San Mateo 12:34 - Xochapa Mixteco

³⁴ Saa ndóꞌo̱, káꞌan i xiꞌin ndo: ¡Tá íin seꞌe kiti ko̱ó saa íin ndo, káchi i! Chi süvi ndóꞌo̱ vaꞌa ku ndo, yakan küvi kaꞌan ndo ya vaꞌa. Chi tá kuꞌva íyo nima ndo, saa íyo tuꞌun káꞌan ndo.

San Mateo 12:34 Mawu Ofanana

San Mateo 12:35

Naꞌa, na vaꞌa, ta ya vaꞌa káꞌan na, saa chi ya vaꞌa íyo nima na. Ta naꞌa, na väꞌa, ta ya väꞌa káꞌan na, saa chi saa íyo nima na.

San Mateo 15:18

Sundi tuꞌun väꞌa kána koo yuꞌu naꞌa, ta chí nima na kána koo ya. Ta ya yóꞌó ku ya ndása yakua na nuu Ndioxi.

San Mateo 23:33

¡Seꞌe ko̱ó ku ndo, chi íkan ndo tá íkan ko̱ó kueꞌe! ¡Ta ni köo ka kuꞌva sikaku ndo mií ndo ya küꞌun ndo ndaya!

San Mateo 3:7

Saa xi̱ni ra Juan kuaꞌan kuaꞌa ni nda naꞌnu nuu na judío, nda fariseo xiꞌin nda saduceo, chi kúni nda kuchi nda. Saa ndi̱kaꞌan ra tuꞌun yóꞌó xiꞌin nda, káchi ra saa: ―¡Ndóꞌo̱ nǎꞌa ku ndo, tá íin seꞌe kiti ko̱ó saa íin ndo! ¿Unku ndi̱kaꞌan xiꞌin ndo kuchi ndo, ta xaꞌa ya íkan ndo saa ta sikaku Ndioxi ndóꞌo̱ nuu ya tixuꞌvi ndo, káꞌán ndo?

San Lucas 3:7

Saa ndi̱xaa naꞌa, kuaꞌa ni ku na ndi̱xaa nuu íin ra Juan kúni na sikuchi ñaꞌa ra. Ta ñaa ndi̱kaꞌan ra xiꞌin na, káchi ra saa: ―¡Ndóꞌo̱ nǎꞌa ku ndo, tá íin seꞌe kiti ko̱ó saa íin ndo! ¿Unku ndi̱kaꞌan xiꞌin ndo kuchi ndo ta xaꞌa ya íkan ndo saa ta sikaku Ndioxi ndóꞌo̱ nuu ya vaxi tixuꞌvi ndo, káꞌán ndo?

San Lucas 6:45

Tá íin itun vaꞌa saa íin naꞌa, na ndítuꞌun ya vaꞌa, saa chi ya vaꞌa íyo nima na, ta na väꞌa, nina ñaꞌa kini ndítuꞌun na, saa chi ñaꞌa väꞌa íyo nima na. Ndiꞌi tuꞌun ya vaꞌa án ya väꞌa kána koo yuꞌu yo káꞌan yo, ta ya chútu ndaa nima yo kua kána koo yuꞌu yo káꞌan yo ―káchi Jesús xiꞌin na.

San Juan 8:44

Kiti nǎꞌa va ku iva ndo: Seꞌe ri ikán va ku ndóꞌo̱ yakan kúni ndo ikan ndo ya íkan ri ikán. Saa chi ri ikán ta nda tá xaꞌa vi xa̱á ri xáꞌni ri ndìì. Ta nda iin ichí köo íkan ri ya ndaa, ta ni köo káꞌan ri ya ndaa. Tá káꞌan ri ya siki ta ndínaꞌa ri mií ri ya saa íyo ri, ta ri ikán ku iva siꞌí ndiꞌi ya vata.

Efesios 4:29

Nda iin tuꞌun väꞌa ná käna koo ka yuꞌu ndo kaꞌan ndo, ndisaa tuꞌun vaꞌa ya chíndee taꞌan ndo xiꞌin inka naꞌa, ya táxi ndo ndee ndaꞌa na xíni soꞌo ya káꞌan ndo, ndisaa ya ikán vaꞌa kaꞌan ndo.

Efesios 5:4

Ni käꞌan kini ndo, ni ndá ka tuꞌun ya köo ndáa yaꞌvi käꞌan ndo, ni käꞌan siki ndo xaꞌa ndá ka ñaꞌa ya kini ni káa, ni käꞌan ndo ndá ka tuꞌun ya kini. Ta ya vaꞌa ni ikan ndo kua kaꞌan ndo tuꞌun vaꞌa ya táxi ndo tixaꞌvi ndaꞌa Ndioxi.

Santiago 3:2

Chi ndiꞌi yo ta yo yáꞌa yuꞌú ku ndiꞌi va yo, ta naꞌa, na köo yáꞌa tuꞌun káꞌan, na ñaa ku na xa ndi̱xinu íyo vaꞌa ni nima na xiꞌin ra, yakan kuchiñu na kaꞌnda chiñu na nuu ndiꞌi ikin kuñu na.

1 Juan 3:10

Soꞌva ku nuu kúndaa ini yo xiꞌin na kúu seꞌe Ndioxi tin na kúu seꞌe kiti nǎꞌa. Ndiꞌi na köo íkan ya ndaa xiꞌin na köo kúꞌvi ini xíni taꞌan, ta süvi seꞌe Ndioxi ku na.