San Mateo 11:11 - Xochapa Mixteco

¹¹ Saa ndi̱kaꞌan tuku Jesús xiꞌin na, káchi ra saa: ―Ya ndaa káꞌan i xiꞌin ndo, köo nda profeta naꞌnu ni ka nuu ra Juan ra síkuchi naꞌa. Ra Juan ku ra ndee ni ndee chiñu kuu mií, ta saa ni naꞌa, na köo chiñu ndee ni ndee kúu mií taꞌan ya íkan ra Juan, ta na ikán ka ku na ndee ni ka ndee chiñu kúu mií nuu xáꞌnda chiñu Ndioxi ―káchi Jesús xiꞌin na.

San Mateo 11:11 Mawu Ofanana

San Mateo 11:10

Soꞌva káꞌan tuꞌun Ndioxi xaꞌa ra, káchi ya saa: Ra yóꞌó ku ra tiꞌvi i kunuu kuꞌun nuu un. Kuꞌun ra nuu un, xaa vií ra ichí nuu kuꞌun un, káchi Ndioxi xaꞌa ra Juan.

San Mateo 11:12

Saa ndi̱kaꞌan tuku ra, káchi ra saa: ―Nda kivi xa̱á ra Juan káꞌan ndoso ra tuꞌun Ndioxi, iin saa nda kivi vitin íyo ni naꞌa káni taꞌan ya kúni na sindiꞌi xaꞌa na ichí nuu xáꞌnda chiñu Ndioxi, ni saa ndóꞌo ya, ta ndisaa naꞌa, na ndaku ni ini ku na kúchiñu kuakiꞌvi koo nuu xáꞌnda chiñu Ndioxi.

San Mateo 3:1

Saa ku̱u ndi̱yaꞌa kuiya ya xa̱ꞌnu Jesús, ta ndi̱xaa ra Juan, ra síkuchi naꞌa, ndi̱xaa ra nuu íyo iku yuyu ñuu estado Judea, káꞌan ndoso ra tuꞌun Ndioxi.

San Mateo 3:11

Yeꞌe, ta síkuchi i ndóꞌo̱ xiꞌin tikuii, ya sínaꞌa ndo mií ndo nuu naꞌa ya ndi̱nama ndo kuꞌva íyo ndo. Sundi íyo inka ra vaxi sindiꞌi, ta ndee ni ra ikán nuu yeꞌe. Ra ikán ku ra sikuchi ndóꞌo̱ xiꞌin Tachi I̱í Ndioxi xiꞌin ñu̱ꞌu̱ ya xíxi. Xaꞌa ya ndee ni ra ta nda nduxan ra küvi loꞌo kundiso i.

San Mateo 5:19

Yakan kua, ndá ka mií ndo yáꞌa ndoso ley yóꞌó, ni loꞌo ni kua yáꞌa ndo ya, ta saa íyo ya sínaꞌa ndo naꞌa ya kandixa na ya, ta saa ikan tu Ndioxi xiꞌin ndóꞌo̱ va, vali ni koo ndo nuu xáꞌnda chiñu ra. Sundi tá ndá ka mií ndo xáa súvi ya káꞌan Ndioxi, ta saa íyo ya sínaꞌa ndo naꞌa, ta nduu ndo iin naꞌa, na ndee ni ndee ka nuu xáꞌnda chiñu Ndioxi.

San Lucas 1:15

Saa chi chee ni koo ra loꞌo ikán nuu Ndioxi. Ni köꞌo ra ndixi ni vinu köꞌo ra, nditaxi ndiꞌi ra mií ra ndaꞌa Ndioxi. Nda tá kivi ñúꞌu ra tixin siꞌí ra ta koo ndee Tachi I̱í Ndioxi xiꞌin ra.

San Lucas 7:28

Ta saa ndi̱kaꞌan ka ra xiꞌin na, káchi ra saa. ―Ta ya ndaa kua káꞌan i xiꞌin ndo, ndiꞌi taa nda ka̱ku ndi̱kaꞌan ndoso tuꞌun yuꞌu Ndioxi, ta ra Juan ku ra chee ni nuu ndiꞌi nda. Sundi na táxi xáꞌnda chiñu Ndioxi nima na, na ikán ku na naꞌnu ni ka nuu ra Juan ―káchi Jesús xiꞌin na.

San Lucas 9:48

Ta saa ndi̱kaꞌan ra xiꞌin nda, káchi ra saa: ―Tá ndá naꞌa ndíkiꞌin vií na vali taꞌan ra loꞌo yóꞌó, ta yeꞌe ku i ndíkiꞌin na, ta na ndíkiꞌin yeꞌe, ndíkiꞌin na Iva i Ndioxi, ra ti̱ꞌvi yeꞌe vaxi i ñuu ivi yóꞌó. Saa ndiꞌi na ni̱nu̱ ni íin, na íin tá íin na vali, na yóꞌó ku na kúu mií chiñu ndee ni ka nuu ndiꞌi ndóꞌo̱ ―káchi Jesús xiꞌin nda.

San Juan 1:15

Ta ra Juan ku ra ndíkuiin xaꞌa ra ikán, chi ra ikán ku taa, ra kúu tuꞌun Ndioxi. Ndee ni ndi̱kaꞌan ra Juan káchi ra saa: ―Ra yóꞌó ku taa ra ndi̱kaꞌan i xaꞌa xiꞌin ndo yachi, ka̱chi i saa: Ra vaxi sata i, ta chee ni ka ra ikán nuu i chi xa yachi vi íyo ra ―káchi ra Juan.

