San Mateo 10:25 - Xochapa Mixteco

²⁵ Ta ra síkuaꞌa ta kuchiñu ra nduu ra tá kuꞌva káa maestro ra, ta ra moso kuchiñu ra nduu ra tá kuꞌva káa patrón ra. Ta saa ndóꞌo̱, tá kuꞌva ndóꞌo i saa ndoꞌo ndo, tá káꞌan na xiꞌin i saa kaꞌan na xiꞌin ndo, chi yeꞌe ta ndi̱kaꞌan na xaꞌa i ya náni i Beelzebú, ta ndisaa ka vi ndóꞌo̱ ndíkun sata i, kuaꞌa ni ya kaꞌan na xaꞌa ndo, xaꞌa ya ndíkun ndo yeꞌe ―káchi Jesús xiꞌin nda ítaꞌan xiꞌin ra.

San Mateo 10:25 Mawu Ofanana

San Mateo 12:24

Saa xi̱ni soꞌo nda fariseo ya ndi̱kaꞌan na ikán, ta xa̱á nda káꞌan nda, káchi nda saa: ―Xiꞌin ndee kiti Belzebú, kiti ínuu nuu ndiꞌi tachi nduvaꞌa íyo xiꞌin va ra kua táva ra tachi nduvaꞌa kúu mií naꞌa ―káchi nda fariseo.

San Mateo 12:27

Saa káꞌan ndo: xiꞌin ndee kiti nǎꞌa ri ínuu nuu ndiꞌi tachi nduvaꞌa táva i tachi nduvaꞌa, káchi ndo. Tá tu ya ndixa ku ya ndíkani ini ndo saa íkan i, ta na ndíkun sata mií ndo ¿unku táxi ndee ndaꞌa na táva na tachi nduvaꞌa? Chi káꞌan na süvi xiꞌin ndee kiti nǎꞌa táva na tachi nduvaꞌa, káchi na. Vaxi kivi ta na ñaa ku na taxi kuachi xaꞌa ndo, xaꞌa ya káꞌan ndo saa.

San Mateo 9:34

Saa tu nda fariseo, nda xi̱ni ya ndu̱vaꞌa ra meꞌme ikán káchi nda saa: ―Xiꞌin ndee kiti nǎꞌa, kiti ínuu nuu ndiꞌi tachi nduvaꞌa va ta̱va ra tachi kúu mií ra yóꞌó ―káchi nda.

San Marcos 10:39

Saa ndi̱kuiin nda káꞌan nda: ―Kuchiñu va nde ―káchi nda. Saa ndi̱kaꞌan ra xiꞌin nda, káchi ra saa: ―Ya ndaa kua ndoꞌo ni ndo tá kuꞌva ndoꞌo i,

San Marcos 3:22

Saa káꞌan tu nda maestro, nda sínaꞌa ley Ndioxi ya ta̱a ra Moisés, nda ke̱e ñuu Jerusalén, kánaꞌa nda xaꞌa Jesús, káchi nda saa: ―Ndee kiti Beelzebú, kiti nǎꞌa ínuu nuu ndiꞌi tachi nduvaꞌa, ndee ri ikán kua kúu mií ra táva ra tachi nduvaꞌa kúu mií naꞌa ―káchi nda.

San Lucas 11:15

Sava na xa̱á kánaꞌa na xaꞌa Jesús, káchi na saa: ―Xiꞌin ndee kiti nǎꞌa, kiti náni Beelzebú kiti chee nuu ndiꞌi tachi nduvaꞌa, xiꞌin ndee ri ikán kua ta̱va ra tachi nduvaꞌa ya ndo̱ꞌo ra yóꞌó ―káchi na.

San Lucas 11:18

Ta saa tu kiti nǎꞌa va, kiti náni Satanás, tá ná kani taꞌan ri xiꞌin taꞌan mií ri, taꞌvi taꞌan ri, ta kama ni va ndiꞌi xaꞌa ichí ya xáