San Mateo 13:39 - Xochapa Mixteco

³⁹ Taa ra sáa ini chi̱ꞌi iku väꞌa ku kiti nǎꞌa. Kivi ya kaꞌnda na trigo xiꞌin iku väꞌa ku kivi tá ná ndiꞌi xaꞌa ñuu ivi yóꞌó, ta na kaꞌnda ya ikán ku tatun Ndioxi.

San Mateo 13:39 Mawu Ofanana

San Mateo 12:32

Saa tu na káꞌan kini xaꞌa yeꞌe ku Taa ra xa̱a ñuu ivi yóꞌó, xaa kaꞌnu ini Ndioxi xaꞌa kuachi na. Sundi ndiꞌi naꞌa na kánaꞌa xaꞌa Tachi I̱í Ndioxi, ta xäa kaꞌnu ini ra xaꞌa na, ni tiempo vitin ni tiempo ya vaxi xäa kaꞌnu ini Ndioxi xaꞌa kuachi na.

San Mateo 13:22

Ta ndikin ya ndi̱koyo tañu iñu ku ya káꞌan xaꞌa na xíni soꞌo tuꞌun Ndioxi, saa ndíꞌi ni ini na xaꞌa chiñu íyo ñuu ivi yóꞌó, án kúni na ndukuika ni na, ta ndiꞌi ya yóꞌó ta síndiꞌi xaꞌa ya tuꞌun Ndioxi ya xi̱ni soꞌo na, ta köo táxi ya kuaꞌnu tuꞌun ra nima na.

San Mateo 13:25

Tá kíxi ndiꞌi nda taa chi̱ꞌi ndikin trigo ikán, ta saa ndi̱xaa ra sáa ini xíni mií ra xitoꞌo ya, ñaa chi̱ꞌi ra ndikin väꞌa tañu ndikin trigo ra.

San Mateo 13:28

Saa ndi̱kuiin ra, káꞌan ra: “Ndá iin ra sáa ini xíni yeꞌe va ku ra ki̱xi chi̱ꞌi iku väꞌa ñaa”, káchi ra. Saa ndi̱kaꞌan nda xáa chiñu nuu ra xiꞌin ra, káchi nda saa: “¿Án kúni un ná kuꞌun nde tuꞌun nde ya?”, káchi nda xiꞌin ra.

San Mateo 13:40

Tá kuꞌva íkan naꞌa túꞌun na iku väꞌa íyo nuu ñuꞌú na, sindiꞌi, saa táan na ya xíxi ya, saa ikan na tatun Ndioxi xiꞌin na väꞌa tá ná ndiꞌi xaꞌa ñuu ivi yóꞌó.

San Mateo 13:49

Saa kuu tá ná ndiꞌi xaꞌa ñuu ivi, kana koo na tatun Ndioxi ndikaxin na naꞌa, na väꞌa, tava ñaꞌa na tañu na vaꞌa.

San Mateo 24:3

Saa ke̱e nda kuaꞌan nda iku Olivo, ñaa ndi̱kunduꞌu Jesús xiki ikán, ta ku̱yati nda ítaꞌan xiꞌin ra nuu ra káꞌan sěꞌe nda xiꞌin ra, káchi nda saa: ―Tata, kúni nde kaꞌan un xiꞌin nde maa kua kuu saa. ¿Ta ndá seña kua koo tá ná ndiko koo un tin tá ná ndiꞌi xaꞌa ñuu ivi? ―káchi nda xiꞌin ra.

San Mateo 25:31

Saa ndi̱kaꞌan ka Jesús xiꞌin na, káchi ra saa: ―Kivi tá ná ndiko koo yeꞌe, Taa ra xa̱a ñuu ivi yóꞌó, ta ndiko koo i xiꞌin ndiꞌi na tatun Ndioxi, tá káa rey ra ndee ni ndee saa koo i tá ná ndiko koo i xiꞌin ndiꞌi ñaꞌa ya ndee ni luvi yéꞌe̱. Ta saa ndikunduꞌu i nuu tai toꞌo kaꞌnda chiñu i.

San Mateo 28:20

Saa sinaꞌa ndo na ya ná xaa súvi ndiꞌi na ya ndi̱kaꞌan i xiꞌin ndo. Ta ná kundaa ini ndo, chi yeꞌe, ta ndiꞌi saa kivi koo i xiꞌin ndo, iin saa nda ná ndiꞌi xaꞌa ñuu ivi ―káchi Jesús xiꞌin nda xi̱taꞌan xiꞌin ra. Saa ná koo.

1 Corintios 10:11

Ndiꞌi ya yóꞌó ku ya ndo̱ꞌo xií sikua yo, yakan ndi̱ndoo ya ndaꞌa yo, ndi̱kaꞌi ya nuu tutu Ndioxi ya ndítuꞌun ya xiꞌin yo ya ná ïkan yo saa, chi tiempo ya xa kuaꞌan ndíꞌi ku ya ndóo yo vitin.

2 Corintios 11:3

Chi yeꞌe, ta ndíꞌi ni va ini i xiꞌin ndo, ìyo ni ndoꞌo ndo tá kuꞌva ndo̱ꞌo yá Eva, xiꞌin ya vata si̱ndaꞌvi kiti ko̱ó yá. Xaꞌa ya ñaa kua ndíꞌi ni ini i xíni i ndóꞌo̱. Koto ka saka naꞌa, na vata xi̱ní ndo, ta sindoo ndo ya ndee ni vaꞌa ndinuꞌu ini ndo ndíkun ndo ichí vaꞌa xaꞌa Jesucristo.

