San Mateo 11:5 - Xochapa Mixteco

⁵ Tá kúu na kuáa̱ ta ndíkuna nuu na, na küvi kaka ta ndíkaka na, na ndóꞌo kueꞌe táꞌi náni lepra ta ndúvaꞌa ndiꞌi na, na sóꞌo ta xúna soꞌo na, na ndíi ta ndítaku na. Saa ndítuꞌun i xiꞌin ndiꞌi na ndaꞌvi tuꞌun vaꞌa xaꞌa Ndioxi.

San Mateo 11:5 Mawu Ofanana

San Mateo 10:8

Ta sindaꞌa ndo na kúꞌvi, saa sitaku ndo na ndíi. Ñaa sindaꞌa ndo na ndee ndóꞌo xiꞌin kueꞌe náni lepra.

San Mateo 11:4

Saa ndi̱kuiin Jesús ndi̱kaꞌan ra xiꞌin nda ikán, káchi ra saa: ―Ndiko koo ndo kuꞌun ndo kaꞌan ndo xiꞌin ra Juan, ndituꞌun ndo xiꞌin ra xaꞌa ya xíto ndo xiꞌin ya xíni soꞌo ndo.

San Mateo 12:13

Saa ndi̱kaꞌan ra xiꞌin ra ndi̱ndichi ndaꞌa ikán, káchi ra saa: ―Sindikaa ndaꞌa un ―káchi ra xiꞌin ra. Saa si̱ndikaa ra ndaꞌa ra, tá si̱ndikaa soꞌva ra ya ta ndikun saa ndu̱vaꞌa ya. Ndu̱u ya tá íyo inka ya vaꞌa.

San Mateo 21:14

Saa ku̱yati sava na kuáa̱ xiꞌin na küvi kaka. Ku̱yati na nuu Jesús nuu íin ra keꞌe yeꞌe veꞌe ñuꞌu, ta si̱ndaꞌa ra na.

San Mateo 5:3

―Vaꞌa ni kée ndo tá tu kúndaa ini ndo ya kúndáꞌvi ni ndo, ta xíniñuꞌu ni ndo Ndioxi, chi ndóꞌo̱ ku ndo kúu mií ichí koo ndo nuu xáꞌnda chiñu Ndioxi.

San Mateo 9:30

Ñaa ndu̱vaꞌa uvi saa nda, ndi̱xuna nuu nda. Saa ndi̱kaꞌan Jesús xiꞌin nda, káchi ra saa: ―Kuenta ni koo ndo ndïtuꞌun ndo xiꞌin nda iin naꞌa ndá kuꞌva ndu̱vaꞌa ndo ―káchi ra xiꞌin nda.

San Marcos 7:37

Saa iin ndi̱kanda ini ndiꞌi na, ñaa xa̱á na káꞌan na: ―¡Ndiꞌi vi ya vaꞌa íkan ra! ¡Nda na soꞌo xiꞌin na meꞌme ta síndaꞌa ndiꞌi ra na ―káchi na!

San Marcos 9:25

Ñaa xi̱ni Jesús xa̱á ndíkutu kuaꞌa ka naꞌa, saa ndi̱ndaꞌi ra nuu tachi nduvaꞌa ikán, káchi ra saa: ―Yóꞌo̱ tachi nduvaꞌa xa̱a soꞌo ra yóꞌó tin xa̱a meꞌme un ra, yeꞌe xáꞌnda chiñu nuu un, keta kuaꞌan un, ta saña un ra loꞌo yóꞌó, ndïko koo ka un tiin ñaꞌa un ―káchi ra xiꞌin ya.

San Lucas 4:18

Íyo Tachi I̱í Ndioxi xiꞌin i, saa ndi̱kaxin ya yeꞌe vaxi i ndituꞌun i tuꞌun vaꞌa xiꞌin na ndaꞌvi. Saa ti̱ꞌvi ya yeꞌe vaxi i sindaꞌa i na ndee ni taꞌvi nima. Ta ti̱ꞌvi ya yeꞌe vaxi i saña i na núꞌni xaꞌa kuachi na. Saa vaxi i kuna i nuu na kuáa̱, ta vaxi i chindee i na tíxuꞌvi.

