San Mateo 14:15 - Xochapa Mixteco

¹⁵ Saa xa kuaꞌan kú xikuáa ni, ñaa ndi̱xaa nda ítaꞌan xiꞌin Jesús nuu ra, káꞌan nda xiꞌin ra, káchi nda saa: ―Tata, xa xikuáa ni kua, ta ni naꞌa köo yóꞌó, ¿án vaꞌa ná ndai un na, ta tiꞌvi un ndiꞌi na yóꞌó, kuꞌun na ndá ñuu vali ñúꞌu yati ya nduku na ndá sata na ñaꞌa kuxi na? ―káchi nda xiꞌin ra.

San Mateo 14:15 Mawu Ofanana

San Mateo 14:13

Tá ku̱ndaa ini Jesús ya ndo̱ꞌo ra Juan, saa ke̱e ra kuaꞌan ra xiꞌin itun barco iin ñaꞌñu nuu köo nda iin naꞌa. Saa ku̱ndaa ini naꞌa ya kuaꞌan ra, ñaa ke̱e na ndíkun na kuaꞌan na sata ra chí nuu ñuꞌú.

San Mateo 14:14

Tá nu̱u ra sata barco saa xi̱ni ra iin chútu ndaa naꞌa, ñaa ku̱ndaꞌvi ni ini ra xi̱ni ra na, saa si̱ndaꞌa ra ndiꞌi na kúꞌvi ndáka naꞌa kuaꞌan xiꞌin na.

San Mateo 14:16

Saa ndi̱kuiin Jesús, káchi ra saa: ―Köo xíniñuꞌu na kuꞌun na nduku na ya kuxi na. Vaꞌa taxi mií ndo ná kuxi na ―káchi ra xiꞌin nda.

San Mateo 15:23

Ta nda iin tuꞌun köo ndi̱kuiin Jesús yuꞌu yá. Saa ku̱yati nda ítaꞌan xiꞌin ra xáku ndaꞌvi nda nuu ra, káchi nda saa: ―Tata, kaꞌan xiꞌin yá ná kuꞌun yá, saa chi ndee ni ndáꞌi yá vaxi yá sata yo ―káchi nda xiꞌin ra.

San Marcos 8:3

Tá tu saa ná koo na tiꞌvi i na nuꞌu na, ta ìyo ni kuvi ndiuu na ichí, chi sava na ta kani ni ke̱e na ―káchi ra xiꞌin nda.

San Lucas 9:12

Saa xa̱á kuaꞌan kuáa̱ va, ñaa ku̱yati uxi uvi saa nda ítaꞌan xiꞌin ra ta ndi̱kaꞌan nda xiꞌin ra, káchi nda saa: ―Tata Maestro, xa vaꞌa kaꞌan un xiꞌin na yóꞌó ná nuꞌu na ndikundee na, ta saa ná nduku na ñaꞌa kuxi na ndá ka ñuu ya ñúꞌu yati án chí iku, saa chi yóꞌó ta köo mií ñaꞌa kuxi na iku yuyu mií kua ―káchi nda xiꞌin ra.