San Mateo 13:46 - Xochapa Mixteco

⁴⁶ Tá ndi̱taꞌan ra iin ya ndee ni ka ndáa yaꞌvi, saa ndi̱xiko ndiꞌi ra ñaꞌa ya kúu mií ra, ñaa ndi̱xaꞌan ra sa̱ta ra ya ikán ―káchi Jesús xiꞌin na.

San Mateo 13:46 Mawu Ofanana

San Mateo 13:44

Saa ndi̱kaꞌan tuku Jesús tuꞌun ndíchi xiꞌin na nuu sínaꞌa ra na, káchi ra saa: ―Ichí nuu xáꞌnda chiñu Ndioxi ta tá káa iin ñaꞌa ya ndíkaa sěꞌe nuu ñuꞌú xi̱ni iin taa, saa káa ya. Tá xi̱ni ra ikán ya, saa ki̱ꞌin tuku ra ya chi̱kaa sěꞌe ra tixin mií ñuꞌú ikán, ñaa ndi̱ko koo ra kuanuꞌu ra. Kúsini ka vi ra ndi̱kiꞌin ra kuaꞌan ra ta ndi̱xiko ndiꞌi ra ñaꞌa kúu mií ra, saa ku̱chiñu ra sa̱ta ra ñuꞌú nuu ndíkaa ya kuika ikán.

San Mateo 13:45

Saa ndikaꞌan tuku ra xiꞌin na, káchi ra saa: ―Ichí nuu xáꞌnda chiñu Ndioxi tá káa iin taa ra xíka sáta yu̱ú yaꞌvi ni ya náni perla, saa káa ya.

San Mateo 13:47

Saa ndi̱tuꞌun Jesús inka tuꞌun ndíchi xiꞌin na, káchi ra saa: ―Ichí nuu xáꞌnda chiñu Ndioxi ta tá káa ñunu ya chíkaa na tíin tiaka ini nduta ñûꞌu, saa káa ya, chi ñunu ikán ta kuaꞌa ni nuu tiaka kuakee ini ya.

Los Hechos 20:24

Ta nda iin ñaꞌa küvi kasi nuu i xaꞌa chiñu ya íkan i, ni köo ndíꞌi ini i, tá tu kuvi i xaꞌa ra, ta vaꞌa kuvi va i xaꞌa ra. Chi ya ndee ni ndíꞌi ini i xaꞌa kua sixinu i chiñu nuu ra ya ta̱xi ra ndaꞌa i xaa súvi i nuu ra ya ndikuiin i kaꞌan ndoso i tuꞌun vaꞌa xaꞌa ra xiꞌin naꞌa ya ná kundaa ini na ndá kuꞌva kúꞌvi ni ini Ndioxi xíni ra na.

Gálatas 6:14

Sundi yeꞌe, ta köo kúni i kutai ini i xaꞌa ndá ka ñaꞌa. Ndisaa xaꞌa ya ndi̱xiꞌi Tata yo Jesucristo nuu cruzin xaꞌa kuachi yo kua kúni i kutai ini i xaꞌa. Chi xaꞌa ya i̱kan Jesucristo nuu cruzin kua ndu̱u i tá káa iin ra xa ndi̱xiꞌi nuu ya väꞌa íyo ñuu ivi yóꞌó, ta köo ka ndee ya kaꞌnda chiñu ya nuu i, chi yeꞌe tá káa ra xa ndi̱xiꞌi va saa káa i nuu ya.

Efesios 3:8

Vani köo ndáa yaꞌvi ni va i nuu ndiꞌi na ñani yo, na kúu ñuu Ndioxi, ta ta̱xi ra ichí ndaꞌa i ya kaꞌan ndoso i tuꞌun vaꞌa xaꞌa ra xiꞌin naꞌa, na köo kúu judío. Ta tuꞌun vaꞌa ni ikán, ta tá káa ya kuika ni saa káa ya, chi köo ndíꞌi xaꞌa ya.

Colosenses 2:3

Saa chi ndiꞌi ya kuika xiꞌin ya ndíchi ni kúu mií Ndioxi tin ya ndee ni xínituni ta ndaꞌa mií Cristo íyo ndiꞌi ya.

El Apocalipsis 18:12

Köo ka na sata kàà ya oro, ni ya plata, ni yu̱ú ya luvi ni, ya yaꞌvi ni, ni toto ya yaꞌvi ni ya kúu lino án seda, köo ka na sata ya. Ni toto ndíꞌi tuun án ya kuaꞌa ñu̱ꞌu, ni vitun itun vaꞌa ni támi xáꞌan, ni vitun itun luvi ni, ni kàà ya yáꞌa án kàà ya kúu hierro xiꞌin kàà ya bronce saa tu ya kúu mármol köo ka na sata ya.

El Apocalipsis 21:21

Ta uxi uvi saa yéꞌe mií nama ya ndi̱kava nduu sata mií ñuu i̱í ikán, ndi̱kuaꞌa ya xiꞌin iin iin yu̱ú vaꞌa ni ya luvi ni yéꞌe̱, ya náni perla. Ta mií ichí kaꞌnu mi ñuu i̱í ikán ndi̱kuaꞌa ya xiꞌin oro nina. Ta luvi ka vi yéꞌe̱ nuu mií ichí ikán, tá káa iin vidrio ya vaꞌa xíto yo inka ñaꞌñu sata saa káa ya.