San Mateo 10:41 - Xochapa Mixteco

⁴¹ Na ndíkiꞌin ra kúu profeta, xaꞌa ya káꞌan ndoso ra tuꞌun Ndioxi, tá kuꞌva káa ya vaꞌa niꞌi ra profeta nuu Ndioxi, saa koo ya vaꞌa niꞌi na nuu Ndioxi. Saa tu na ndíkiꞌin iin taa, ra vaꞌa, ra ndaa ini, tá kuꞌva káa ya vaꞌa niꞌi ra ikán nuu Ndioxi, saa koo ya vaꞌa niꞌi na ikán nuu Ndioxi.

San Mateo 10:41 Mawu Ofanana

San Mateo 16:27

Ta yeꞌe, Taa ra xa̱a ñuu ivi yóꞌó, vaxi kivi ndiko koo i ñuu ivi yóꞌó xiꞌin ndee ya vaꞌa Iva i Ndioxi, ta kixi na tatun ra xiꞌin i, ta saa chaꞌvi i iin iin na xaꞌa ya vaꞌa án ya väꞌa i̱kan na ñuu ivi yóꞌó.

San Mateo 25:44

Ta naꞌa na väꞌa i̱kan ta kaꞌan na xiꞌin i, kachi na saa: “Tata, ¿maa xi̱ni nde yóꞌo̱ káꞌun ini un? Ta ¿maa xi̱ni nde yóꞌo̱ íchi un tikuii? Ta ¿maa xi̱ni nde yóꞌo̱ ndi̱xiyo un inka ñuu ta köo ndi̱taxi nde nuu kusun un? Ta ¿maa xi̱ni nde yóꞌo̱ ya köo tikoto kundixi un? Án ¿maa xi̱ni nde kúꞌvi un? Án ¿maa xi̱ni nde ndíkaa un veꞌe kàà, ta köo ndi̱chindee nde yóꞌo̱?”, kachi na xiꞌin i.

San Mateo 25:45

Saa ndi̱kuiin i kaꞌan i xiꞌin na: “Ya ndaa káꞌan i xiꞌin ndo, ndiꞌi saa kivi ya köo ndi̱chindee ndo naꞌa, na ndíkun yeꞌe, vani ndaꞌvi ni na, ta yeꞌe ku i köo ndi̱chindee ndo”, kachi i xiꞌin na väꞌa ikán.

San Mateo 6:1

Saa ndi̱kaꞌan tuku Jesús xiꞌin na, káchi ra saa: ―Tá íkan ndo ya vaꞌa kúni Ndioxi, ta kuenta koo ndo täxi ndo kuni naꞌa ya íkan ndo, ta chinuu vaꞌa na tuꞌun ndo nuu inka na xaꞌa ya íkan ndo, chi tá íkan ndo saa ta köo ka ya vaꞌa niꞌi ndo nuu Ndioxi.

San Mateo 6:18

Täxi ndo kundaa ini naꞌa ya xíxi suꞌun ndo, ndisaa Iva yo ná kundaa ini xíxi suꞌun ndo, saa niꞌi ni ndo ya vaꞌa nuu ra, saa chi ndisaa mií ra xíto ya íkan ndo.

San Mateo 6:4

Tá táxi ndo xuꞌun ndaꞌa na ndaꞌvi, ta taxi sěꞌe ndo ya. Ta saa Iva yo Ndioxi, ra xíto ya íkan sěꞌe ndo, taxi ra ya vaꞌa ndaꞌa ndo.

San Mateo 6:6

Sundi ndóꞌo̱, tá kúni ndo kaꞌan ndo xiꞌin Ndioxi, ta vaꞌa kiꞌvi ndo ini veꞌe ndo, saa ndikasi ndo yeꞌe, ta saa kaꞌan ndo xiꞌin ra. Ta Iva yo Ndioxi xíto ra ya káꞌan sěꞌe ndo xiꞌin ra, saa taxi ra ya vaꞌa ndaꞌa ndo nuu ndiꞌi naꞌa.

San Mateo 7:8

Saa chi ndiꞌi naꞌa ndúku ñaꞌa kúmani nuu na, nuu Ndioxi ta níꞌi na ya ndúku na nuu ra, ta ndiꞌi na ndúku ñaꞌa nuu ra ta níꞌi na ya ndúku na, saa ndiꞌi na káni ndaꞌa yeꞌe, ta xúna ra yeꞌe nuu na.

Los Hechos 16:15

Ta saa chi̱chi yá xiꞌin ndiꞌi na veꞌe yá. Ñaa ndi̱xikan yá ya mani nuu nde, káchi yá saa: ―Tá tu kándixa ndo ndinuꞌu ini i ndi̱kundikun i Jesús, ta naꞌa ndo koꞌyo veꞌe i kundoo ndo ―káchi yá xiꞌin nde. Ndakua sa̱xinu ya ini nde kuaꞌan nde xiꞌin yá.

ROMANOS 16:23

Saa tíꞌvi tu ra ñani yo, ra Gayo, tuꞌun mani xaa nuu ndo. Veꞌe ra Gayo yóꞌó ku nuu íyo yeꞌe Pablo vitin. Ta táxi ra veꞌe ra nuu ndíkitaꞌan ndiꞌi nde veꞌe ñuꞌu. Saa tíꞌvi tu ra Erasto, ñani yo, tuꞌun mani xaa nuu ndo. Ra ikán ku tesorero, ra ndíso chiñu xiꞌin xuꞌun ñuu. Ta tíꞌvi tu ra ñani yo ra Cuarto va, tuꞌun mani xaa nuu ndo, ya káꞌan ndioxi ra xiꞌin ndo.

1 Corintios 9:17

Sundi tá xaꞌa ya kúni mií i íkan i ku chiñu yóꞌó nuu Jesucristo, ta nda naꞌa ta chaꞌvi va na yeꞌe. Ta süvi saa íyo ya, süvi mií i ndínduku chiñu yóꞌó, chi mií Ndioxi ku ra ka̱na yeꞌe ta xa̱ꞌnda ra chiñu nuu i ya kaꞌan ndoso i tuꞌun vaꞌa xaꞌa Tata yo Jesucristo xiꞌin naꞌa.

HEBREOS 6:10

Saa chi Ndioxi, ta vaꞌa ni ra, ndaa ni ini ra yakan ndïndoso ini ra xaꞌa chiñu ya íkan ndo, saa ndikaꞌán ini ra xaꞌa ndiꞌi ka ñaꞌa ya i̱kan ndo. Chi sínaꞌa ndo mií ndo ya kúꞌvi ni ini ndo xíni ndo ra, xaꞌa ya chíndee ndo naꞌa, na kándixa ñaꞌa. Ta nda vitin ta chíndee ka ndo na.

2 Juan 1:8

Ta ndóꞌo̱, kuenta ni koo ndo saa chi süvi ka vi ya mani uun xa̱a chiñu ndo. Sundi ndikundikun ni ndo Jesucristo, ta saa ndikiꞌin ndo ndiꞌi ya vaꞌa chi̱tuni Ndioxi taxi ra ndaꞌa ndo.