San Mateo 10:27 - Xochapa Mixteco

²⁷ Yakan ndóꞌo̱ ta ya káꞌan i xiꞌin ndo nuu naá, ta ndituꞌun ndo ya xiꞌin naꞌa nduvi teꞌe. Saa ya káꞌan yaa i xiꞌin ndo xaꞌa soꞌo ndo, ta vaꞌa ndaa ndo xiní veꞌe kaꞌan ndo ya xiꞌin ndiꞌi naꞌa, ya ná kundaa ini ndiꞌi ni kúu na.

San Mateo 10:27 Mawu Ofanana

San Mateo 24:17

Ta na ndóso sata veꞌe na, ta ná nüu ka na tava na ñaꞌa ini veꞌe na.

San Lucas 12:3

Yakan kua ndiꞌi ya káꞌan ndo nuu naá ta ndituvi ndiꞌi ya nuu yéꞌe̱ ya kuni naꞌa, saa tu ndiꞌi ya káꞌan yaá ndo xaꞌa soꞌo na ini veꞌe ndo, ta vaxi kivi ndaa naꞌa xiní veꞌe kaꞌan koꞌó na ya kuni soꞌo ndiꞌi naꞌa ―káchi Jesús xiꞌin nda ítaꞌan xiꞌin ra.

San Lucas 8:10

Ñaa ndi̱kuiin Jesús ndi̱kaꞌan ra xiꞌin nda, káchi ra saa: ―Ndioxi táxi ra kundaa ini ndo ya sêꞌe ndá kuꞌva xáꞌnda chiñu ra. Ta inka na ta xiꞌin tuꞌun ndíchi káꞌan i xiꞌin na, yakan ni xíto na tin xíni soꞌo na ta ni köo xíin na kundaa ini na ―káchi Jesús xiꞌin nda.

San Juan 16:1

Saa ndi̱kaꞌan ka Jesús káchi ra saa: ―Ndiꞌi ya yóꞌó ndi̱kaꞌan i xiꞌin ndo ya ná ndïko koo ini ndo ya kuaꞌan ndo ichí i.

San Juan 16:13

Tá ná kixi Tachi I̱í Ndioxi saa chindee ya ndóꞌo̱ kaꞌan ya xiꞌin ndo unkua ku ya ndaa, ta sinaꞌa teꞌe ya ndóꞌo̱ ndá kuꞌva kundikun ndo ichí ya ndaa. Ta ya sinaꞌa ya ndóꞌo̱ ta süvi kuenta mií ya kua kaꞌan ya xiꞌin ndo, sundi kaꞌan ya xiꞌin ndo xaꞌa tuꞌun ya xíni soꞌo ya káꞌan Ndioxi. Ta saa ndituꞌun ya xiꞌin ndo xaꞌa ndiꞌi ya kuu kivi vaxi.

San Juan 16:25

’Nda kivi vitin káꞌan i xiꞌin ndo xaꞌa tuꞌun ndíchi, sundi vaxi kivi ta käꞌan ka i saa xiꞌin ndo, kaꞌan teꞌe i xiꞌin ndo xaꞌa Iva i.

San Juan 16:29

Saa ndi̱kuiin nda káchi nda saa: ―Vitin ta köo xíniñuꞌu ka un inka tuꞌun ya sinaꞌa un ndeꞌe. Káꞌan teꞌe un xiꞌin nde.

Los Hechos 17:17

Xaꞌa ya ikán kua káꞌan ni ra xiꞌin na ndíkitaꞌan ini veꞌe ñuꞌu sinagoga na judío xiꞌin na káñuꞌu ni Ndioxi. Ta ndiꞌi saa kivi kuaꞌan ra ndítuꞌun ra xiꞌin na ndíkitaꞌan xiꞌin ra nuu yaꞌvi.

Los Hechos 5:20

―Kuáꞌan ndo keꞌe veꞌe ñuꞌu kaꞌnu, kaꞌan ndoso ndo tuꞌun vaꞌa xaꞌa Jesús xiꞌin naꞌa ya ná kundaa ini na kundikun na Jesús, ta saa kuchiñu na koo na tá kuꞌva káꞌan Ndioxi ―káchi tatun Ndioxi xiꞌin nda.

Los Hechos 5:28

―Xa ndi̱kaꞌan teꞌe nde xiꞌin ndo ya ná käꞌan ka ndo xaꞌa kivi ra náni Jesús ñaa. ¿Ta ndachu soꞌo ni ndo? Köo xíin ndo kuni soꞌo ndo ya ndi̱kaꞌan nde xiꞌin ndo. Chi xa kuaꞌa ni na ndóo Jerusalén yóꞌó sáka ndo xiní xiꞌin ya sínaꞌa ndo ta chíkaa ka ndo kuachi ndeꞌe xa̱ꞌni nde ra Jesús ñaa ―káchi ra xiꞌin nda.

2 Corintios 3:12

Ta xa kúndaa teꞌe ini nde xaꞌa ya saa íyo ya, yakan kua ndee ni vaꞌa ndítuꞌun teꞌe nde xiꞌin ndo.