San Mateo 10:5 - Xochapa Mixteco

⁵ Saa ti̱ꞌvi ra uxi uvi saa nda ikán kuaꞌan nda, ta ndi̱kaꞌan ra xiꞌin nda, káchi ra saa: ―Küꞌun ndo ñuu nuu ndóo naꞌa, na köo kúu judío, ni nda iin ñuu nuu ndóo na Samaria küꞌun ndo.

San Mateo 10:5 Mawu Ofanana

San Mateo 22:3

Ka̱na ra rey ikán nda xáa chiñu nuu ra ya kuꞌun nda ndikuiso nda naꞌa xa ndi̱kaꞌan ra xiꞌin kuꞌun kuxi viko veꞌe ra, ta köo ndi̱xiin na kuꞌun na.

San Mateo 4:15

Ñuu nuu ndóo nda seꞌe sikua ra Zabulón xiꞌin ra Neftalí, ndíkaa ya yati yuꞌu nduta ñûꞌu, inka ñaꞌñu yuꞌu ita Jordán. Ta estado Galilea ndóo sava naꞌa, ta süvi na judío ku na.

San Marcos 6:7

Saa ku̱u ka̱na ra uxi uvi saa nda ítaꞌan xiꞌin ra, ta ti̱ꞌvi ra nda kuaꞌan nda kaꞌan ndoso nda tuꞌun Ndioxi. Tá uvi, tá uvi nda ti̱ꞌvi ra kuaꞌan. Ta saa ta̱xi ra ndee ndaꞌa nda ya tava nda tachi nduvaꞌa kúu mií naꞌa.

San Lucas 10:1

Sindiꞌi ikán ta ndi̱kaxin Jesús uni xiko uxi nda taa nda ndíkun sata ra. Tá uvi, tá uvi nda ti̱ꞌvi ra kuaꞌan nda ñuu nuu kuꞌun ra. Xiꞌna nda ikán ti̱ꞌvi ra kuaꞌan, saa kuꞌun mií ra.

San Lucas 10:33

Saa ku̱u ta ndi̱yaꞌa tu iin ra ke̱e chí estado Samaria va, ndi̱yaꞌa ra nuu índuꞌu ra ti̱kueꞌe ikán. Ñaa ku̱ndaꞌvi ni ini ra xi̱ni ñaꞌa ra.

San Lucas 17:16

Ñaa si̱kusiti ra nuu Jesús. Nda nuu ñuꞌú ndi̱kuita ndee ra táxi ra tixaꞌvi ndaꞌa ra. Ta ni süvi ra Israel ku ra, ra ñuu Samaria ku ra.

San Lucas 9:1

Saa ku̱u iin ichí si̱kitaꞌan ndiꞌi Jesús nda ítaꞌan xiꞌin ra, ta saa ta̱xi ra ichí ndaꞌa iin iin nda ya tava nda ndiꞌi nuu tachi nduvaꞌa ya kúu mií naꞌa, saa ta̱xi ra ndee ndaꞌa nda ya sindaꞌa nda na kúꞌvi tin na ndóꞌo ndá ka nuu kueꞌe.

San Lucas 9:2

Ñaa ti̱ꞌvi ra nda kuaꞌan nda, kaꞌan ndoso nda tuꞌun Ndioxi ta saa kuchiñu ra kaꞌnda chiñu ra nuu na. Ta ndi̱kaꞌan tu ra xiꞌin nda ya sindaꞌa nda na kúꞌvi va.

San Juan 17:18

Tá kuꞌva íyo chiñu ya ti̱ꞌvi un yeꞌe vaxi i xaa súvi i ñuu ivi yóꞌó, kuꞌva saa íyo chiñu tíꞌvi i na yóꞌó kuꞌun na xaa súvi na ñuu ivi.

San Juan 20:21

Saa ndi̱kaꞌan tuku Jesús xiꞌin nda, káchi ra saa: ―Ná koo vaꞌa ni ini ndo. Tá kuꞌva ti̱ꞌvi Iva i yeꞌe, saa tíꞌvi i ndóꞌo̱ kuꞌun ndo vitin ―káchi ra xiꞌin nda.

