San Mateo 12:46 - Xochapa Mixteco

⁴⁶ Saa káꞌan ka Jesús xiꞌin na, ñaa ndi̱xaa siꞌí ra xiꞌin nda ñani ra. Ndíta na keꞌe ndátun na, chi kúni na kaꞌan na xiꞌin ra.

San Mateo 12:46 Mawu Ofanana

San Mateo 1:18

Soꞌva ku̱u nuu ka̱ku Jesús ra kúu Cristo: Yá María, siꞌí Jesús, ta xa íyo yuꞌu yá tindaꞌa yá xiꞌin ra José, ta täꞌan ka vi tindaꞌa na xiꞌin taꞌan na, ta xa ndi̱kee va seꞌe yá i̱kan Tachi I̱í Ndioxi.

San Mateo 12:47

Saa ndi̱kaꞌan iin ra xiꞌin Jesús, káchi ra saa: ―Tata, xa̱a nana un ndíchi yá keꞌe xiꞌin nda ñani un, ta kúni na kaꞌan na xiꞌin un ―káchi ra ikán xiꞌin ra.

San Mateo 13:55

¿Án süvi Jesús seꞌe ra José ra xáa chiñu xiꞌin itun ku ra yóꞌó? ¿Ta án süvi siꞌí ra ku yá María, ta ñani ra ku ra Jacobo xiꞌin ra José tin ra Simón xiꞌin ra Judas?

San Mateo 2:11

Tá ndi̱kiꞌvi nda ini veꞌe, saa xi̱ni nda íyo yá María, xiꞌin ra loꞌo seꞌe yá, saa si̱kusiti nda xáa kaꞌnu nda ra loꞌo ikán. Saa xu̱na nda xatun vali ndíso nda, ta ta̱va nda kàà oro xiꞌin xuxa ya yaꞌvi ni ta tami ni xaꞌan ya, xiꞌin nduta tami xaꞌan, rá náni mirra. Ndiꞌi ya yóꞌó si̱niꞌi nda nuu ra loꞌo ikán.

San Mateo 2:20

―Kuándikoo ta ndikiꞌin ra loꞌo xiꞌin siꞌí ra, ndiko koo ndo kuꞌun ndo xiꞌin ra ñuu Israel. Saa chi xa ndi̱xiꞌi na kúni kaꞌni ñaꞌa ―káchi tatun Ndioxi xiꞌin ra ndi̱xani ra.

San Marcos 2:21

Saa ndi̱kaꞌan ka ra xiꞌin na, káchi ra saa: ―Nda iin naꞌa, ta köo na ndíkaꞌma tikoto xa̱á xiꞌin ya yata. Saa chi tá ná ndikaꞌma na ya xa̱á xiꞌin ya yata, ta sitivi taꞌan ya, tá ná ndikata na ya ta ndindií ya xa̱á ta sitaꞌnda ya yata, ta iin ndiꞌi vaꞌa ka xaꞌa ya.

San Marcos 6:3

Ta süvi chiñu ndee vi kúu mií ra xiꞌin itun va xáa chiñu ra. Án su seꞌe yá María va ku ra, ta xíni tu yo nda ñani va ra, ra Jacobo, xiꞌin ra José tin ra Judas xiꞌin ra Simón. Xíni tu yo ná kuꞌva va ra ―káchi na. Ta xa̱á káꞌan ni na xaꞌa ra.

San Lucas 1:43

¿Unku vi yeꞌe yakan vaxi un koto un yeꞌe, chi yóꞌo̱ ku siꞌí Iva i?

San Lucas 2:33

Ta saa ndi̱kanda ini ra José xiꞌin yá María ya káꞌan ra Simeón xaꞌa ra loꞌo seꞌe na.

San Lucas 2:34

Saa ndi̱kaꞌan ra tuꞌun yóꞌó xiꞌin na, káchi ra saa: ―Ndioxi ná chikaa ka ya vaꞌa ndóꞌo̱. Ta saa ndi̱kaꞌan ka ra xiꞌin yá María siꞌí ra loꞌo Jesús, káchi ra saa: ―Ndioxi ndi̱kaxin ra loꞌo seꞌe un yóꞌó ya ka̱ku ra, ta kuaꞌa ni na Israel sikaku ra. Ta inka na xïin ndikiꞌin vaꞌa ñaꞌa ndiꞌi xaꞌa na, saa chi ra yóꞌó kúu taa ra koo iin seña sinaꞌa Ndioxi nuu na ñuu ivi ta kuaꞌa ni na küaꞌa kandixa ñaꞌa,

San Lucas 2:48

Ta saa xa̱a iva siꞌí ra nuu índuꞌu ra, ndi̱kanda ni ini na xiꞌin ra. Ñaa ndi̱kaꞌan siꞌí ra xiꞌin ra, káchi yá saa: ―¿Ndachu i̱kan un saa xiꞌin nde, iva? Tata un tin yeꞌe ndúku ka vi nde yóꞌo̱, saa ndíꞌi ka vi ini nde xaꞌa un ―káchi yá xiꞌin ra.

