San Mateo 11:21 - Xochapa Mixteco

²¹ ―¡Ndaꞌvi ni ndóꞌo̱ na ñuu Corazín! ¡Ndaꞌvi ni ndóꞌo̱ na ñuu Betsaida! Chi vaxi kivi tixuꞌvi ni ndo. Xinaꞌa tá ndi̱xini na ñuu Tiro xiꞌin na ñuu Sidón taꞌan yatuꞌun xíto ndo vitin, ta ndá tiempo vi ndi̱ko koo ini na ikán xaꞌa kuachi na, xa ndi̱kundixi na toto ndai ni nuu, ta xa chi̱kaa na yaa ñu̱ꞌu̱ xiní na xaꞌa ya sínaꞌa na mií na ya ndi̱ko koo ini na xaꞌa kuachi na ndikuu.

San Mateo 11:21 Mawu Ofanana

San Mateo 11:22

Ta ndixa káꞌan i xiꞌin ndo, ndee ni ka kundoꞌo ndóꞌo̱ ñuu Corazín xiꞌin ndóꞌo̱ ñuu Betsaida nuu na ñuu Tiro xiꞌin na ñuu Sidón kivi sindiꞌi tá ná xaa nani Ndioxi kuachi xiꞌin na ñuu ivi.

San Mateo 15:21

Saa ke̱e Jesús, ta ndi̱kiꞌin ra kuaꞌan ra inka ñaꞌñu yati ñuu Tiro xiꞌin Sidón.

San Mateo 18:7

¡Ndee ni kundoꞌo na ñuu ivi yóꞌó! saa chi ndiꞌi saa kivi íyo ñaꞌa ya chíndaꞌa na kuakiꞌvi na kuachi. Sundi ndee ni ka kundoꞌo na táa sii naꞌa ikan na ya väꞌa!

San Mateo 26:24

Yeꞌe kuu Taa, ra xa̱a ñuu ivi yóꞌó, ta ndixa kua xíniñuꞌu kuvi i, tá kuꞌva káꞌan tuꞌun Ndioxi ya ta̱a nda profeta xaꞌa i xinaꞌa. Sundi ¡ndaꞌvi ni taa ra ndixiko vata yeꞌe nuu na sáa ini xíni yeꞌe! Vaꞌa ni ka kua tá ná käku va ra, ndikuu ―káchi Jesús xiꞌin nda.

San Marcos 3:8

Tá ku̱ndaa ini na ya kuaꞌa ni yatuꞌun íkan Jesús, ta saa ka̱na koo tu na ñuu Jerusalén xiꞌin na inka ñuu suvi mií estado Judea xiꞌin na estado Idumea tin na ndóo inka ñaꞌñu yuꞌu nduta ita Jordán, ndi̱xaa tu na ndóo yati ñuu Tiro xiꞌin na ñuu Sidón va.

San Marcos 6:45

Sindiꞌi ikán saa ndi̱kaꞌan Jesús xiꞌin nda ítaꞌan xiꞌin ra nda̱a nda sata barco. Kuaꞌan nda inka ñaꞌñu yuꞌu nduta ñûꞌu ta ka̱na koo nda kuaꞌan nda chí ñuu Betsaida. Xiꞌna nda ítaꞌan xiꞌin ra kuaꞌan, saa ndi̱ndoo siín mií ra ndái ra naꞌa.

San Marcos 7:24

Tá sindiꞌi ikán ta ke̱e Jesús ndi̱kiꞌin ra kuaꞌan ra chí ñuu Tiro xiꞌin ñuu Sidón. Saa ndi̱kiꞌvi ra ini iin veꞌe, ta ni köo kúni ra kundaa ini naꞌa ya ndi̱xaa ra, ta köo ndi̱kuchiñu tiseꞌe ra.

San Marcos 7:31

Ndi̱ko koo Jesús ke̱e ra ñuu Tiro saa ndi̱yaꞌa ra chí ñuu Sidón ikán ndi̱yaꞌa ra ñuu vali ya ñúꞌu iin ñaꞌñu náni Decápolis. Saa ndi̱xaa ra yuꞌu nduta ñûꞌu rá Galilea.

San Marcos 8:22

Saa tá ndi̱xaa Jesús ñuu Betsaida, ta ndáka na iin ra kuáa̱ ndi̱xaa xiꞌin na nuu ra. Ta saa xáku ndaꞌvi na nuu Jesús ya ná tiin ndaa loꞌo ñaꞌa ra ta nduvaꞌa ra.

San Lucas 4:26

sundi nda iin ñuu ya íyo Israel köo ndi̱tiꞌvi Ndioxi ra Elías kuꞌun ra. Iindaa ñuu Sarepta ya ndíkaa estado Sidón. Ikán ti̱ꞌvi Ndioxi ra kuaꞌan ra koo ra veꞌe iin yá ndi̱ndoo ndaa, yá köo kúu judío.

