San Mateo 13:25 - Xochapa Mixteco

²⁵ Tá kíxi ndiꞌi nda taa chi̱ꞌi ndikin trigo ikán, ta saa ndi̱xaa ra sáa ini xíni mií ra xitoꞌo ya, ñaa chi̱ꞌi ra ndikin väꞌa tañu ndikin trigo ra.

San Mateo 13:25 Mawu Ofanana

San Mateo 13:24

Saa ndi̱tuꞌun ka Jesús inka tuꞌun ndíchi sínaꞌa ra naꞌa, káchi ra saa: ―Ichí nuu xáꞌnda chiñu Ndioxi, ta tá káa nuu chíꞌi iin ra ndikin trigo ya vaꞌa ni, saa káa ya.

San Mateo 13:26

Tá ndi̱nduta trigo xa̱ꞌnu ya, saa xa̱á kána trigo ya, ñaa xi̱ni na ya ka̱na tu iku väꞌa va tañu ya.

San Mateo 13:27

Saa ndi̱xaa nda xáa chiñu nuu mií ra chi̱ꞌi ndikin trigo ikán káꞌan nda xiꞌin ra, káchi nda saa: “Tata, án su ndisaa ndikin trigo chi̱ꞌi un? ¿Ta ndachu ndi̱nduta iku väꞌa tañu ya?”, káchi nda xiꞌin ra.

San Mateo 13:29

Saa ndi̱kuiin ra káꞌan ra: “Tüꞌun ndo ya, koto ka tuꞌun ndo nda trigo xiꞌin ya.

San Mateo 13:30

Vaꞌa ná kuaꞌnu ya xiꞌin taꞌan ya, nda kivi ná taꞌnda ya. Kivi ikán kaꞌan i xiꞌin na xáa chiñu nuu i kaꞌnda na xiꞌna iku väꞌa, saa katun na ya, ta taan na ya koko ya. Ta sindiꞌi saa kaꞌnda na trigo chivaꞌa na ya ini yaka i”, káchi ra chi̱ꞌi trigo xiꞌin nda xáa chiñu nuu ra ―káchi Jesús xiꞌin nda ítaꞌan xiꞌin ra.

San Mateo 13:39

Taa ra sáa ini chi̱ꞌi iku väꞌa ku kiti nǎꞌa. Kivi ya kaꞌnda na trigo xiꞌin iku väꞌa ku kivi tá ná ndiꞌi xaꞌa ñuu ivi yóꞌó, ta na kaꞌnda ya ikán ku tatun Ndioxi.

San Mateo 25:5

Saa ndóo ná ndátun ni ná mií ra tíndaꞌa ikán, ta köo ndi̱xaa kama ra, ñaa ndi̱naa ini ná ndi̱kixi ná.

Gálatas 2:4

Ndi̱kitaꞌan nde ndi̱tuꞌun nde xiꞌin taꞌan nde, chi sava nda káꞌan kúu nda ñani yo, ta nda vata va ku nda. Tá kua ndi̱kiꞌvi nda veꞌe ñuꞌu ya xínani nda ya íkan yo, chi nda ikán ta köo kúni nda ya koo ndíka yo tá kuꞌva káꞌan Jesucristo, sundi kúni nda ná nduu tuku yo tá íin yo xáa súvi ley Ndioxi xiꞌin ya nduxa.

HEBREOS 12:15

Kuenta ni koo ndo xiꞌin taꞌan ndo, kïꞌvi ndo kuachi ya táxi kuxika naꞌa nuu ya kúꞌvi ni ini Ndioxi xíni ra na. Täxi ndo kaku ya väꞌa nima ndo saa nduu ndo tá íyo iku uva, ya xatu ni síkuaꞌa kueꞌe xiꞌin naꞌa. Ta ìyo ni sindiꞌi xaꞌa ndo ya vaꞌa kuaꞌa ni naꞌa.

1 Pedro 5:8

Ta káxin teꞌe koo ini ndo, küsun ndo, kundito ndo, saa chi kiti nǎꞌa, ri kánitaꞌan xiꞌin ndo ta ndá yokan ndíkun ri xíka ri sata ndo. Tá kuꞌva íkan kiti lion, ri ndee ni ndíkun xíka ndúku tiin kiti kaxi ri, kuꞌva saa íkan kiti nǎꞌa xiꞌin ndo.

2 Pedro 2:1

Tá kuiya xinaꞌa ta ndi̱xiyo nda vata, nda ndi̱kaꞌan ndoso tuꞌun yuꞌu Ndioxi tañu na ñuu Ndioxi, ta saa koo tu nda tañu ndóꞌo̱ va. Ta ni kündaa ini ndo ndá kuꞌva xáa nda nama nda tuꞌun Ndioxi ya sínaꞌa nda ndóꞌo̱, nda ndikuaa tu nda Tata yo Jesucristo va, ra ki̱xi ndi̱xiꞌi xaꞌa nda ya si̱kaku ñaꞌa ra. Xaꞌa ya íkan nda saa ta kama ni sindiꞌi nda xaꞌa mií va nda.

El Apocalipsis 12:9

Ta tatun ya íyo xiꞌin Ndioxi ta̱va ya kiti koó nǎꞌa xiꞌin ndiꞌi tachi nduvaꞌa ya íyo xiꞌin ri. Ta̱va ya ri ki̱ꞌin ñaꞌa ya si̱koyo ya nda nuu ñuꞌú. Ta kiti ko̱ó nǎꞌa ikán ku ko̱ó yata ni, ta inka kivi ri kua Satanás án kiti Timiaꞌan. Ta suvi mií ri ku ri síndaꞌvi ndiꞌi ni kúu na ñuu ivi.

El Apocalipsis 13:14

Saa si̱ndaꞌvi ri uvi ikán ndiꞌi na ndóo ñuu ivi yóꞌó xiꞌin yatuꞌun íkan ri. Ta xiꞌin yuꞌu mií kiti núnu̱ú ikán kua íkan kiti uvi ikán yatuꞌun nuu naꞌa. Saa xa̱ꞌnda chiñu kiti uvi ikán chiñu nuu naꞌa ya sikuaꞌa na naꞌna kiti núnu̱ú, ri ìyo ni ndi̱taꞌnda xiní xiꞌin i̱chi ta ndi̱taku tuku ri.

El Apocalipsis 2:20

Ta saa ni íyo kuachi ndo nuu i, chi xíto ndo ya väꞌa íkan iin ñaꞌa yá vata ítaꞌan xiꞌin ndo, ta köo káꞌan ndo xiꞌin yá. Chi káꞌan yá kúu yá, yá káꞌan ndoso tuꞌun yuꞌu Ndioxi, saa sínaꞌa yá tuꞌun ra, káchi yá, ta süvi ya ndaa ku ya káꞌan yá. Yá síndaꞌvi naꞌa va ku yá. Tá kuꞌva si̱ndaꞌvi yá Jezabel naꞌa, na xa̱a chiñu nuu i xinaꞌa, kuꞌva saa síndaꞌvi yá ñaa naꞌa, na xáa chiñu nuu i vitin. Saa chi táa si̱í yá nda taa ya koo tani nda, ta saa íkan tu yá xiꞌin ná síꞌi va. Ta saa táa si̱í yá na ndíkun yeꞌe ya kuxi na ñaꞌa ya síniꞌi naꞌa nuu ndioxi na ya ndíi án naꞌna ya káꞌan na xiꞌin kúu ndioxi na.