San Lucas 2:51

Sundi siꞌí ra ta chívaꞌa ndiꞌi yá tuꞌun ikán nima yá. Ñaa ke̱e ra ñuu Jerusalén, ndi̱kiꞌin ra kuanuꞌu ra xiꞌin iva siꞌí ra nda ñuu Nazaret. Ta ndiꞌi saa kivi xíni soꞌo ndiꞌi ra ya káꞌan iva siꞌí ra xiꞌin ra.

San Lucas 8:10

Ñaa ndi̱kuiin Jesús ndi̱kaꞌan ra xiꞌin nda, káchi ra saa: ―Ndioxi táxi ra kundaa ini ndo ya sêꞌe ndá kuꞌva xáꞌnda chiñu ra. Ta inka na ta xiꞌin tuꞌun ndíchi káꞌan i xiꞌin na, yakan ni xíto na tin xíni soꞌo na ta ni köo xíin na kundaa ini na ―káchi Jesús xiꞌin nda.

San Juan 19:25

Ta yati xaꞌa cruzin nuu ínuu Jesús ndíchi siꞌí ra xiꞌin kuꞌvi yá, xiꞌin yá María síꞌi ra Cleofas xiꞌin yá María Magdalena.

San Juan 2:1

Kivi uni ndi̱xiyo iin viko tíndaꞌa ñuu Caná, estado Galilea, ta ndi̱xaa tu siꞌí Jesús va íyo yá nuu viko ikán.

San Juan 2:12

Sindiꞌi ikán ta ke̱e ra kuaꞌan ra chí ñuu Capernaum, kuaꞌan siꞌí ra tin ñani ra xiꞌin nda ítaꞌan xiꞌin ra, saa ndi̱xiyo na uvi ndaá kivi ñuu ikán.

San Juan 2:5

Saa ndi̱kaꞌan siꞌí ra xiꞌin na xíka ndítaꞌvi koꞌo nuu mesa ikán, káchi yá saa: ―Xaa súvi ndiꞌi ndo ya káꞌan ra xiꞌin ndo ―káchi yá xiꞌin na.

San Juan 7:10

Tá ndiꞌi kuaꞌan nda ñani ra, saa ndi̱kiꞌin tu mií va ra kuaꞌan ra viko ikán, ta küaꞌan túvi ra, kuaꞌan sěꞌe va ra.

San Juan 7:3

Saa ndi̱kaꞌan nda ñani Jesús xiꞌin ra, káchi nda saa: ―Vaꞌa kee un ñuu yóꞌó, ta kuꞌun un estado Judea ya ná kuni na ndíkun sata un yatuꞌun íkan un.

San Juan 7:5

Káꞌan nda ñani ra saa xiꞌin ra, chi köo kándixa ñaꞌa nda.

Los Hechos 1:14

Ndiꞌi saa ichí ndíkitaꞌan ndiꞌi nda káꞌan nda xiꞌin Ndioxi saa xáku ndaꞌvi nda nuu ra, ta ndíkitaꞌan tu siꞌí Jesús yá María va xiꞌin nda saa tu nda ñani va ra, ndíkitaꞌan na káꞌan na xiꞌin Ndioxi.

1 Corintios 9:5

Ta kúu tu mií nde ichí ya ndikiꞌin nde iin yá kuꞌva yo koo yá síꞌi nde, ta kuꞌun yá xiꞌin nde ndá ka nuu kuaꞌan nde, tá kuꞌva íkan sava nda taꞌan yo tá kúu ra Pedro xiꞌin nda ñani mií Tata yo Jesucristo. Sundi ndeꞌe ta köo íkan nde saa.

Gálatas 1:19

Ta nda iin nda apóstol täꞌan kuni taꞌan i xiꞌin tiempo ikán, ndisaa ra Jacobo, ñani Tata yo Jesucristo ku ra xi̱ni taꞌan i xiꞌin.