San Mateo 11:30 - Xochapa Mixteco

³⁰ Chiñu ya xaa chiñu ndo xiꞌin i ta süvi ya uꞌvi ni kua, ta ni köo vee ni ya, chi tá íyo itun yuku kama ni va, saa íyo ya ―káchi Jesús xiꞌin na.

San Mateo 11:30 Mawu Ofanana

San Mateo 12:1

Saa ku̱u iin kivi sábado, kivi i̱í ndíkundee na judío, ke̱e Jesús kuaꞌan ra xiꞌin nda ítaꞌan xiꞌin ra, yáꞌa nda kuaꞌan nda nuu íyo trigo. Saa xa̱á káꞌun ini nda, ñaa xa̱ꞌnda nda trigo xáxi nda.

San Juan 16:33

Soꞌva káꞌan i xiꞌin ndo ya ná kündiꞌi ini ndo, ta tuun ni kundikun ndo yeꞌe saa koo vaꞌa ni ini ndo. Saa chi kixi ni tindoꞌo nuu ndo ñuu ivi yóꞌó, sundi kundaa ni ini ndo kuni ndo yeꞌe, saa chi yeꞌe ta xa ku̱chiñu i xa̱a kanaa i ñuu ivi yóꞌó ―káchi Jesús.

Los Hechos 15:10

Ta ¿ndachu tuun ni ini ndo köo xíin ndo kandixa ndo Ndioxi ya ndi̱kuiso ra na, saa káꞌan ndo xaa súvi na ley Ndioxi. Ta nda ni mií yo xiꞌin xii sikua yo ta köo ndikuchiñu yo xaa súvi yo ley ikán.

Los Hechos 15:28

Iin yuꞌu ku nde xiꞌin Tachi I̱í Ndioxi ya sïkuiso vee nde ndóꞌo̱ xiꞌin inka ka chiñu, ndisaa ya yóꞌó kua xíniñuꞌu ndo xaa súvi ndo:

2 Corintios 4:17

Chi tindoꞌo ya ndee ni ndóꞌo nde vitin tíxuvi nde, ta ni süvi ya ndee ni kua, ya yáꞌa va kua, ni köo ítaꞌan ya xiꞌin ñaꞌa ya ndee ni luvi táxi Ndioxi ndaꞌa nde níꞌi nde nuu ra, ta ya táxi ra ndaꞌa nde ta köo ndíꞌi xaꞌa nda iin ichí.

Gálatas 5:1

Na taꞌan yo, xaꞌa ya sa̱ña Jesucristo yoo yakan vaꞌa íyo ndíka yo. Kuenta ni koo ndo, tuun ni kundikun ndo ichí nuu íyo ndíka ndo, ta täxi ndo nduu tuku ndo naꞌa, na íin tá íin naꞌa, na sa̱ta na xáa chiñu nuu na xiꞌin ya nduxa.

Gálatas 5:18

Sundi tá táxi ndo xáꞌnda chiñu Tachi I̱í Ndioxi nuu ndo, ta saa kua kíndoo ndika ndo, köo xáꞌnda chiñu ka ley ya ta̱a ra Moisés nuu ndo.

Filipenses 4:13

Ta kúchiñu i xáꞌa ndee ini i xiꞌi ndiꞌi ni kúu va ya, chi Cristo ku ra táxi ndee ndaꞌa i yáꞌa i nuu iin iin ya.

1 Juan 5:3

Tá tu xáa súvi yo ya xáꞌnda chiñu Ndioxi nuu yo ta sínaꞌa yo mií yo ya kúꞌvi ini yo xíni yo ra. Saa chi ya xáꞌnda chiñu ra nuu yo ta süvi tá káa iin ya vee ndíso yo káa ya.