San Mateo 12:33 - Xochapa Mixteco

³³ Saa ndi̱kaꞌan tuku Jesús xiꞌin na, káchi ra saa: ―Tá íyo itun vaꞌa, ta kuiꞌi vaꞌa kúun ndaꞌa nu. Tá tu íyo itun väꞌa, ta kuiꞌi väꞌa kúun ndaꞌa nu. Ya kuchiñu yo kundaa ini yo án nu vaꞌa ku nu án nu väꞌa ku nu, ta vaꞌa kiꞌin yo kuenta xaꞌa kuiꞌi kúun ndaꞌa nu.

San Mateo 12:33 Mawu Ofanana

San Mateo 23:26

¡Ndoꞌo ni ndóꞌo̱ fariseo, na kuáa̱! Xiꞌna xíniñuꞌu ndo ndikata ndo sata vaso tin ini ya saa nduyaa ya. Ta saa ndóꞌo̱ xiꞌna xíniñuꞌu ndo ndasa vaꞌa ndo ini ndo maa, saa nduu ndo na vaꞌa nuu Ndioxi.

San Lucas 3:9

Ta ná kundaa ini ndo, chi Ndioxi ta xa íyo ndúvi ra xiꞌin yacha ya kaꞌnda ra nda tioꞌo itun köo kúun kuiꞌi vaꞌa ndaꞌa, ta kee nu koko nu nuu ñu̱ꞌu̱ ―káchi ra Juan xiꞌin na.

Santiago 3:12

Ta saa íyo tu itun higo küvi kana kiti olivo ndaꞌa nu, ni teꞌe kiti uva küvi kana higo ndaꞌa ya. Yakan kua ni tikuií vaꞌa án rá uꞌva, ta küvi kana uvi saa rá ini iin poso.

Santiago 4:8

Ta vaꞌa kuyati ndo nuu Ndioxi saa kuyati ra nuu ndo. Ta ndóꞌo̱ íyo kuachi, kukuiin ndo xiꞌin ya väꞌa kéꞌe ndo, ndikata ndo ndaꞌa ndo. Saa tu ndóꞌo̱ uvi ini këꞌe ka ndo saa, ndasa vaꞌa ndo nima ndo ná nduvií ndo.