San Mateo 13:17 - Xochapa Mixteco

¹⁷ Ya ndaa káꞌan i xiꞌin ndo, xinaꞌa ndi̱xiyo kuaꞌa ni nda profeta nda ndi̱kaꞌan ndoso tuꞌun yuꞌu Ndioxi saa tu nda ndi̱xika ndaku ni nuu Ndioxi va, nda ikán ta ku̱too ni nda koto nda ya xíto ndo vitin, ta köo ndi̱kuvi kuni nda ya, saa ni ku̱too ni nda kuni soꞌo nda ya xíni soꞌo ndo, ta köo ndi̱kuvi kuni soꞌo nda ya ―káchi Jesús xiꞌin nda ítaꞌan xiꞌin ra.

San Mateo 13:17 Mawu Ofanana

San Lucas 10:23

Saa ndi̱ko koo ra ndi̱kaꞌan ra xiꞌin ndisaa mií nda ítaꞌan xiꞌin ra káchi ra saa: ―Vaꞌa ni kée na xíto ndiꞌi ñaꞌa íkan i taꞌan ya xíto ndóꞌo̱ íkan i.

San Lucas 10:24

Ndisaa vi nda ndi̱kaꞌan ndoso tuꞌun yuꞌu Ndioxi xiꞌin nda rey nda ku̱u mií chiñu ndee xinaꞌa, ku̱ni nda kuni nda ya xíto ndo xiꞌin ya xíni soꞌo ndo tiempo vitin, sundi köo ndi̱xini nda ya, ni köo ndi̱xini soꞌo nda ya ―káchi Jesús xiꞌin nda.

San Juan 8:56

Ta ra Abraham ra káꞌan ndo kúu iva ndo, ta xi̱ni i ku̱sini ni ra tá ndi̱kaꞌan Ndioxi xiꞌin ra ya kixi i ñuu ivi yóꞌó ―káchi Jesús xiꞌin nda.

HEBREOS 11:13

Ta ndiꞌi na káꞌan yo xaꞌa yóꞌó ta xi̱ndaa ni ini na xi̱ni na Ndioxi, saa ndi̱xiꞌi ndiꞌi na, ta köo ndi̱kiꞌin na ñuꞌú ya ndi̱kaꞌan Ndioxi taxi ra ndaꞌa na. Sundi xaꞌa ya xi̱ndaa ni ini na xi̱ni na ya ndi̱kaꞌan Ndioxi taxi ra ya ndaꞌa na, vani xi̱ni xika na ya, ta saa ku̱sini ni na ndikiꞌin na ya. Saa ndi̱kani ini na süvi ñuu na ku ñuu ivi yóꞌó, na xi̱ndoo tóo va ku na nuu ya, ta saa yáꞌa na kuaꞌan va na.