San Mateo 12:8 - Xochapa Mixteco

⁸ Ta yeꞌe ku Taa ra xa̱a ñuu ivi yóꞌó, ta kúu mií i ichí ya kaꞌan i unkua vaꞌa ikán yo kivi i̱í ndíkundee yo ―káchi Jesús xiꞌin nda fariseo.

San Mateo 12:8 Mawu Ofanana

San Mateo 12:32

Saa tu na káꞌan kini xaꞌa yeꞌe ku Taa ra xa̱a ñuu ivi yóꞌó, xaa kaꞌnu ini Ndioxi xaꞌa kuachi na. Sundi ndiꞌi naꞌa na kánaꞌa xaꞌa Tachi I̱í Ndioxi, ta xäa kaꞌnu ini ra xaꞌa na, ni tiempo vitin ni tiempo ya vaxi xäa kaꞌnu ini Ndioxi xaꞌa kuachi na.

San Mateo 12:40

Saa chi ra ikán ta xi̱ndikaa ra tixin tiaka chee ni uni ñuu tin uni nduvi, saa yeꞌe, Taa ra xa̱a ñuu ivi yóꞌó, ndikaa i tixin ñuꞌú uni ñuu tin uni nduvi.

San Mateo 8:20

Saa ndi̱kuiin Jesús, káchi ra saa: ―Kiti ikuii ta íyo kava nuu kíxi ri, saa tu kiti sàà va, íyo chiꞌyo nuu kíxi ri, sundi yeꞌe, Taa ra xa̱a ñuu ivi yóꞌó ta köo nuu kusun i ―káchi Jesús xiꞌin ra.

San Mateo 9:6

Ta vitin sindaꞌa i ra yóꞌó, ta saa kundaa ini ndo, yeꞌe ku Taa ra kúu mií ichí Ndioxi, ta xáa kaꞌnu ini i xaꞌa kuachi na ñuu ivi ―káchi Jesús xiꞌin nda. Saa ndi̱kaꞌan ra xiꞌin ra kúꞌvi ikán, káchi ra saa: ―Kuándikoo, kuanuꞌu veꞌe un, ta ndikiꞌin xito un ná kuꞌun nu xiꞌin un ―káchi Jesús xiꞌin ra.

San Marcos 2:28

Saa chi yeꞌe ta kúu mií i ichí ya kaꞌan i unkua vaꞌa ikan naꞌa ta unkua küvi ikan na kivi i̱í ―káchi Jesús xiꞌin nda.

San Lucas 6:5

Sundi yeꞌe ku Taa ra xa̱a ñuu ivi yóꞌó ta kúu mií i ichí kaꞌan i unkua vaꞌa ta unkua küvi ikan na kivi i̱í ―káchi ra xiꞌin nda.

1 Corintios 16:2

Ta kivi núnu̱ú xaꞌa semana ta vaꞌa tava síin iin iin ndo loꞌo xuꞌun tañu ya kíꞌin ndo xáa chiñu ndo, tá kuꞌva síkaꞌán mií Ndioxi ini iin iin ndo chindee ndo na, kuꞌva saa koo ya taxi ndo, ta ná koo tuꞌva ya tá ná xaa i ta ndïkaya ka ndo ya.

1 Corintios 9:21

Tá íyo i xiꞌin naꞌa, na köo ndíkun ley Ndioxi ya si̱ndoo ra Moisés, ta ndúu i tá íin na ikán, ya kuchiñu chindee taꞌan i xiꞌin na kaku na, saa chi chiñu ya xáꞌnda chiñu mií Ndioxi kua xáa súvi i xaꞌa ya ndíkun i ley mií Cristo.

El Apocalipsis 1:10

Saa ku̱u iin kivi ta kúu ya kivi domingo, kivi i̱í nuu mií yo kándixa Tata yo Jesucristo, saa ku̱ndaa ini i ya ndee ni ndee xa̱á íyo Tachi I̱í Ndioxi xiꞌin i, ñaa xi̱ni soꞌo i tachi iin ra chí sata i, ndee ka vi ndi̱kaꞌan ra, tá kuꞌva ndáꞌi itun trompeta saa ndee ni ndi̱kaꞌan ra, káchi ra saa: