San Mateo 13:36 - Xochapa Mixteco

³⁶ Saa nda̱i Jesús naꞌa, ñaa ndi̱kiꞌvi ra ini veꞌe. Saa ku̱yati nda ítaꞌan xiꞌin ra nuu ra, ta ndi̱kaꞌan nda xiꞌin ra, káchi nda saa: ―Tata, ndikani loꞌo un nuu nde unkua kúni kaꞌan tuꞌun ndíchi ya káꞌan xaꞌa iku väꞌa ―káchi nda xiꞌin ra.

San Mateo 13:36 Mawu Ofanana

San Mateo 13:1

Suvi mií kivi ikán ke̱e Jesús veꞌe nuu íyo ra ta ndi̱kiꞌin ra kuaꞌan ra, ndi̱xaa ra ndi̱kunduꞌu ra yuꞌu nduta ñûꞌu.

San Mateo 13:11

Saa ndi̱kuiin ra káꞌan ra xiꞌin nda: ―Ndóꞌo̱, ta xa mií Ndioxi ku ra ta̱xi ichí ndaꞌa ndo ya kundaa ini ndo xaꞌa ichí nuu xáꞌnda chiñu ra, ya íyo sěꞌe. Sundi na ikán, ta köo ndítaxi ra ichí ndaꞌa na kundaa ini na.

San Mateo 13:18

Saa ndi̱kaꞌan ka Jesús xiꞌin nda ítaꞌan xiꞌin ra, káchi ra saa: ―Vitin kuni soꞌo ndo ná kaꞌan i xiꞌin ndo unkua kúni kaꞌan tuꞌun ndíchi xaꞌa ra chíꞌi ndikin trigo.

San Mateo 13:25

Tá kíxi ndiꞌi nda taa chi̱ꞌi ndikin trigo ikán, ta saa ndi̱xaa ra sáa ini xíni mií ra xitoꞌo ya, ñaa chi̱ꞌi ra ndikin väꞌa tañu ndikin trigo ra.

San Mateo 14:22

Saa xa̱ꞌnda Jesús chiñu nuu nda ítaꞌan xiꞌin ra, ya ndaa nda sata barco ndikunuu nda kuꞌun nda, yaꞌa nda inka ñaꞌñu yuꞌu nduta ñûꞌu, ñaa ndi̱ndoo mií ra ndái ra naꞌa.

San Mateo 15:39

Saa nda̱i ra naꞌa ta nda̱a ra barco kuaꞌan ra inka ñaꞌñu náni Magdala.

San Mateo 9:28

Saa tá ndi̱kiꞌvi Jesús ini veꞌe ta ndi̱xaa uvi saa nda kuáa̱ nuu ra, saa ndi̱kaꞌan ra xiꞌin nda, káchi ra saa: ―¿Án kándixa ndo yeꞌe kuchiñu i sindaꞌa i ndóꞌo̱? ―Uun, kándixa va nde yóꞌo̱, Tata ―káchi uvi saa nda xiꞌin ra.

San Marcos 4:34

Ta köo ndi̱sinaꞌa ra na xiꞌin inka nuu tuꞌun, nina xiꞌin tuꞌun ndíchi si̱naꞌa ra na. Ta ndiꞌi saa ichí ndi̱kani síín ra nuu nda ítaꞌan xiꞌin ra xaꞌa ya káꞌan tuꞌun ndíchi sínaꞌa ra.

San Marcos 6:45

Sindiꞌi ikán saa ndi̱kaꞌan Jesús xiꞌin nda ítaꞌan xiꞌin ra nda̱a nda sata barco. Kuaꞌan nda inka ñaꞌñu yuꞌu nduta ñûꞌu ta ka̱na koo nda kuaꞌan nda chí ñuu Betsaida. Xiꞌna nda ítaꞌan xiꞌin ra kuaꞌan, saa ndi̱ndoo siín mií ra ndái ra naꞌa.

San Marcos 7:17

Ñaa tá si̱ndoo Jesús naꞌa ikán ta ndi̱kiꞌvi ra ini veꞌe, saa ndi̱ndakan tuꞌun ñaꞌa nda ítaꞌan xiꞌin ra xaꞌa ya ndi̱kaꞌan ra.

San Marcos 8:9

Ndiꞌi na xi̱xi ta kúu na iin kuꞌva kumi mil. Tá ndi̱ꞌi xi̱xi na saa nda̱i ra na ku̱anuꞌu na.