San Mateo 11:28 - Xochapa Mixteco

²⁸ Ndiꞌi ndóꞌo̱ xa ku̱naa ni nuu ndiꞌi chiñu ya íkan ndo, ta köo kúndee ka ini ndo xiꞌin ñaꞌa ndíso ndo, ta naꞌa ndo nuu i, taxi i ndikundee ndo.

San Mateo 11:28 Mawu Ofanana

San Mateo 11:29

Xaa súvi ndo ya káꞌan i xiꞌin ndo ya káa tá káa itun yuku i. Sikuaꞌá ndo tá kuꞌva íyo i, chi yeꞌe ta köo kueꞌe ini i, ndaꞌvi ni ini i, vaꞌa ni taa ku i, ikán ndo saa, ta saa kuchiñu ndo ndikundee ndo.

San Mateo 23:4

Saa chi xáꞌnda nda chiñu ya ndee ni uꞌvi xaa súvi ndo, ta nda ni mií nda köo kúchiñu xaa súvi ya ndúku nda nuu ndo xaa súvi ndo. Tá káa ñaꞌa ya vee ni saa káa ya tóso nda sata naꞌa xaa súvi na, nda mií nda ta nda loꞌo köo kúchiñu nda xaa súvi nda ya.

San Juan 6:37

Ndiꞌi na táxi Iva i Ndioxi ndaꞌa i, ta vaxi na nuu i, ta ndiꞌi na vaxi nuu i ta täva i na keꞌe.

San Juan 7:37

Tá ti̱ndaa kivi chee ni ya ndiꞌi viko ikán, ta saa ndi̱kundichi Jesús ta nda̱niꞌi ra tachi ra ta ndee ni ndi̱kaꞌan ra, káchi ra saa: ―Tá ndá ndóꞌo̱ íchi ini, ta vaꞌa kixi ndo nuu i ta taxi i tikuii koꞌo ndo.

Los Hechos 15:10

Ta ¿ndachu tuun ni ini ndo köo xíin ndo kandixa ndo Ndioxi ya ndi̱kuiso ra na, saa káꞌan ndo xaa súvi na ley Ndioxi. Ta nda ni mií yo xiꞌin xii sikua yo ta köo ndikuchiñu yo xaa súvi yo ley ikán.

Los Hechos 20:35

Taꞌan ya xi̱ni ndo i̱kan i kua xíniñuꞌu ndo ikan ndo, ya kuchiñu ndo chindee ndo inka na köo kúndee ini xaa chiñu. Ndi̱kaꞌán ndo ya ndi̱kaꞌan Tata yo Jesús, káchi ra saa: “Vaꞌa ni ka kée na táxi ñaꞌa ndaꞌa inka na, süvi ka vi na ndíkiꞌin ya”, káchi Tata yo ―káchi ra Pablo xiꞌin na.

Gálatas 5:1

Na taꞌan yo, xaꞌa ya sa̱ña Jesucristo yoo yakan vaꞌa íyo ndíka yo. Kuenta ni koo ndo, tuun ni kundikun ndo ichí nuu íyo ndíka ndo, ta täxi ndo nduu tuku ndo naꞌa, na íin tá íin naꞌa, na sa̱ta na xáa chiñu nuu na xiꞌin ya nduxa.

2 Tesalonicenses 1:7

Vani ndóꞌo ni ndo vitin, sundi vaxi kivi saa taxi ra ndikundee ndo nuu ndiꞌi ya ndóꞌo ndo, iin káchi taxi ra koo vaꞌa ni ndo xiꞌin nde. Ya yóꞌó ikan ra kivi ná ndiko koo Tata yo Jesucristo kixi ra nuu ndivi xiꞌin na tatun Ndioxi, na ndee ni ndee kúu mií.

HEBREOS 4:1

Yakan yoo, ta ná kundiꞌi ni ini yo, kiꞌvi yo koo yo nuu ndikundee yo xiꞌin Ndioxi. Ta kuenta ni ná koo yo süvi ka vi ya ndoo sava yo chí sata, ta küchiñu yo kiꞌvi yo koo yo nuu ndikundee yo xiꞌin ra.

El Apocalipsis 22:17

Tachi I̱í Ndioxi xiꞌin na veꞌe ñuꞌu na íin tá káá ñaꞌa yá tindaꞌa xiꞌin Levo loꞌo ikán kána na ra, káchi na saa xiꞌin ra: “Naꞌa Tata yo Jesús”, káchi na. Ta ndóꞌo̱ xíni soꞌo tuꞌun yóꞌó, kaꞌan tu ndóꞌo̱ saa va xiꞌin naꞌa: “Naꞌa ndo”, kachi ndo. Ta ndóꞌo̱ íchi tikuii ta kúni ndo koꞌo ndo rá, ta vaꞌa kixi ndo koo ndo rá, chi táxi rá kutaku ndo ndiꞌi saa kivi. Ta síniꞌi uun Ndioxi rá koꞌo ndo.