San Mateo 10:28 - Xochapa Mixteco

²⁸ Ku ïꞌvi ndo nuu naꞌa, na kúni kaꞌni ndóꞌo̱, chi küchiñu na kaꞌni na ya vaꞌa ndo. Sundi ku íꞌvi ndo nuu Ndioxi ra kuchiñu sindiꞌi xaꞌa ikin kuñu ndo xiꞌin ya vaꞌa ndo kuꞌun ya ndaya.

San Mateo 10:28 Mawu Ofanana

San Mateo 10:26

Saa ndi̱kaꞌan tuku Jesús, káchi ra saa: ―Xaꞌa ya ñaa kua ku ïꞌvi ndo nuu naꞌa, na káꞌan väꞌa xiꞌin ndo. Xíniñuꞌu ndo kaꞌan ndoso ndo xaꞌa i xiꞌin na, chi tá íyo ya sěꞌe, saa íyo tuꞌun ya vaꞌa xaꞌa i. Ta nda iin ya vaꞌa ndíkaa sěꞌe küvi koo sěꞌe ya ndiꞌi saa kivi, chi xíniñuꞌu ndituvi ya.

San Mateo 25:46

Ta saa kuꞌun na nuu tixuꞌvi ni na ndiꞌi saa kivi ya vaxi, ta na vaꞌa, na xáa súvi ya kúni Ndioxi ta kuꞌun na nuu kutaku na xiꞌin Ndioxi ndiꞌi saa kivi ya vaxi ―káchi Jesús xiꞌin na.

San Mateo 5:22

Ta vitin káꞌan yeꞌe xiꞌin ndo, tá ndá ndóꞌo̱ sáa ni ini xíni ndo ñani ndo, ta ndóꞌo̱ ta ìyo ni kixi tindoꞌo nuu ndo. Tá ndá ndóꞌo̱ káꞌan xiꞌin ñani ndo, ra kíꞌvi ku ra káchi ndo, ta ndóꞌo̱ ndíso ndo kuachi nuu na chiñu naꞌnu ni. Tá ndá ndóꞌo̱ távi chiꞌña ñani ndo, ta ìyo ni kuꞌun ndo ndaya nuu xíxi ñu̱ꞌu̱ xaꞌa ya káꞌan ndo saa.

San Juan 5:29

Ta ndiꞌi na i̱kan ya vaꞌa ta nditaku na koo na xiꞌin Ndioxi ndiꞌi saa kivi, ta ndiꞌi na i̱kan ya väꞌa ta nditaku na kuꞌun na nuu ndoꞌo ni na ―káchi Jesús xiꞌin nda.

Los Hechos 21:13

Ta ndi̱kuiin ra, káchi ra saa: ―Küaku ndo chi nda yeꞌe kúchiꞌña ini íkan ndo. Tá ti̱in na yeꞌe ka̱tun na, ta vaꞌa ná tiin va na yeꞌe, chi yeꞌe ta xa íyo tuꞌva i kundoꞌo i xaꞌa Tata yo Jesús, vani kaꞌni na yeꞌe xaꞌa va ra ―káchi ra xiꞌin na.

HEBREOS 10:31

¡Ta yáꞌa ni ndee tindoꞌo kixi nuu yo ikan Iva yo Ndioxi, ra táku, tá ná nditaꞌan ra yoo íkan yo ya väꞌa!

HEBREOS 11:35

Xaꞌa ya xi̱ndaa ni ini ná síꞌi xi̱ni ná Ndioxi yakan vaꞌa ndi̱taku na veꞌe ná, na xa ndi̱xiꞌi. Ta sava naꞌa ndee ni ndi̱xuꞌvi, vani saa ndo̱ꞌo na, ta xaꞌa ya xi̱ndaa ni ini na xi̱ni na Ndioxi, yakan vaꞌa ndi̱xaꞌa ndee ni ini na ndo̱ꞌo na saa, chi ku̱ni na ikán nditaku na koo na inka ivi nuu vaꞌa ni káa.

Santiago 4:12

Chi iindaa mií va Ndioxi ku ra chi̱nduꞌu ley ra, yakan iindaa mií ra ku ra kúu mií ichí ya xaa nani ra kuachi xiꞌin naꞌa, chi íyo ichí ra ya sikaku ra na, ta íyo ichí ra ya sindiꞌi xaꞌa ra na. Yakan ndóꞌo̱ ta köo ichí ndo kaꞌan ndo xaꞌa na taꞌan ndo ya íyo kuachi na.

1 Pedro 3:14

Tá tu ndóꞌo ni ndo xaꞌa ya íkan ndo ya vaꞌa, ta kusini ni ndo, chi ndóꞌo̱ ta ndo vaꞌa ni kée va ndo ku ndo. Ta kündiꞌi ini ndo, ni ku ïꞌvi ndo nuu na xáa nduvaꞌa xiꞌin ndo.

El Apocalipsis 2:10

Ta ndóꞌo̱ ku ïꞌvi ndo nuu tindoꞌo ya uꞌvi ni vaxi nuu ndo. Saa chi íyo naꞌa, na kúni xaa súvi ya kúni kiti nǎꞌa án kiti Timiaꞌa, kiti Satanás. Tiin na sava ndóꞌo̱ taan na veꞌe kàà, nuu koto ndoso na ndóꞌo̱ án ya ndixa kua kándixa ndo yeꞌe. Ta ndoꞌo ni ndo uxi kivi. Ta káꞌan ni i xiꞌin ndo ya ná síndikoo ndo ichí i, ndinuꞌu ni ini ndo kandixa ndo yeꞌe, nda kivi tá ná kuvi ndo. Saa ndikiꞌin ndo ya vaꞌa taxi i ndaꞌa ndo nuu kutaku ndo xiꞌin i ndiꞌi saa kivi ya vaxi.