San Juan 1:27

Ta ra ikán ku ra vaxi sata i, ta xa xiꞌna ka vi ra ikán íyo nuu yeꞌe yakan chee ni ra nuu i. Ta nda ni iin correa loꞌo sata nduxan ra köo kúu mií i ichí ndaxin i xaꞌa ya ndee ni ra ―káchi ra Juan xiꞌin nda.

San Juan 10:41

Ta kuaꞌa ni naꞌa kuaꞌan nuu ra, ta káꞌan xiꞌin taꞌan na, káchi na saa: ―Ya ndixa kua ra Juan, ta nda iin yatuꞌun Ndioxi köo ndi̱kan ra, sundi ndiꞌi ya ndi̱kaꞌan ra xaꞌa ra yóꞌó, ta ya ndaa kua ―káchi na.

San Juan 3:30

Ta ra ikán ku ra xíniñuꞌu nduu chee ka nuu i ta yeꞌe xíniñuꞌu i xaa ni̱nu̱ i mií i nuu ra ―káchi ra Juan xiꞌin nda ítaꞌan xiꞌin ra.

San Juan 5:35

Tá íyo ñu̱ꞌu̱ xíxi ta ndee ni ndíyeꞌe ya, saa ndi̱xiyo ra Juan, ta ndóꞌo̱ ta ku̱sini ni ndo xi̱ni soꞌo ndo ya ndi̱kaꞌan ra xiꞌin ndo, ta uvi ndaa kivi va kua ku̱sini ni ndo.

San Juan 7:39

Ndi̱kaꞌan Jesús saa xiꞌin na chi na kándixa ñaꞌa ta ndikiꞌin na Tachi I̱í Ndioxi koo ya xiꞌin na. Täꞌan kixi ya koo ya xiꞌin na, chi täꞌan ndiko koo ra kuꞌun ra nuu ndivi.

1 Corintios 15:9

Chi yeꞌe, ta ra ni̱nu̱ ni kuu i nuu ndiꞌi nda taꞌan i, ni köo ichí i kaꞌan naꞌa xiꞌin i apóstol, saa chi ra xa̱a ndu̱vaꞌa ni xiꞌin naꞌa, na kúu veꞌe ñuꞌu Ndioxi, ndi̱xiyo i.

1 Corintios 6:4

Tá tu xíniñuꞌu ndo xaa nani ndo kuachi xiꞌin taꞌan ndo ta ¿ndachu kuaꞌan ndo nuu na chiñu, na köo xíni Ndioxi, ta köo xáꞌan ndo nuu na chiñu veꞌe ñuꞌu?

Efesios 2:3

Saa ndi̱xiyo ndiꞌi va yo yachi: I̱kan ni yo ndiꞌi nuu ñaꞌa ya väꞌa, ya ku̱too ni mií ikin kuñu yo ikan ya. I̱kan yo tá kuꞌva íkan ndiꞌi naꞌa, xa̱a súvi ni yo ndiꞌi ñaꞌa ya ndi̱kani ini yo vaꞌa ni nuu yo, túvi yo. Ta xaꞌa ya ikán kua xíniñuꞌu yo sitixuꞌvi ni Ndioxi yoo, chi sáa ni ini ra xíni ra ya väꞌa íkan yo.

Efesios 3:8

Vani köo ndáa yaꞌvi ni va i nuu ndiꞌi na ñani yo, na kúu ñuu Ndioxi, ta ta̱xi ra ichí ndaꞌa i ya kaꞌan ndoso i tuꞌun vaꞌa xaꞌa ra xiꞌin naꞌa, na köo kúu judío. Ta tuꞌun vaꞌa ni ikán, ta tá káa ya kuika ni saa káa ya, chi köo ndíꞌi xaꞌa ya.

2 Timoteo 1:10

Ta vitin si̱naꞌa Ndioxi yoo ya kúꞌvi ni ini ra xíni ra yoo xaꞌa ya ti̱ꞌvi ra Seꞌe ra Jesucristo ki̱xi ra sikaku ra yoo. Ta si̱ndiꞌi xaꞌa ra ndee ya xáꞌni naꞌa, saa ta̱va túvi ra tuꞌun vaꞌa xaꞌa mií ra ya kuchiñu yo kutaku yo vitin tin ndiꞌi saa kivi ya vaxi.

HEBREOS 11:40

Saa chi ku̱ni ra taxi ra ya vaꞌa ni ka ndaꞌa na, taꞌan ya chi̱tuni ra taxi ra ndaꞌa yoo, saa chi saa kua iin kachi nduu vaꞌa ni ka na nuu ra xiꞌin yoo.

1 Pedro 1:10

Ya yóꞌó kua ndi̱kaꞌan nda ndi̱kaꞌan ndoso xaꞌa tuꞌun Ndioxi xinaꞌa, ndee ni ka̱ꞌvi xiní nda xiꞌin ya xaꞌa ya kúni nda kundaa ini nda xaꞌa ya vaꞌa niꞌi yo nuu Ndioxi, ya sikaku ra yoo.