San Mateo 10:7 - Xochapa Mixteco

⁷ Ta kuáꞌan ndo, kaꞌan ndoso ndo tuꞌun yóꞌó xiꞌin na, kachi ndo saa: “Xa yati ni íyo ichí vaꞌa nuu xáꞌnda chiñu Ndioxi nuu yo”, kachi ndo xiꞌin na.

San Mateo 10:7 Mawu Ofanana

San Mateo 10:8

Ta sindaꞌa ndo na kúꞌvi, saa sitaku ndo na ndíi. Ñaa sindaꞌa ndo na ndee ndóꞌo xiꞌin kueꞌe náni lepra.

San Mateo 11:1

Tá si̱ndiꞌi Jesús ta̱xi ra ichí nuu uxi uvi saa nda ítaꞌan xiꞌin ra, saa ke̱e ra kuaꞌan ra sinaꞌa ra tin kaꞌan ndoso ra xiꞌin na ndóo mií ñuu ya ñúꞌu Galilea.

San Mateo 21:31

Ta vitin, ¿unkua túvi ndóꞌo̱? ¿Unku seꞌe ra yóꞌó xa̱a súvi ya ndi̱kaꞌan ra? ―káchi Jesús. Saa ndi̱kuiin na káꞌan na: ―Ra núnu̱ú ku ra xa̱a súvi chiñu ya kúni iva ra ―káchi na. Saa ndi̱kaꞌan Jesús xiꞌin na, káchi ra: ―Ya ndaa káꞌan i xiꞌin ndo, naꞌa na ndíkaya xuꞌun nuu gobierno ñuu Roma xiꞌin ná ñaꞌa ná xíko mií, na yóꞌó ku na xiꞌna kuakiꞌvi ichí nuu xáꞌnda chiñu Ndioxi, nuu ndóꞌo̱.

San Mateo 21:43

Yakan káꞌan i xiꞌin ndo, Ndioxi ta täxi ra ichí ndaꞌa ndo kiꞌvi ndo kundoo ndo nuu xáꞌnda chiñu ra, saa taxi ra ichí ndaꞌa inka naꞌa kundoo na nuu xáꞌnda chiñu ra, ta na yóꞌó ku na xaa súvi ya kúni ra.

San Mateo 23:13

Saa ndi̱kaꞌan ka Jesús xiꞌin nda fariseo tin nda sínaꞌa ley Ndioxi, káchi ra saa: ―¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! ¡Vaxi kivi ta ndoꞌo ni ndo xaꞌa ya uvi yuꞌu ndo! Saa chi ndíkasi ndo yeꞌe ya kúu ichí nuu yaꞌa naꞌa kiꞌvi na nuu xáꞌnda chiñu Ndioxi. Ni köo kíꞌvi mií ndo ta ni köo táxi ndo kiꞌvi na.

San Mateo 3:2

Káchi ra saa: ―Ndiko koo ini ndo, ïkan ka ndo ya väꞌa, chi xa ti̱ndaa yati ichí ya kaꞌnda chiñu Ndioxi nuu yo ―káchi ra Juan xiꞌin na.

San Mateo 4:17

Saa xa̱á Jesús káꞌan ndoso ra tuꞌun Ndioxi xiꞌin naꞌa, káchi ra saa: ―Ndiko koo ini ndo xaꞌa ya väꞌa íkan ndo, chi xa yati ni íyo ichí ya xáꞌnda chiñu Ndioxi nuu kutaku ndo ―káchi Jesús xiꞌin na.

San Marcos 6:12

Saa ka̱na koo nda kuaꞌan nda, káꞌan nda xiꞌin naꞌa ya ná ndiko koo ini na xaꞌa kuachi na, ta ndiko koo na nuu Ndioxi.

San Lucas 16:16

Saa ndi̱kaꞌan ka Jesús, káchi ra saa: ―Tá yachi ta ley Ndioxi xiꞌin ya ta̱a nda ndi̱kaꞌan ndoso tuꞌun yuꞌu Ndioxi kua ndi̱xiyo, iin saa nda kivi tá ki̱xi ra Juan, ra si̱kuchi naꞌa. Saa ku nuu xa̱á káꞌan ndoso nde ndá kuꞌva xáꞌnda chiñu Ndioxi. Ta kuaꞌa ni na xáa nduxa kuakiꞌvi na ichí ra.

San Lucas 9:2

Ñaa ti̱ꞌvi ra nda kuaꞌan nda, kaꞌan ndoso nda tuꞌun Ndioxi ta saa kuchiñu ra kaꞌnda chiñu ra nuu na. Ta ndi̱kaꞌan tu ra xiꞌin nda ya sindaꞌa nda na kúꞌvi va.

San Lucas 9:6

Saa ke̱e nda ndi̱kiꞌin nda kuaꞌan nda ndiꞌi ni kúu ñuu vali, kuaꞌan nda ndítuꞌun nda tuꞌun vaꞌa xaꞌa Jesucristo xiꞌin ndiꞌi naꞌa, ta síndaꞌa nda na kúꞌvi.

San Lucas 9:60

Ñaa ndi̱kuiin Jesús káꞌan ra: ―Kündiꞌi ini un sinduxin un na ndíi, ná kundiꞌi ini mií na xaꞌa taꞌan na. Sundi yóꞌo̱, ta kuaꞌan kaꞌan un xiꞌin inka naꞌa xaꞌa ichí nuu xáꞌnda chiñu Ndioxi ―káchi Jesús xiꞌin ra.

San Juan 3:2

Ta iin ñûu ke̱e ra ndi̱xaꞌan ra nuu Jesús káꞌan ra xiꞌin ra, káchi ra saa: ―Rabí, xíni nde yóꞌo̱ ku Maestro ra ti̱ꞌvi Ndioxi vaxi sinaꞌa un ndeꞌe ñuu ivi yóꞌó, saa chi nda iin naꞌa ta küchiñu na ikan na taꞌan ya íkan un tá tu köo Ndioxi íyo xiꞌin na ―káchi ra xiꞌin Jesús.

Los Hechos 10:25

Tá ndi̱xaa ra Pedro veꞌe ra Cornelio, ta ke̱ta ra ikán ndi̱kiꞌin ñaꞌa ra si̱kusiti ra nuu ra ya xáa kaꞌnu ñaꞌa ra.

Los Hechos 28:31

Nda iin naꞌa köo ndi̱keꞌe ra ya ndi̱kaꞌan ndoso ra xiꞌin na xaꞌa ichí nuu xáꞌnda chiñu Ndioxi. Saa sínaꞌa ra na xaꞌa Tata yo Jesucristo ta köo ya ndi̱kan na xiꞌin ra.

Los Hechos 4:2

Sáa ka vi nda xiꞌin ra Pedro tin ra Juan xaꞌa ya káꞌan nda xiꞌin naꞌa ya ndi̱taku Jesús. Ta xaꞌa ya ndo̱ꞌo ra saa kua si̱naꞌa ra mií ra nuu naꞌa ya nditaku na, chi saa ndo̱ꞌo Jesús, ndi̱taku ra, káchi nda xiꞌin na.