San Mateo 13:37 - Xochapa Mixteco

³⁷ Saa ndi̱kuiin ra, káchi ra saa: ―Taa ra chi̱ꞌi ndikin trigo ku yeꞌe, ra xa̱a ñuu ivi yóꞌó.

San Mateo 13:37 Mawu Ofanana

San Mateo 10:40

’Ndiꞌi na ndíkiꞌin vaꞌa ndóꞌo̱, ta yeꞌe ku i ndíkiꞌin na, ta ndiꞌi na ndíkiꞌin yeꞌe ta ndíkiꞌin na Iva i Ndioxi, ra ti̱ꞌvi yeꞌe vaxi i.

San Mateo 13:24

Saa ndi̱tuꞌun ka Jesús inka tuꞌun ndíchi sínaꞌa ra naꞌa, káchi ra saa: ―Ichí nuu xáꞌnda chiñu Ndioxi, ta tá káa nuu chíꞌi iin ra ndikin trigo ya vaꞌa ni, saa káa ya.

San Mateo 13:27

Saa ndi̱xaa nda xáa chiñu nuu mií ra chi̱ꞌi ndikin trigo ikán káꞌan nda xiꞌin ra, káchi nda saa: “Tata, án su ndisaa ndikin trigo chi̱ꞌi un? ¿Ta ndachu ndi̱nduta iku väꞌa tañu ya?”, káchi nda xiꞌin ra.

San Mateo 13:4

Xa̱á ra xáta yava ra ndikin nuu ñuꞌú, saa ndi̱koyo sava ndikin ikán yuꞌu ichí, ñaa ndi̱xaa sàà ya̱xi ri ya.

San Mateo 13:41

Yeꞌe, Taa ra xa̱a ñuu ivi yóꞌó, tiꞌvi i na tatun i kaka na nuu xáꞌnda chiñu i, tava na ndiꞌi naꞌa, na táa sií naꞌa ikan na ya väꞌa xiꞌin ndiꞌi na íkan ya väꞌa.

San Mateo 8:20

Saa ndi̱kuiin Jesús, káchi ra saa: ―Kiti ikuii ta íyo kava nuu kíxi ri, saa tu kiti sàà va, íyo chiꞌyo nuu kíxi ri, sundi yeꞌe, Taa ra xa̱a ñuu ivi yóꞌó ta köo nuu kusun i ―káchi Jesús xiꞌin ra.

San Lucas 10:16

Ta saa ndi̱kaꞌan ra xiꞌin uni xiko uxi saa nda ikán, káchi ra saa: ―Ndiꞌi na ndíkiꞌin tuꞌun ya káꞌan ndóꞌo̱, tuꞌun yeꞌe kua ndíkiꞌin na. Ta ndiꞌi na kúndasi ndóꞌo̱, yeꞌe ku i kúndasi na. Ndiꞌi na kúndasi yeꞌe, Ndioxi ku ra kúndasi na ikán, saa chi Ndioxi ku ra ti̱ꞌvi yeꞌe vaxi i ñuu ivi yóꞌó ―káchi Jesús xiꞌin nda.

San Juan 13:20

Ya ndaa ni káꞌan i xiꞌin ndo, ndiꞌi na ndíkiꞌin vaꞌa na ti̱ꞌvi i xaa chiñu nuu i, ta yeꞌe ku i ndíkiꞌin na, ta ndiꞌi na ndíkiꞌin yeꞌe ta ndíkiꞌin na Iva i Ndioxi ra ti̱ꞌvi yeꞌe vaxi i ―káchi ra.

San Juan 20:21

Saa ndi̱kaꞌan tuku Jesús xiꞌin nda, káchi ra saa: ―Ná koo vaꞌa ni ini ndo. Tá kuꞌva ti̱ꞌvi Iva i yeꞌe, saa tíꞌvi i ndóꞌo̱ kuꞌun ndo vitin ―káchi ra xiꞌin nda.

Los Hechos 1:8

Sundi tá ná kixi Tachi ra sata ndo, ta saa kuu mií ndo ndee Ndioxi, nda saa kua kee ndo kuꞌun ndo ndituꞌun ndo xaꞌa i xiꞌin na ñuu Jerusalén yóꞌó. Xiꞌna na ñuu yóꞌó kuꞌun ndo ndituꞌun ndo xiꞌin, saa kuꞌun ndo ndituꞌun ndo xiꞌin ndiꞌi na ndóo estado Judea, tá ndiꞌi, saa kuꞌun ndo ndituꞌun tu ndo xiꞌin ndiꞌi na ndóo estado Samaria iin saa kuꞌun ndo ndiꞌi ni kuu ñuu ivi ndituꞌun ndo xiꞌin naꞌa xaꞌa i ―káchi Jesús xiꞌin nda.

ROMANOS 15:18

Süvi xaꞌa ya íkan mií i kua ndítuꞌun i xaꞌa xiꞌin ndo, chi xaꞌa ya íkan Jesucristo chíndee ra yeꞌe ndítuꞌun i xaꞌa ra xiꞌin naꞌa, na köo kúu judío, ya ná kuni soꞌo na tuꞌun ra, ta xaa súvi na ya kúni Ndioxi. Ta xa xáa súvi na ya káꞌan i xiꞌin na, ta süvi ndisaa ya káꞌan i xiꞌin na kua íkan na saa, chi xíto tu na ya íkan i xiꞌin va na, yakan vaꞌa xáa súvi na ya káꞌan Ndioxi.

HEBREOS 1:1

Tá kuiya xinaꞌa ta kuaꞌa ni ichí tin kuaꞌa ni kuꞌva ndi̱kaꞌan Ndioxi xiꞌin xii sikua yo, ta ndi̱kaꞌan ra xiꞌin na tixin nda ndi̱kaꞌan ndoso tuꞌun yuꞌu ra.

HEBREOS 2:3

Tá tu saa ndo̱ꞌo na tiempo ikán, ta ndisaa ka vi yo ndóo vitin ndee ni ka tixuꞌvi yo, tá tu köo xíin yo kundikun yo ichí nuu kaku yo ya táxi Ndioxi ndaꞌa yo. Saa chi ya yóꞌó kua ndixa ni ka chee íkan Ndioxi xiꞌin yo. Ta xiꞌna mií Tata yo Jesucristo ku ra ndi̱kaꞌan xiꞌin naꞌa xaꞌa ichí ikán, sindiꞌi, ndi̱kaꞌan na ikán xiꞌin yo, chi xi̱ni na ya ndaa kua ndi̱kaꞌan ra, yakan ndi̱kani na ya nuu yo.