San Mateo 12:32 - Xochapa Mixteco

³² Saa tu na káꞌan kini xaꞌa yeꞌe ku Taa ra xa̱a ñuu ivi yóꞌó, xaa kaꞌnu ini Ndioxi xaꞌa kuachi na. Sundi ndiꞌi naꞌa na kánaꞌa xaꞌa Tachi I̱í Ndioxi, ta xäa kaꞌnu ini ra xaꞌa na, ni tiempo vitin ni tiempo ya vaxi xäa kaꞌnu ini Ndioxi xaꞌa kuachi na.

San Mateo 12:32 Mawu Ofanana

San Mateo 11:19

Ta yeꞌe Taa ra xa̱a ñuu ivi yóꞌo, xíxi vaꞌa i ta xíꞌi i vinu. Ta káꞌan ndo xaꞌa i kini ni xíxi i tin xíꞌi i, saa kútoo ni i koo migo i naꞌa, na ndíkaya xuꞌun nuu gobierno, xiꞌin na köo káñuꞌu Ndioxi, káchi ndo xaꞌa i. Ta ndiꞌi na kúu mií ya ndíchi vaxi nuu Ndioxi, na yóꞌó ku na íkan ya vaꞌa ―káchi Jesús xiꞌin na.

San Mateo 12:31

’Ta ndixa káꞌan i xiꞌin ndo, ndiꞌi kúu kuachi íkan naꞌa, án ya väꞌa káꞌan na, ta xaa kaꞌnu ini Ndioxi xaꞌa kuachi na. Sundi naꞌa, na kánaꞌa xaꞌa Tachi I̱í Ndioxi, ta xäa kaꞌnu ini ra xaꞌa kuachi na.

San Mateo 12:8

Ta yeꞌe ku Taa ra xa̱a ñuu ivi yóꞌó, ta kúu mií i ichí ya kaꞌan i unkua vaꞌa ikán yo kivi i̱í ndíkundee yo ―káchi Jesús xiꞌin nda fariseo.

San Mateo 13:22

Ta ndikin ya ndi̱koyo tañu iñu ku ya káꞌan xaꞌa na xíni soꞌo tuꞌun Ndioxi, saa ndíꞌi ni ini na xaꞌa chiñu íyo ñuu ivi yóꞌó, án kúni na ndukuika ni na, ta ndiꞌi ya yóꞌó ta síndiꞌi xaꞌa ya tuꞌun Ndioxi ya xi̱ni soꞌo na, ta köo táxi ya kuaꞌnu tuꞌun ra nima na.

San Mateo 13:39

Taa ra sáa ini chi̱ꞌi iku väꞌa ku kiti nǎꞌa. Kivi ya kaꞌnda na trigo xiꞌin iku väꞌa ku kivi tá ná ndiꞌi xaꞌa ñuu ivi yóꞌó, ta na kaꞌnda ya ikán ku tatun Ndioxi.

San Mateo 13:40

Tá kuꞌva íkan naꞌa túꞌun na iku väꞌa íyo nuu ñuꞌú na, sindiꞌi, saa táan na ya xíxi ya, saa ikan na tatun Ndioxi xiꞌin na väꞌa tá ná ndiꞌi xaꞌa ñuu ivi yóꞌó.

San Mateo 13:55

¿Án süvi Jesús seꞌe ra José ra xáa chiñu xiꞌin itun ku ra yóꞌó? ¿Ta án süvi siꞌí ra ku yá María, ta ñani ra ku ra Jacobo xiꞌin ra José tin ra Simón xiꞌin ra Judas?

San Mateo 8:20

Saa ndi̱kuiin Jesús, káchi ra saa: ―Kiti ikuii ta íyo kava nuu kíxi ri, saa tu kiti sàà va, íyo chiꞌyo nuu kíxi ri, sundi yeꞌe, Taa ra xa̱a ñuu ivi yóꞌó ta köo nuu kusun i ―káchi Jesús xiꞌin ra.

San Marcos 10:30

na yóꞌó ta kuaꞌa ni ka ya vaꞌa niꞌi na ñuu ivi yóꞌó, niꞌi siin na veꞌe na, xiꞌin kuꞌva na, án kuꞌvi na, án siꞌí na, án seꞌe na, án ñuꞌú na. Vani tixuꞌvi ni na ikan naꞌa, tá ná kuvi na ta vaꞌa ni kee na koo na xiꞌin Ndioxi.