2 Corintios 2:17

Ndeꞌe, ta köo kíꞌin nde yaꞌvi nde xaꞌa ya ndítuꞌun nde tuꞌun Ndioxi xiꞌin naꞌa, tá kuꞌva íkan sava na, chi síndaꞌvi na ivi. Sundi ndeꞌe, ta ndaa ni ndítuꞌun nde xiꞌin na. Nuu Ndioxi káꞌan nde xiꞌin na, chi mií ra ku ra ti̱ꞌvi ndeꞌe kaꞌan ndoso nde xaꞌa ra, xaꞌa ya xa iin ndi̱kitaꞌan nde xiꞌin Jesucristo.

Efesios 2:2

Saa ndi̱xiyo ndo yachi, i̱kan ni ndo ya väꞌa xaꞌa ya xi̱ndikun ndo ichí taꞌan ya ndíkun na ñuu ivi yóꞌó, ta xa̱a súvi ndo ya ndi̱kaꞌan kiti nǎꞌa, kiti xáꞌnda chiñu nuu ndiꞌi tachi nduvaꞌa xiꞌin ndo, ta nda vitin ta xáꞌnda chiñu yaa va ri nuu naꞌa, na köo xíin kuni soꞌo ya káꞌan Ndioxi.

HEBREOS 1:2

Sundi tiempo ya kuaꞌan ndíꞌi ndóo yo vitin ta köo káꞌan ka ra xiꞌin yo tixin nda ikán, tixin Seꞌe ra kua káꞌan ra xiꞌin yo, chi tixin ra ikán kua si̱kuaꞌa ra ndiꞌi ni kúu ñaꞌa ya íyo nuu ndivi xiꞌin ya íyo ñuu ivi yóꞌó. Saa ta̱xi ndiꞌi ra ya ndaꞌa Seꞌe ra, ta ra ikán ku ra ndíso chiñu xiꞌin ndiꞌi ni kúu ñaꞌa ra.

HEBREOS 9:26

Tá ndi̱kan Jesucristo tá kuꞌva i̱kan nda sutu ikán tá nuu kuiya, ta nda tá xa̱á xi̱koo ñuu ivi yóꞌó vi xíniñuꞌu ra kuvi ra kuaꞌa ni ichí, ndikuu. Sundi tiempo ya ku̱yati ndiꞌi xaꞌa ñuu ivi ndóo yo vitin kua ki̱xi ra, ta iindaa va ichí ndi̱taxi ra mií ra ndisoko ra mií ra xaꞌa yo, ta ya i̱kan ra saa ndi̱taxi ra mií ra ndaꞌa Ndioxi yakan si̱ndiꞌi xaꞌa ra kuachi yo.

1 Pedro 5:8

Ta káxin teꞌe koo ini ndo, küsun ndo, kundito ndo, saa chi kiti nǎꞌa, ri kánitaꞌan xiꞌin ndo ta ndá yokan ndíkun ri xíka ri sata ndo. Tá kuꞌva íkan kiti lion, ri ndee ni ndíkun xíka ndúku tiin kiti kaxi ri, kuꞌva saa íkan kiti nǎꞌa xiꞌin ndo.

Judas 1:14

Ra Enoc, ra uxa ra kúu seꞌe ñani sikua ra Adán, ra ikán ku ra ndi̱kaꞌan xaꞌa nda taa nda sinaꞌa ya vata ñaa, ka̱chi ra saa: “¡Koto ndo vii! Xa xi̱ni i vaxi kuaꞌa ni mil na tatun Ndioxi xiꞌin ra,

El Apocalipsis 12:9

Ta tatun ya íyo xiꞌin Ndioxi ta̱va ya kiti koó nǎꞌa xiꞌin ndiꞌi tachi nduvaꞌa ya íyo xiꞌin ri. Ta̱va ya ri ki̱ꞌin ñaꞌa ya si̱koyo ya nda nuu ñuꞌú. Ta kiti ko̱ó nǎꞌa ikán ku ko̱ó yata ni, ta inka kivi ri kua Satanás án kiti Timiaꞌan. Ta suvi mií ri ku ri síndaꞌvi ndiꞌi ni kúu na ñuu ivi.

El Apocalipsis 13:14

Saa si̱ndaꞌvi ri uvi ikán ndiꞌi na ndóo ñuu ivi yóꞌó xiꞌin yatuꞌun íkan ri. Ta xiꞌin yuꞌu mií kiti núnu̱ú ikán kua íkan kiti uvi ikán yatuꞌun nuu naꞌa. Saa xa̱ꞌnda chiñu kiti uvi ikán chiñu nuu naꞌa ya sikuaꞌa na naꞌna kiti núnu̱ú, ri ìyo ni ndi̱taꞌnda xiní xiꞌin i̱chi ta ndi̱taku tuku ri.

El Apocalipsis 19:20

Ta Taa ra chee ni ra yóso kuai yaa xiꞌin nda lapa ítaꞌan xiꞌin ra, tíin nda kiti ìyo ni káa ikán saa tíin tu nda ra profeta vata. Ta ra ikán ku ra si̱ndaꞌvi naꞌa xaꞌa ya i̱kan ra kuaꞌa ni yatúꞌun nuu na, ta ta̱xi na ndi̱kunuu sello ra taan na, saa xa̱a kaꞌnu na naꞌna mií kiti ìyo ni káa ikán. Ta saa xi̱ni i tíin ra nda kíꞌin ra nda síkana táku ra ini xitun chee ni nuu ndee ni xíxi ñu̱ꞌu̱ xiꞌin ñu̱ꞌu̱ káꞌndi ya náni azufre.