San Mateo 12:14 - Xochapa Mixteco

¹⁴ Saa ka̱na koo nda fariseo kuaꞌan nda, xa̱á nda ndítuꞌun taꞌan nda ndá kuꞌva kaꞌni nda Jesús.

San Mateo 12:14 Mawu Ofanana

San Mateo 26:4

Ikán chítaꞌan tuꞌun nda ndá kuꞌva sindaꞌvi nda Jesús, ta tiin nda ra kaꞌni ñaꞌa nda.

San Mateo 27:1

Tá ndi̱tuvi ta chi̱taꞌan tuꞌun ndiꞌi nda sutu ndóso nuu sutu, xiꞌin nda xikuaꞌa nuu na judío, chi̱taꞌan tuꞌun nda ya kaꞌni nda Jesús.

San Marcos 14:1

Soo uvi kivi kúmani saa tindaa kivi ya ndítava na Israel viko pascua xiꞌin inka viko nuu xíxi na xita vaꞌa ya köo uxan iya xiꞌin. Saa xa̱á nda naꞌnu nuu sutu xiꞌin nda maestro nda sínaꞌa ley Ndioxi ya ta̱a ra Moisés, ndúku nda kuachi siki xaꞌa Jesús saa kuchiñu nda kaꞌni nda ra.

San Marcos 3:6

Saa tá ka̱na koo nda fariseo ini veꞌe ñuꞌu ikán, ta xa̱á nda chítaꞌan tuꞌun nda xiꞌin nda partido ra Herodes ya kaꞌni nda Jesús.

San Lucas 22:2

Ta kivi ikán xa̱á sava nda sutu naꞌnu xiꞌin nda sínaꞌa ya ta̱a ra Moisés, ndúku nda kuꞌva kaꞌni sêꞌe nda Jesús, xaꞌa ya íꞌvi nda nuu na ñuu.

San Lucas 6:11

Tá xi̱ni nda ya ndu̱vaꞌa ndaꞌa ra ikán, ta yáꞌa ni ndi̱saa nda, ñaa xa̱á nda ndíkani ini nda unku vaꞌa ikan nda xiꞌin ra.

San Juan 10:31

Saa ti̱in tuku nda judío yu̱ú ya kani nda sata ra kuvi ra.

San Juan 10:39

Saa ku̱ni tuku nda tiin nda ra, ta köo ndi̱kuchiñu nda tiin nda ra, ndi̱saña ra ndaꞌa nda kuaꞌan ra.

San Juan 11:53

Ta nda kivi ikán xa̱á, chítaꞌan tuꞌun nda, ndá kuꞌva koo kaꞌni nda Jesús.

San Juan 11:57

Ta nda fariseo xiꞌin nda sutu naꞌnu xa̱ꞌnda nda chiñu, tá ndá naꞌa xi̱ni ra ta kama ni ná taxi na chiñu ya kuꞌun na tiin ñaꞌa na nda mií nuu ndíkaa ra.

San Juan 5:18

Xaꞌa ya ikán kua kúni ni nda naꞌnu nuu na judío kaꞌni ñaꞌa nda, chi xáa soꞌo ra yáꞌa ra ley na xaꞌa ya síndaꞌa ra naꞌa kivi ndíkundee na, ta saa káꞌan ra Iva ra kúu Ndioxi, ta iin ndása ra mií ra xiꞌin Ndioxi.

San Juan 7:30

Ta saa ku̱ni na tiin na ra chikaa na veꞌe kàà, sundi nda iin na köo ndi̱tiin ñaꞌa chi täꞌan tindaa kivi ya chi̱tuni Ndioxi.

San Juan 7:32

Saa xi̱ni soꞌo nda fariseo ya vaꞌa ni káꞌan naꞌa xaꞌa Jesús, ta iin ndi̱kitaꞌan yuꞌu nda xiꞌin sutu nda naꞌnu nuu na veꞌe ñuꞌu, ta sutu ikán ti̱ꞌvi nda naꞌa, na ndáa veꞌe ñuꞌu ya kuaꞌan na tiin na Jesús.

San Juan 7:44

Ku̱ni sava na tiin na ra, ta nda iin na köo ndi̱tiin ñaꞌa.

San Juan 8:59

Tá xi̱ni soꞌo nda tuꞌun ikán, ta ndi̱saa ni nda, saa ti̱in nda yu̱ú kani ñaꞌa nda, saa ti̱seꞌe ra ta ke̱ta ra ini veꞌe ñuꞌu ndi̱yaꞌa sava ra maꞌñu na, kuaꞌan ra.