San Marcos 3:28

Saa ndi̱kaꞌan ka ra, káchi ra saa: ―Ta yeꞌe kúni i ná kundaa teꞌe ni ini ndo xaꞌa ya káꞌan i xiꞌin ndo, chi Ndioxi ta xaa kaꞌnu ini ra xaꞌa ndiꞌi kúu kuachi ya íkan na ñuu ivi xiꞌin xaꞌa ndiꞌi ya väꞌa káꞌan na xaꞌa ra.

San Marcos 3:29

Sundi na kánaꞌa xaꞌa Tachi I̱í ra, ta nda iin tiempo xäa kaꞌnu ini ra xaꞌa kuachi na, ndiꞌi saa tiempo koo kuachi na nuu ra ―káchi Jesús.

San Lucas 12:10

’Tá ndá naꞌa kánaꞌa xaꞌa yeꞌe ra kúu Taa ra xa̱a ñuu ivi yóꞌó ta xaa kaꞌnu va ini Ndioxi xaꞌa na. Sundi tá tu kánaꞌa na xaꞌa Tachi I̱í Ndioxi ta xäa kaꞌnu ini ra xaꞌa na ―káchi Jesús.

San Lucas 16:8

Saa tá ku̱ndaa ini ra kuika ikán ta ndi̱kaꞌan vaꞌa ra, xaꞌa ya i̱kan moso ra. Yakan káꞌan i xiꞌin ndo na kuäꞌan ichí Ndioxi ta xíni ni na ndá kuꞌva ikan na ya ndikitaꞌan vií na xiꞌin naꞌa, listo ni ka na ikán nuu na xíni Ndioxi ―káchi Jesús.

San Lucas 18:30

ta kuaꞌa ni ya vaꞌa niꞌi ndo nuu Ndioxi tiempo vitin, ta saa niꞌi tu ndo ya vaꞌa nuu ra tiempo ya vaxi va. Niꞌi ndo nuu koo ndo xiꞌin ra ndiꞌi saa tiempo, nda iin kivi ndïꞌi xaꞌa ndo ―káchi Jesús xiꞌin nda.

San Lucas 23:34

Saa ndi̱kaꞌan Jesús xiꞌin Ndioxi, káchi ra saa: ―Tata Iva yo, xaa kaꞌnu ini un xaꞌa na chi köo kúndaa ini na unkua íkan na ―káchi ra. Ñaa chi̱kaa nda lapa suerte sata tikoto ra, ya kuni nda ndá ñaꞌñu kua ndikiꞌin iin iin nda.

San Lucas 7:34

Ta vitin xa̱a yeꞌe, ra vaxi ñuu ivi yóꞌó, xíxi i xiꞌin ndo nuu viko, ta káꞌan ndo xaꞌa i kini ni xíxi i ta xíꞌi ni i vino, saa ítaꞌan i xiꞌin na väꞌa, ta ítaꞌan i xiꞌin na ndíkaya xuꞌun kuaꞌan ndaꞌa gobierno ñuu Roma, káchi ndo xaꞌa i.

San Juan 7:12

Ta káꞌan ni na xiꞌin taꞌan na xaꞌa Jesús, káchi na saa: “Ra vaꞌa va ku ra”, káchi na. Ta sava na káꞌan: “Süvi ra vaꞌa ku ra, ra síndaꞌvi na ñuu ku ra”, káchi na.

San Juan 7:39

Ndi̱kaꞌan Jesús saa xiꞌin na chi na kándixa ñaꞌa ta ndikiꞌin na Tachi I̱í Ndioxi koo ya xiꞌin na. Täꞌan kixi ya koo ya xiꞌin na, chi täꞌan ndiko koo ra kuꞌun ra nuu ndivi.

San Juan 7:52

Saa ndi̱kuiin nda káꞌan nda: ―¿Án taꞌan ra ikán ku tu yóꞌo̱ va? Xíniñuꞌu un kaꞌvi vaꞌa un tuꞌun Ndioxi saa kua kundaa ini un, chi nda iin na káꞌan ndoso tuꞌun yuꞌu Ndioxi, ta köo na kée nda iin ñuu ya ñúꞌu estado Galilea ―káchi nda xiꞌin ra.

Los Hechos 3:19

Saa ndi̱kaꞌan ka ra xiꞌin na káchi ra saa: ―Na taꞌan yo, ndiko koo ndo nuu Ndioxi, ta ndiko koo ini ndo xaꞌa kuachi ndo, ta saa xaa kaꞌnu ini ra xaꞌa kuachi ndo. Ikan ndo saa, ta chindee Ndioxi ndóꞌo̱ ndikiꞌin ndo ini ndo koo vaꞌa ini ndo.

