San Mateo 10:37 - Xochapa Mixteco

³⁷ ’Ndiꞌi naꞌa, na kúni kuꞌun ichí i, xíniñuꞌu na kuꞌvi ni ka ini na kuni na yeꞌe nuu na veꞌe na. Saa tu naꞌa, na kúꞌvi ni ka ini xíni iva na, án siꞌí na, án seꞌe taa na, án seꞌe síꞌi na, ta na yóꞌó ta küvi kundikun na yeꞌe.

San Mateo 10:37 Mawu Ofanana

San Mateo 22:37

Saa ndi̱kuiin Jesús, káchi ra saa: ―Ley ya xíniñuꞌu ni ka kua yóꞌó: “Kuꞌvi ini yo kuni yo Ndioxi xiꞌin ndiꞌi nima yo, xiꞌin ndiꞌi ya vaꞌa yo, xiꞌin ndiꞌi ya xínituni yo”.

San Mateo 22:8

Saa ndi̱kaꞌan ra xiꞌin nda xáa chiñu nuu ra, káchi ra saa: “Xa íyo nduvi ndiꞌi ñaꞌa kuniñuꞌu yo kuxi na viko tíndaꞌa, ta na ka̱na i kixi kuxi, ta köo ndi̱xiin na kixi na chi köo ichí na kuxi na xiꞌin yo xaꞌa ya kini ni na.

San Lucas 14:26

―Tá tu ndá ndóꞌo̱ kúni kundikun yeꞌe, ta xíniñuꞌu ni ka ndo kuꞌvi ini ndo kuni ndo yeꞌe nuu tata ndo xiꞌin siꞌí ndo tin yá síꞌi ndo xiꞌin seꞌe ndo, saa tu ñani va ndo xiꞌin kuꞌva ndo. Nda ni mií ndo ta xíniñuꞌu ndo koo ndúvi ndo ndoꞌo ndo xaꞌa i. Tá tu köo xáꞌa ndee ini ndo ikan ndo ya yóꞌó, ta küvi kundikun ndo yeꞌe.

San Lucas 20:35

Sundi na kúu mií ichí, na ndi̱niꞌi taꞌvi kutaku kivi ikán, ta köo ka naꞌa tindaꞌa ni täxi na seꞌe na tindaꞌa ka na.

San Lucas 21:36

Xíniñuꞌu ndo koo nduvi ndo, ndinuni kaꞌan ndo xiꞌin Ndioxi ndiꞌi saa tiempo ya ná ndöꞌo ndo saa, ta kuchiñu ndo kaku ndo nuu ndiꞌi tindoꞌo ya vaxi ñuu ivi. Ta saa kuchiñu ndo kundita ndo ndikuiso ndo yeꞌe, Ra xa̱a ñuu ivi yóꞌó ―káchi Jesús xiꞌin na.

San Juan 5:23

chi kúni Ndioxi ya ná xaa toꞌo ndiꞌi na Seꞌe ra, tá kuꞌva xáa toꞌo na mií ra, saa ná xaa toꞌo na Seꞌe ra. Saa chi ndiꞌi na köo xíin xaa toꞌo Seꞌe ra, ta kúni kachi ya köo xáa toꞌo na Iva ra, ra ti̱ꞌvi ra vaxi.

El Apocalipsis 3:4

Vani saa íkan ndo, ta saa ni íyo sava ndo ñuu Sardis kándixa ni yeꞌe, ta ndóꞌo̱ ku ndo íin tá íin naꞌa, na yaa ni toto ndíxi, na köo xáa yakua toto, yakan ndóꞌo̱ ta kúu mií ndo ichí kaka ndo xiꞌin i nuu ndivi, xaꞌa ya xáa súvi ni ndo ya kúni Ndioxi.