San Mateo 10:4 - Xochapa Mixteco

⁴ Xiꞌin inka ra náni Simón, ra ndíkaa xiꞌin partido na náni cananeo, inka ra náni Judas Iscariote, ra ndi̱xiko vata Jesús nuu na sáa ini xíni ñaꞌa.

San Mateo 10:4 Mawu Ofanana

San Mateo 26:14

Saa ke̱e ra Judas Iscariote, ra ítaꞌan xiꞌin uxi uvi nda ítaꞌan xiꞌin Jesús, ndi̱xaa ra nuu nda sutu naꞌnu.

San Mateo 26:15

Saa ndi̱kaꞌan ra xiꞌin nda, káchi ra saa: ―¿Ndisaa chaꞌvi ndo yeꞌe ta chindee taꞌan i xiꞌin ndo, tiin ndo ra Jesús? ―káchi ra xiꞌin nda. Saa ndi̱kuiin nda chaꞌvi nda ra oko uxi xuꞌun plata.

San Mateo 26:2

―Xíni ndo soo uvi kivi kúmani, saa kana viko pascua. Saa nditaxi na yeꞌe, Taa ra xa̱a ñuu ivi yóꞌó, nditaxi na yeꞌe ndaꞌa naꞌa, na sáa ini xíni yeꞌe, ta na ikán chinuu yeꞌe ndaꞌa cruzin nuu kuvi i ―káchi Jesús xiꞌin nda ítaꞌan xiꞌin ra.

San Mateo 26:47

Saa káꞌan ka ra, ta ndi̱xaa ra Judas taꞌan nda uxi uvi ítaꞌan xiꞌin ra ku ra. Kuaꞌa ni naꞌa ndi̱xaa xiꞌin ra ikán, ta ndíso na i̱chi ndi̱xaa na, saa ndíso tu na carroti va ndi̱xaa xiꞌin na. Na xikuaꞌa nuu na judío xiꞌin nda naꞌnu nuu sutu ku nda ti̱ꞌvi nda ikán kuaꞌan nda tiin nda Jesús.

San Mateo 27:3

Tá xi̱ni ra Judas, ra ndi̱xiko vata Jesús, ya chi̱taꞌan tuꞌun nda kaꞌni ñaꞌa nda. Saa ku̱chiꞌña ni ini ra xaꞌa ya ndi̱xiko vata ñaꞌa ra. Ñaa ke̱e ra ndi̱xaꞌan ra si̱ndiko koo ra oko uxi xuꞌun ya plata ndaꞌa nda xikuaꞌa xiꞌin nda sutu nda ínuu nuu nda sutu ikán.

San Marcos 14:10

Saa ku̱u ke̱ta ra Judas Iscariote, iin ra ítaꞌan xiꞌin Jesús, ke̱e ra kuaꞌan ra nuu nda sutu naꞌnu kaꞌan ra xiꞌin nda ya ndixiko ra Jesús nuu nda.

San Marcos 14:43

Saa káꞌan ka ra xiꞌin nda ítaꞌan xiꞌin ra, ñaa ndi̱xaa ra Judas taꞌan nda uxi uvi xi̱taꞌan xiꞌin ra, ta kuaꞌa ni naꞌa ndáka ra ndi̱xaa xiꞌin ra, ta níꞌi na ikán i̱chi̱ tin itun carroti ndi̱xaa na xiꞌin ra. Ta nda sutu naꞌnu nuu sutu, xiꞌin nda maestro nda sínaꞌa ley Ndioxi tin na xikuaꞌa nuu na Israel, nda ikán ku nda ti̱ꞌvi naꞌa kuaꞌan na xiꞌin ra Judas.

San Lucas 22:3

Ta ndi̱kiꞌvi kiti nǎꞌa, kiti Satanás ini ra náni Judas ta náni tu ra Iscariote va, taꞌan iin nda uxi uvi ítaꞌan xiꞌin Jesús ku ra.

San Lucas 22:47

Saa káꞌan ka Jesús xiꞌin nda ítaꞌan xiꞌin ra, ta xa̱a iin taꞌnda chee naꞌa nuu ra. Iin ra ítaꞌan xiꞌin Jesús ra náni Judas Iscariote ku ra ínuu nuu nda ndi̱xaa nda. Saa ku̱yati ra chu̱tu ra nuu Jesús ya chíndee ñaꞌa ra.

San Juan 13:2

Saa ku̱u ndi̱kunduꞌu Jesús kuxini ra xiꞌin nda ítaꞌan xiꞌin ra, ta xa sikaꞌán va kiti nǎꞌa ini ra Judas Iscariote seꞌe ra Simón, ya ná nditaxi ra Jesús ndaꞌa na sáa ini xíni ra.

San Juan 6:64

Sundi íyo sava ndo köo kándixa tuꞌun ya káꞌan i ―káchi Jesús xiꞌin na. Káꞌan ra saa chi nda xaꞌa vi ku̱ndaa ini ra, unku na köo kándixa ñaꞌa, ta ndá taa ku ra nditaxi ñaꞌa ndaꞌa na sáa ini xíni ra.

San Juan 6:71

Ta xaꞌa ra Judas Iscariote seꞌe ra Simón kua ndi̱kaꞌan ra, saa chi xiꞌin nda ítaꞌan xiꞌin ra kua ndíkaa ra ikán, ta ra ikán ku ra nditaxi ñaꞌa ndaꞌa na sáa ini xíni ra.

Los Hechos 1:13

Saa tá ndi̱xaa nda ñuu Jerusalén, ta nda̱a nda piso ni̱nu̱ nuu ndóo nda. Ta nda ndi̱xaa ikán ku nda, kúu ra Pedro, tin ra Jacobo, xiꞌin ra Juan, inka ra Andrés, tin ra Felipe, xiꞌin ra Tomás, tin ra Bartolomé, xiꞌin ra Mateo, tin ra Jacobo seꞌe ra Alfeo, inka ra Simón ra Zelote ra ka̱nitaꞌan xiꞌin na chiñu nuu gobierno ndi̱xiyo ra ikán, tin inka ra Judas ñani ra Jacobo.

Los Hechos 1:25

ndikiꞌin chiñu taꞌan ya i̱kan ra Judas, ra xi̱taꞌan xiꞌin nde, chi ra ikán ta si̱ndoo ra chiñu ya ta̱xi un ndaꞌa ra, ndi̱xiꞌi ra xaꞌa kuachi ra. Yakan kuaꞌan ra nuu xíniñuꞌu ra kuꞌun ra ―káchi nda xiꞌin Ndioxi.