San Mateo 13:52 - Xochapa Mixteco

⁵² Saa ndi̱kaꞌan ka Jesús xiꞌin nda, káchi ra saa: ―Tá kúu sava nda sínaꞌa ley Ndioxi ya ta̱a ra Moisés, ndíkundikun nda ichí nuu xáꞌnda chiñu Ndioxi, ta nda tá káa iin taa xiꞌin veꞌe ra nuu chivaꞌa ra ñaꞌa yata ra xiꞌin ñaꞌa xa̱á ra, saa íyo nda. Saa chi nda ikán, ta kúchiñu nda táva nda ya kuika yata ya xa xíni nda xiꞌin ya kuika xa̱á ―káchi ra xiꞌin nda.

San Mateo 13:52 Mawu Ofanana

San Mateo 12:35

Naꞌa, na vaꞌa, ta ya vaꞌa káꞌan na, saa chi ya vaꞌa íyo nima na. Ta naꞌa, na väꞌa, ta ya väꞌa káꞌan na, saa chi saa íyo nima na.

San Mateo 13:51

Saa ndi̱ndakan tuꞌun Jesús nda ítaꞌan xiꞌin ra, káchi ra saa: ―¿Án ku̱ndaa ini ndo ndiꞌi ya ndi̱kaꞌan i xiꞌin ndo? ―káchi ra xiꞌin nda. Ñaa ndi̱kuiin nda, káchi nda saa: ―Ku̱ndaa va ini nde, Tata ―káchi nda xiꞌin ra.

San Mateo 13:53

Tá si̱ndiꞌi Jesús ndi̱kaꞌan ra ndiꞌi tuꞌun ikán, saa ndi̱kiꞌin ra kuaꞌan ra.

San Mateo 23:34

Saa káꞌan i xiꞌin ndo, chi yeꞌe ta tiꞌvi i nda profeta nda kaꞌan ndoso tuꞌun i, saa tiꞌvi tu i nda ndíchi, xiꞌin nda sinaꞌa tuꞌun i kaꞌan nda xiꞌin ndo. Ta ndóꞌo̱ kaꞌni ndo sava nda ikán, ta inka nda katikaa ndo ndaꞌa cruzin kuvi nda. Ta sava nda xaa nduvaꞌa ni ndo xiꞌin kani ni ndo nda ini veꞌe ñuꞌu sinagoga, ta sava nda kundikun ndo sata nda xaa nduvaꞌa ndo xiꞌin nda tá iin tá iin ñuu.

San Mateo 28:19

Yakan vitin ta kuáꞌan ndo ndiꞌi saa xaꞌa ñuu ivi ta sinaꞌa ndo naꞌa ndá kuꞌva kundikun na ichí i, saa sikuchi ndo na tixin kivi Iva i, xiꞌin tixin kivi Seꞌe ra, xiꞌin tixin Tachi I̱í Ndioxi.

San Lucas 11:49

Yakan kua ndi̱kaꞌan Ndioxi tuꞌun ndíchi xaꞌa ndo, káchi ra saa: “Tiꞌvi i nda káꞌan ndoso tuꞌun yuꞌu i kuꞌun nda kaꞌan ndoso nda tuꞌun i xiꞌin na Israel. Tiꞌvi i nda ndi̱kaxin i xíka chiñu nuu i kuꞌun nda ndituꞌun nda xiꞌin na, ta sava nda kaꞌni ñaꞌa na, inka nda xaa nduvaꞌa ni na xiꞌin nda”, káchi Ndioxi xaꞌa ndo.

San Juan 13:34

Ta ya yóꞌó ku iin chiñu xa̱á sindoo i ndaꞌa ndo: Kuꞌvi ni ini ndo kuni taꞌan ndo, tá kuꞌva kúꞌvi ini i xíni i ndóꞌo̱, ta kuꞌva saa kuꞌvi ni tu ini ndóꞌo̱ va kuni taꞌan ndo.

2 Corintios 6:10

Tá íin nde kúsuchi ni ini saa íin nde túvi na, ta süvi ya ndaa kua chi ndiꞌi saa va ichí kúsini ni nde. Tá íin ndeꞌe ndáꞌvi ni saa íin nde túvi na, ta süvi ya ndaa kua, chi ndiꞌi saa va ichí táxi nde ya kuika, ya vaꞌa vaxi nuu ndivi ndaꞌa kuaꞌa ni naꞌa. Tá íin ndeꞌe köo nda loꞌo ñaꞌa nuu, saa íin nde túvi na, ta süvi saa íyo ya chi íyo ndiꞌi va ñaꞌa táxi Ndioxi ndaꞌa nde.

Efesios 3:4

Tá ná kaꞌvi ndo tutu ya xa ta̱a i xaa ndaꞌa ndo, ta saa kua vaꞌa kuchiñu kundaa ini ndo xiꞌin ya káꞌan i xiꞌin ndo, ya kúndaa ini i xaꞌa ñaꞌa ya ndi̱xiyo sěꞌe xaꞌa Cristo.

Efesios 3:8

Vani köo ndáa yaꞌvi ni va i nuu ndiꞌi na ñani yo, na kúu ñuu Ndioxi, ta ta̱xi ra ichí ndaꞌa i ya kaꞌan ndoso i tuꞌun vaꞌa xaꞌa ra xiꞌin naꞌa, na köo kúu judío. Ta tuꞌun vaꞌa ni ikán, ta tá káa ya kuika ni saa káa ya, chi köo ndíꞌi xaꞌa ya.

Colosenses 1:7

Ta ya yóꞌó kua xi̱ni soꞌo ndo si̱naꞌa ra ñani yo, ra Epafras, ra xáa chiñu xiꞌin nde nuu Tata yo Jesucristo. Ta ndinuꞌu ni ini ra xáa chiñu ra nuu Tata yo ya chindee ra ndóꞌo̱.

Colosenses 3:16

Ta taxi ndo ndee ni ná koo mií tuꞌun Tata yo Jesucristo nima ndo. Saa sinaꞌa taꞌan ndo ta ndikani ndo nuu taꞌan ndo sixinu ndo ini taꞌan ndo ya ná ikan ndo ya vaꞌa kúni Ndioxi. Saa ná kusini ndo ta kata ndo salmo xiꞌin yaa i̱í nuu Ndioxi ya táxi ndo tixaꞌvi ndaꞌa ra xaꞌa ya íyo vaꞌa ni ini ndo xiꞌin ra.

1 Timoteo 3:6

Nda ñani yo, nda kúni kuu mií taꞌan chiñu yóꞌó, ta köo xíniñuꞌu koo nda, nda sikan xa̱á xíni tuꞌun Ndioxi, saa chi ìyo ni ndutái ini nda ta koyo nda nuu ya väꞌa, tá ndo̱ꞌo mií kiti nǎꞌa.

Tito 1:9

Xíniñuꞌu nda kuu nda taa, nda ndee ni kándixa tuꞌun ya ndaa ni si̱naꞌa nde. Saa kua vaꞌa xaꞌa nda ndee xiꞌin nda ñani yo tin kuꞌva yo, ta saa sixinu nda ini na köo xíin kandixa vaꞌa.