Efesios 1:21

Ta̱xi Ndioxi ichí ndaꞌa Cristo ya kaꞌnda ra chiñu nuu tá kúu ndiꞌi na chiñu naꞌnu xiꞌin na chee xáꞌnda chiñu ñuu ivi yóꞌó án chiñu naꞌnu ya chee xáꞌnda chiñu nuu ndivi tiempo vitin xiꞌin tiempo ya vaxi.

1 Timoteo 1:13

Chi yachi ta ndi̱kaꞌan ndikuu ni va i xaꞌa Tata yo Jesucristo, saa xa̱a ndu̱vaꞌa ni i xiꞌin na ndíkun sata ra, ta ndi̱kaꞌan kini ni i xaꞌa ra. Vani saa i̱kan i ta ku̱ndaꞌvi ni ini ra xi̱ni ra yeꞌe, saa chi yeꞌe köo ndi̱kundaa ini va ku i, yeꞌe naá nuu va ndi̱xiyo i, yakan i̱kan i saa.

1 Timoteo 1:15

Ta vaꞌa ná kundaa ini un xiꞌin ya káꞌan i xiꞌin un, chi ya ndaa ni kua, ta ndiꞌi na xíniñuꞌu kundaa ini xaꞌa ya yóꞌó: Chi Tata yo Jesucristo ku ra ki̱xi ñuu ivi yóꞌó ya sikaku ra yo ivi kuachi, ta kúni i káꞌan i xiꞌin un, xiꞌna yeꞌe ku ra ndee ni kuachi íyo nuu ndiꞌi na ivi.

1 Timoteo 4:8

Ta ya vaꞌa ni kua ikan loꞌo yo ejercicio nuu ndúndee ikin kuñu yo, sundi ya ndee ni ka xíniñuꞌu yo ikan yo kua koo vií ni yo nuu Ndioxi, chi tá íkan yo saa kua niꞌi ni yo ya vaꞌa nuu ra tiempo táku yo vitin xiꞌin tiempo ya vaxi.

1 Timoteo 6:17

Ta vaꞌa kaꞌan un xiꞌin nda ñani yo, nda kuika ni ñuu ivi yóꞌó, ya ná küu taa ni ini nda xiꞌin ya kuika kúu mií nda, ni ná chïkaa ni ini nda xiꞌin ya chi ya ndíꞌi xaꞌa va kua. Vaꞌa ka ná kandixa ni nda Ndioxi, saa chi mií ra ku ra táxi ndiꞌi ñaꞌa ya xíniñuꞌu ni yo ndaꞌa yo.

2 Timoteo 4:10

Saa chi ra Demas, ta si̱ndoo ndaꞌa va ra yeꞌe, saa ke̱ta ra kuaꞌan ra chí ñuu Tesalónica, xaꞌa ya kútoo ni ra xíni ra ñaꞌa ñuu ivi yóꞌó kua i̱kan ra saa xiꞌin i. Inka ra Crescente, ke̱e kuaꞌan chí Galacia. Inka ra Tito, ke̱e kuaꞌan chí Dalmacia.

Tito 2:12

Xaꞌa ya kúꞌvi ni ini Ndioxi xíni ra yoo kua sínaꞌa ra nuu yo ya xíniñuꞌu yo sindoo yo ndiꞌi taꞌan ya väꞌa íyo ñuu ivi yóꞌó, ta ná ndïkani ini yo ikan yo ndá ka ya väꞌa, saa ná koo káxin ni ini yo, ta ndaa ni ná koo ini yo, i̱í ná koo yo nuu ra.

Santiago 1:27

Sundi ya vaꞌa ni va ku ichí Iva yo Ndioxi, ta ndiꞌi ndóꞌo̱, na ndíkun ra ta ya ndee ni xíniñuꞌu ndo ikan ndo nuu ra kua yóꞌó: Ná chindee taꞌan ndo xiꞌin na ndaꞌví vali, saa ná chindee taꞌan tu ndo xiꞌin ná síꞌi ná ndi̱ndoo ndaa, ta ná chindee ñaꞌa ndo xaꞌa tindoꞌo ya ndóꞌo ná, saa ná kundaa ni ndo mií ndo, ya ná ïkan ndo ya väꞌa taꞌan ya íkan na ñuu ivi yóꞌó.