San Mateo 11:2 - Xochapa Mixteco

² Saa ndíkaa ra Juan ra síkuchi naꞌa veꞌe kàà, ta xi̱ni soꞌo ra tuꞌun xaꞌa ya vaꞌa íkan Jesús xiꞌin naꞌa, saa ti̱ꞌvi ra uvi nda ítaꞌan xiꞌin ra kuaꞌan nda ndakan tuꞌun nda Jesús.

San Mateo 11:2 Mawu Ofanana

San Mateo 1:17

Tiempo ya ka̱ku ra Abraham ra veꞌe núnu̱ú, iin saa nda tiempo ya ka̱ku ra David, ta ndi̱yaꞌa uxi kumi nuu na veꞌe ku̱u mií na. Saa ndikiꞌin tuku ya xaꞌa uxi kumi nuu na veꞌe, tiempo ya ka̱ku ra David iin saa nda tiempo nuu ti̱in na ñuu Babilonia na Israel ku̱aꞌan na xiꞌin na ñuu Babilonia. Nda tiempo ya ti̱in na Babilonia na Israel kuaꞌan na ñuu Babilonia, iin saa nda tiempo ya ka̱ku Jesucristo ta ndi̱yaꞌa tuku uxi kumi nuu na veꞌe na xii sikua ra, saa ka̱ku ra.

San Mateo 14:3

Chi suvi mií ra Herodes ikán ku ra xa̱ꞌnda chiñu ya ti̱in na ra Juan, ka̱tun na ra xiꞌin cadena, saa ki̱ꞌin na ra chi̱kaa na veꞌe kàà. Xaꞌa ya ndi̱kaꞌan ra xiꞌin ra Herodes, ya väꞌa íkan ra xiꞌin yá Herodías, yá xanu ra, yá síꞌi ra ñani ra, ra Felipe.

San Mateo 4:12

Tá xi̱ni soꞌo Jesús ya chi̱kaa na ra Juan veꞌe kàà, ta saa ndi̱ko koo ra kuanuꞌu ra chí Galilea.

San Mateo 9:14

Saa ndi̱xaa nda ítaꞌan xiꞌin ra Juan, ra síkuchi naꞌa, ndi̱xaa nda nuu Jesús ndákan tuꞌun nda ra, káchi nda saa: ―Xíxi suꞌun ni va ndeꞌe, ta saa tu nda fariseo va. ¿Ta ndachu köo xíxi suꞌun nda ítaꞌan xiꞌin yóꞌo̱? ―káchi nda xiꞌin Jesús.

San Marcos 6:17

Saa chi xa yachi vi xa̱ꞌnda chiñu ra Herodes ya ti̱in na ra Juan ka̱tun na ra xiꞌin cadena kuaꞌan ra veꞌe kàà xaꞌa ya ndi̱kaꞌan ra Juan xiꞌin ra Herodes xaꞌa yá Herodías, yá síꞌi ra Felipe ñani ra.

San Lucas 3:19

Ta ndi̱kaꞌan tu ra xiꞌin ra gobernador Herodes va xaꞌa ya ti̱ndaꞌa ra xiꞌin yá Herodías, yá síꞌi ñani ra, ra Felipe tin xaꞌa inka ka ñaꞌa ya väꞌa íkan ra.

San Lucas 9:7

Tá ku̱ndaa ini ra rey Herodes xaꞌa ndiꞌi ñaꞌa ya íkan Jesús, ta ni köo xíni ka ra unkua ikan ra, saa chi sava na káꞌan: “Ra Juan, ra ndi̱xiꞌi, ku ra ndi̱taku”, káchi na.

San Juan 4:1

Saa ku̱ndaa ini Tata yo ya káꞌan nda fariseo xaꞌa ra ya kuaꞌa ni naꞌa ndíkundikun sata ra ta saa kuaꞌa ni na síkuchi ra nuu ra Juan.