San Mateo 12:31 - Xochapa Mixteco

³¹ ’Ta ndixa káꞌan i xiꞌin ndo, ndiꞌi kúu kuachi íkan naꞌa, án ya väꞌa káꞌan na, ta xaa kaꞌnu ini Ndioxi xaꞌa kuachi na. Sundi naꞌa, na kánaꞌa xaꞌa Tachi I̱í Ndioxi, ta xäa kaꞌnu ini ra xaꞌa kuachi na.

San Mateo 12:31 Mawu Ofanana

San Lucas 12:10

’Tá ndá naꞌa kánaꞌa xaꞌa yeꞌe ra kúu Taa ra xa̱a ñuu ivi yóꞌó ta xaa kaꞌnu va ini Ndioxi xaꞌa na. Sundi tá tu kánaꞌa na xaꞌa Tachi I̱í Ndioxi ta xäa kaꞌnu ini ra xaꞌa na ―káchi Jesús.

Los Hechos 7:51

’¿Ta ndachu soꞌo ni ndóꞌo̱, na chiñu? Ta tuun ni nima ndo, tá íin ndóꞌo̱ köo xíni Ndioxi saa íin ndo. Tá ndi̱xiyo xii sikua yo, saa íin ndo, chi köo xíin ndo kuni soꞌo ndo ya káꞌan Tachi I̱í Ndioxi xiꞌin ndo.

HEBREOS 10:26

Saa chi tá tu xa kúndaa teꞌe ini yo xaꞌa ya ndaa, ta íkan ka yo ya väꞌa, ta ndaꞌvi ni va mií yo, saa chi köo ka inka ñaꞌa soko Jesucristo ya xaa kaꞌnu ini Ndioxi xaꞌa kuachi yo.

HEBREOS 10:29

Ta ndisaa ka vi ndee ni ndee kundoꞌo naꞌa, na kóso kava Tata yo Jesucristo, ra kúu Seꞌe Ndioxi, chi köo kíꞌin na kuenta xaꞌa nií ra, nda tá káa rá väꞌa saa káa ra nuu na, saa íkan naꞌa, na kúndasi nuu xíni Tachi I̱í Ndioxi, ra kúꞌvi ni ini xíni ñaꞌa, chi suvi xiꞌin nií Tata yo Jesucristo kua ki̱ndoo ra trato ya ikan ra ya vaꞌa xiꞌin yo.

HEBREOS 6:4

Sundi naꞌa, na xa ndi̱yeꞌe tuꞌun Ndioxi nima tá yachi ta si̱ndoo na ya, na ikán ta küchiñu ka ndiko koo tuku ini na chi xa ku̱ndaa vaꞌa ini xaꞌa ya ndaa ya síndiyeꞌe nima na, ta saa ndi̱niꞌi na ya vaꞌa nuu Ndioxi, ndi̱kiꞌin na Tachi I̱í ra ndi̱xiyo ya xiꞌin na.

1 Juan 1:9

Sundi tá tu náꞌma yo kuachi yo nuu Ndioxi ta xáa kaꞌnu ini ra xaꞌa yo, ndíkata ra ndiꞌi kuachi yo, saa ndása vaꞌa ra yoo, saa chi vaꞌa ni mií ra, ndaa ni ini ra ta síxinu ndiꞌi ra ya káꞌan ra.

1 Juan 5:16

Tá ndá ndóꞌo̱ xíto ndo íkan na taꞌan yo na ndíkun Jesús ya väꞌa, ta saa ná kaꞌan ndo xaꞌa na xiꞌin Ndioxi, ta xaa kaꞌnu ini ra xaꞌa na. Tá tu süvi kuachi ya káꞌan kuvi na nuu Ndioxi kua, ta taxi ra kutaku na. Saa chi íyo kuachi ya väꞌa ya káꞌan ndiꞌi xaꞌa na nuu ra. Tá tu taꞌan kuachi ñaa kua i̱kan na ta käꞌan ndo xaꞌa na. Sundi tá tu inka kuachi kua, ta kaꞌan ndo xaꞌa na xiꞌin Ndioxi ta kutaku na xiꞌin ra.