San Juan 4:20

Ta xii sikua nde na Samaria ta nuu xiki yóꞌó va xa̱a toꞌo na Ndioxi, ta ndóꞌo̱ judío káꞌan ndo xíniñuꞌu yo xaa toꞌo yo Ndioxi veꞌe ñuꞌu Jerusalén ―káchi yá xiꞌin ra.

San Juan 4:5

Saa ku̱u ta ndi̱xaa ra estado Samaria, nuu ndíkaa ñuu ya náni Sicar, yati nuu íin ñuꞌú ya si̱niꞌi ra Jacob nuu ra José seꞌe ra.

San Juan 4:9

Saa ndi̱kuiin yá káꞌan yá: ―¿Ndachu ndúku un tikuii nuu i koꞌo un, ta yóꞌo̱ judío ku un, ta yeꞌe yá Samaria ku i? ―káchi yá xiꞌin ra. Saa káꞌan yá xiꞌin ra saa chi na judío xiꞌin na Samaria ta köo ítaꞌan vaꞌa na xiꞌin taꞌan na.

San Juan 7:35

Saa xa̱á nda judío ndákan tuꞌun taꞌan mií nda, káchi nda saa: ―¿Míí chí kuꞌun ra yakan káꞌan ra, küchiñu yo niꞌi ñaꞌa yo? ¿Án sana kuꞌun ra ñuu na griego nuu ndóo sava na taꞌan yo, ta kuꞌun ra sinaꞌa ra na griego ikán?

San Juan 8:48

Saa ndi̱kaꞌan nda naꞌnu nuu na judío xiꞌin ra káchi nda saa: ―Xíni vaꞌa nde ndi̱kaꞌan nde xiꞌin un ya ke̱e un ñuu Samaria, ta kúu mií un tachi nduvaꞌa ―káchi nda xiꞌin ra.

Los Hechos 1:8

Sundi tá ná kixi Tachi ra sata ndo, ta saa kuu mií ndo ndee Ndioxi, nda saa kua kee ndo kuꞌun ndo ndituꞌun ndo xaꞌa i xiꞌin na ñuu Jerusalén yóꞌó. Xiꞌna na ñuu yóꞌó kuꞌun ndo ndituꞌun ndo xiꞌin, saa kuꞌun ndo ndituꞌun ndo xiꞌin ndiꞌi na ndóo estado Judea, tá ndiꞌi, saa kuꞌun ndo ndituꞌun tu ndo xiꞌin ndiꞌi na ndóo estado Samaria iin saa kuꞌun ndo ndiꞌi ni kuu ñuu ivi ndituꞌun ndo xiꞌin naꞌa xaꞌa i ―káchi Jesús xiꞌin nda.

Los Hechos 10:45

Ñaa iin ndi̱kanda ini nda judío, nda kándixa ni ya xíniñuꞌu ndikunuu tuni Ndioxi naꞌa, xíto nda ya xa̱a tu Tachi I̱í Ndioxi sata na köo kúu judío va.

Los Hechos 8:1

Saa tu ra Saulo va ndi̱xiyo yuꞌu ra xiꞌin na xa̱ꞌni ra Esteban. Tá ndi̱xiꞌi ra saa ku nuu xa̱á tíxuꞌvi ni na ndíkun Jesús ndóo ñuu Jerusalén, xaꞌa ya ikán kua ndi̱xita yava ndiꞌi na kuaꞌan na. Sava na kuaꞌan ñuu Judea xiꞌin ñuu Samaria, siin nda apóstol ku nda ndi̱ndoo ñuu Jerusalén.

1 Tesalonicenses 2:16

Tá kúni nde kaꞌan nde xiꞌin naꞌa, na köo kúu judío ya kuchiñu na kaku na, ta köo táxi na judío taꞌan nde kaꞌan nde xiꞌin na ikán. Ta xaꞌa ya íkan na saa, ta ndee ni kuandaa kuachi sata na ndúkuaꞌa ka ya, yáꞌa ni ndee kundoꞌo na tixuꞌvi ni na.