San Lucas 6:17

Tá ndi̱ko koo Jesús xiꞌin nda ítaꞌan xiꞌin ra. Ñaa ndi̱xinu nda iin yoso, ta ikán ndi̱kitaꞌan na ndíkun sata ra ndóo na ndátun ñaꞌa na. Saa ndóo kuaꞌa ni tu na ki̱xi ñuu Jerusalén xiꞌin na ki̱xi inka ñuu ya ñúꞌu estado Judea, xiꞌin na ki̱xi ñuu ya ñúꞌu yati yuꞌu nduta ñûꞌu ñuu Tiro tin na ki̱xi ñuu Sidón. Ndóo na ndátun ñaꞌa na chi kúni na kuni soꞌo na ya káꞌan ra, sava na kúni sindaꞌa ra na xiꞌin kueꞌe ya ndóꞌo na.

San Lucas 9:10

Tá ndi̱ko koo uxi uvi saa nda ítaꞌan xiꞌin Jesús, saa ndi̱tuꞌun ndiꞌi nda xiꞌin ra ya i̱kan nda nuu ndi̱xaꞌan nda ndi̱kaꞌan ndoso nda xiꞌin naꞌa xaꞌa ichí Ndioxi. Ta saa ndi̱kuiso ra nda kuaꞌan nda xiꞌin ra iin ñuu náni Betsaida, iin ñaꞌñu nuu köo nda iin naꞌa.

San Juan 1:44

Ta ra ñuu Betsaida ku ra Felipe, ikán ke̱e tu ra Andrés va xiꞌin ra Pedro.

San Juan 12:21

Saa ku̱yati na nuu ra Felipe ra ke̱e ñuu Betsaida, estado Galilea xíkan na ya mani nuu ra, káchi na saa: ―Tata, kúni nde kuni nde Jesús ―káchi na.

Los Hechos 12:20

Ta xa yachi vi sáa ra rey Herodes ikán xíni ra na ñuu Tiro xiꞌin na ñuu Sidón. Saa kúni na ikán ndikitaꞌan mani na xiꞌin ra, chi ñaꞌa xíxi na ta ñuu nuu xáꞌnda chiñu ra kée ya. Xaꞌa ya ikán kua chi̱taꞌan tuꞌun na ndá kuꞌva koo nuu ndikitaꞌan mani na xiꞌin ra. Ñaa nda̱sa migo na iin ra kúu mií chiñu ndee veꞌe mií ra rey ikán, ta Blasto náni ra ikán. Ta tixin ra Blasto ikán kuchiñu na ndikitaꞌan mani na xiꞌin ra Herodes kúni na.

Los Hechos 27:3

Tá ndi̱tuvi inka kivi ndi̱xaa nde ñuu Sidón. Ikán ku nuu i̱kan ra Julio ya vaꞌa xiꞌin ra Pablo, ta̱xi ra ndi̱xaꞌan ra xíto ra na xínitaꞌan xiꞌin ra, ta chi̱ndee ñaꞌa na ikán.

Judas 1:11

¡Ndaꞌvi ni nda! Chi kuaꞌan nda ichí taꞌan ya ndi̱xika ra Caín ra xa̱ꞌni ñani xinaꞌa. Ta saa íkan tu nda tá i̱kan ra Balán chi xíni ni nda ndá kuꞌva tava nda xuꞌun ndaꞌa naꞌa. Ta saa íkan tu nda tá kuꞌva i̱kan ra Coré xinaꞌa köo ndi̱xiin ra xaa súvi ra chiñu ya ndi̱taꞌnda nuu ra xaa súvi ra, ta saa kundoꞌo nda ñaa, síndiꞌi nda xaꞌa mií va nda.

El Apocalipsis 11:3

Ta tiꞌvi i uvi nda taa, nda ndíkuíin xaꞌa chiñu i ya kaꞌan ndoso nda tuꞌun i tixin mil uvi ciento uni xiko kivi, ta kundixi nda toto ndai ni nuu xaꞌa ya kúni i ya ndiko koo ini naꞌa xaꞌa kuachi na ―káchi Ndioxi.

El Apocalipsis 6:12

Saa xa̱ꞌnda Levo loꞌo ikán sello ya i̱ñu. Ta xi̱ni i ndee ka vi táan, ta xi̱ni i ku̱naa nuu ñu̱ꞌù köo ndíyeꞌe ka ya, tá kuꞌva ndáa toto ndíxi naꞌa, na kuaꞌan xáku nuu ndi̱xiꞌi ndìì, saa ndáa ndu̱u nuu ñu̱ꞌù ikán. Ta kiti yoo ndu̱u ri tá káa nduta nií.