San Mateo 14:17 - Xochapa Mixteco

¹⁷ Saa ndi̱kaꞌan nda xiꞌin ra, káchi nda saa: ―Tata, ni köo kuaꞌa ku ñaꞌa ndíso nde, ndisaa loꞌo uꞌun ku xita vaꞌa, ta uvi ku tiaka va ―káchi nda xiꞌin ra.

San Mateo 14:17 Mawu Ofanana

San Mateo 14:16

Saa ndi̱kuiin Jesús, káchi ra saa: ―Köo xíniñuꞌu na kuꞌun na nduku na ya kuxi na. Vaꞌa taxi mií ndo ná kuxi na ―káchi ra xiꞌin nda.

San Mateo 14:18

Saa ndi̱kaꞌan Jesús xiꞌin nda: ―Vaꞌa, taxi ndo ya ndaꞌa i ―káchi ra.

San Mateo 16:9

¿Án täꞌan kundaa ini ndo? ¿Án xa ndi̱ndoso ini ndo tá ndi̱taꞌvi i uꞌun xita vaꞌa xi̱xi uꞌun mil taa, ta kuaꞌa ni tika si̱kutu ndo xiꞌin ya ndi̱ndoo?

San Lucas 9:13

Ta saa ndi̱kuiin ra yuꞌu nda, káchi ra saa: ―Vaꞌa taxi mií ndo ñaꞌa ná kuxi na ―káchi ra xiꞌin nda. Ñaa ndi̱kuiin nda, káchi nda saa: ―Tata, köo mií ñaꞌa taxi nde ndaꞌa na, uꞌun ndaa va ku xita vaꞌa ndíso nde xiꞌin uvi tiaka va, näni vi ya yóꞌó kuxi na, yáꞌa ni kuaꞌa ku na. Tá tu kúni un ta vaꞌa kuꞌun nde sata nde ya kuxi na ndá ñuu niꞌi nde ya ―káchi nda xiꞌin ra.