndaꞌa Ndioxi,

Los Hechos 27:35

Saa ki̱ꞌin ra xita vaꞌa kuxi ra ta nuu ndiꞌi nda ta̱xi ra tixaꞌvi ndaꞌa Ndioxi, saa ta̱ꞌvi ra ya xa̱á ra xíxi ra.

ROMANOS 14:6

Saa ñani yo, sava ndóꞌo̱ káꞌan i̱í ni sava kivi nuu inka ya, káchi ndo. Ni saa íkan ndo, ta Táta yo ku ra xáa toꞌo ni ndo. Saa tu sava ndóꞌo̱ xíxi ndiꞌi nuu ñaꞌa xíxi, íkan ndo saa ya xáa toꞌo ndo Táta yo, ta táxi ndo tixaꞌvi ndaꞌa ra. Ta saa tu sava ndóꞌo̱ köo xíxi ndiꞌi nuu ñaꞌa, íkan tu ndóꞌo̱ va saa ya xáa kaꞌnu ndo Táta yo, ta táxi ndo tixaꞌvi ndaꞌa ra.

1 Corintios 10:16

Xa xíni ndo chi ya ndíkitaꞌan yo xiꞌin Cristo kua xíꞌi yo nduta vino, chi ndi̱xita nií ra xaꞌa yo yakan vaꞌa ndíkitaꞌan yo xiꞌin ra. Saa tu tá xíxi yo xita vaꞌa, chi ta̱xi ra ikin kuñu ra xaꞌa yo, yakan vaꞌa ndíkitaꞌan yo xiꞌin ra.

1 Corintios 10:31

Sundi yeꞌe, ta ya káꞌan i xiꞌin ndo ku ya yóꞌó: Tá íkan ndo ndá ka mií ñaꞌa án ya xíxi ndo ku ya án ya xíꞌi ndo ku ya, ta xaa kaꞌnu ndo ra xaꞌa ndiꞌi va ya.

1 Corintios 11:24

ñaa ta̱xi ra tixaꞌvi ndaꞌa Ndioxi xaꞌa ya, saa ta̱ꞌvi ra ya, káchi ra saa: “Kuxi ndo xita vaꞌa yóꞌó, chi ya yóꞌó ku kuñu i ya táxi i xaꞌa ndo. Vaꞌa ikan ndo saa, ya ndíkaꞌán ini ndo xaꞌa i”, káchi ra.

Colosenses 3:17

Ta ndiꞌi ñaꞌa íkan ndo án ya káꞌan ndo, ta vaꞌa ikan ndo ndiꞌi ya xaꞌa ya chinuu vaꞌa ndo tuꞌun mií Tata yo Jesús, saa taxi ni ndo tixaꞌvi ndaꞌa Iva yo Ndioxi.