San Mateo 13:48 - Xochapa Mixteco

⁴⁸ Tá chútu ndaa ya xiꞌin ri, saa táva na ya yuꞌu nduta ñûꞌu. Ñaa ndíkundoo na ndíkaxin na mií tiaka ikán, chívaꞌa na kiti vaꞌa ini tika na, ta kíꞌin na kiti väꞌa xáta na.

San Mateo 13:48 Mawu Ofanana

San Mateo 13:30

Vaꞌa ná kuaꞌnu ya xiꞌin taꞌan ya, nda kivi ná taꞌnda ya. Kivi ikán kaꞌan i xiꞌin na xáa chiñu nuu i kaꞌnda na xiꞌna iku väꞌa, saa katun na ya, ta taan na ya koko ya. Ta sindiꞌi saa kaꞌnda na trigo chivaꞌa na ya ini yaka i”, káchi ra chi̱ꞌi trigo xiꞌin nda xáa chiñu nuu ra ―káchi Jesús xiꞌin nda ítaꞌan xiꞌin ra.

San Mateo 13:47

Saa ndi̱tuꞌun Jesús inka tuꞌun ndíchi xiꞌin na, káchi ra saa: ―Ichí nuu xáꞌnda chiñu Ndioxi ta tá káa ñunu ya chíkaa na tíin tiaka ini nduta ñûꞌu, saa káa ya, chi ñunu ikán ta kuaꞌa ni nuu tiaka kuakee ini ya.

San Mateo 13:49

Saa kuu tá ná ndiꞌi xaꞌa ñuu ivi, kana koo na tatun Ndioxi ndikaxin na naꞌa, na väꞌa, tava ñaꞌa na tañu na vaꞌa.

San Mateo 3:12

Ta xa íyo tuꞌva ra kixi ra, tá ná kixi ra, ta ikan ra tá íkan na ndítivi nuni. Chívaꞌa na nuni ini yaka na, ta táan na xeꞌe xíxi ya. Kuꞌva saa íyo nduvi ra ikán, ikan ra xiꞌin naꞌa kuꞌun na koko na nuu xíxi ñu̱ꞌu̱.

San Mateo 4:18

Tá xíka Jesús yuꞌu nduta ñûꞌu Galilea ikán, saa xi̱ni ra uvi nda taa, iin ra náni Simón, ta káꞌan tu na xiꞌin ra Pedro va xiꞌin ra Andrés ta iin ñani uvi saa nda. Saa táan uvi saa nda ñunu nda ini nduta ñûꞌu, chi nda tíin tiaka ku nda.