San Juan 10:25

Saa ndi̱kuiin ra káꞌan ra xiꞌin nda, káchi ra saa: ―Xa ndi̱kaꞌan i xiꞌin ndo ta köo ndi̱xiin ndo kandixa ndo yeꞌe. Ndiꞌi seña ya íkan i nuu ndo ya ñaa kua ndíkuiin xaꞌa i ya kúu mií i ichí Iva i Ndioxi yakan vaꞌa íkan i ya.

San Juan 10:38

Tá tu xáa súvi i chiñu Iva i, ta vaꞌa kandixa ndo ya ikán, vani ná kändixa ndo yeꞌe. Tá tu kándixa ndo ya íkan i, ta saa kundaa ini ndo ya íyo Iva i xiꞌin i, ta yeꞌe íyo i xiꞌin ra ―káchi Jesús xiꞌin nda.

San Juan 2:23

Tá ndi̱xiyo Jesús ñuu Jerusalén kivi kána viko pascua, ta kuaꞌa ni yatuꞌun i̱kan ra, saa kuaꞌa ni naꞌa ka̱ndixa kivi ra xaꞌa ya xi̱ni na ñaꞌa íkan ra.

San Juan 3:2

Ta iin ñûu ke̱e ra ndi̱xaꞌan ra nuu Jesús káꞌan ra xiꞌin ra, káchi ra saa: ―Rabí, xíni nde yóꞌo̱ ku Maestro ra ti̱ꞌvi Ndioxi vaxi sinaꞌa un ndeꞌe ñuu ivi yóꞌó, saa chi nda iin naꞌa ta küchiñu na ikan na taꞌan ya íkan un tá tu köo Ndioxi íyo xiꞌin na ―káchi ra xiꞌin Jesús.

San Juan 5:36

Sundi íyo inka ya ndíkuiin xaꞌa i, ta ndee ni ka ya ikán nuu ya ndi̱kaꞌan ra Juan. Ta ya ikán ku chiñu ya ndi̱kaꞌan Iva i Ndioxi xiꞌin i ikan i. Ta chiñu ikán ku ya ndíkuiin teꞌe xaꞌa i, ya ndixa kua ti̱ꞌvi Iva i yeꞌe vaxi i.

San Juan 9:7

Saa ndi̱kaꞌan Jesús xiꞌin ra káchi ra saa: ―Kuáꞌan ndikata un nuu un ini ñaꞌa nuu ñúꞌu tikuii Siloé ―káchi ra. (Ta tuꞌun Siloé kúni kachi ya: Taa ra ti̱ꞌvi ra kuaꞌan.) Saa ke̱e ra ikán ndi̱xaꞌan ra ndi̱kata ra nuu ra, tá ndi̱ko koo ra ta xa ndi̱kuna nuu ra, vaꞌa xíto ra.

Los Hechos 2:22

’Nda taꞌan yo nda ñuu Israel, kuni soꞌo ndo ya kaꞌan i xiꞌin ndo xaꞌa Jesús, ra ñuu Nazaret. Iin taa ra vaꞌa ni ku ra. Suvi mií Ndioxi ku ra ndi̱kaxin ra i̱kan ra kuaꞌa ni ya vaꞌa, chi̱ndee ni ra yoo, i̱kan ni ra yatuꞌun Ndioxi nuu yo. Ta tixin ndiꞌi ya yóꞌó si̱naꞌa Ndioxi yoo ndá taa ku Jesús.

Santiago 2:5

Ñani mani xiꞌin kuꞌva yo, ndóꞌo̱ ku ndo kúꞌvi ni ini i xíni i, ta kuni soꞌo ndo ya kaꞌan i xiꞌin ndo: Ndioxi ku ra ndi̱kaxin na ndaꞌvi ndóo ñuu ivi ya ná nduu na naꞌa, na ndinuꞌu ni ini ndáa ini xíni ra xiꞌin ndiꞌi nima na, ta saa ndikiꞌin na ya ndi̱kaꞌan ra taxi ndaꞌa na kúꞌvi ini xíni ra, saa koo na kaꞌnda chiñu na xiꞌin ra.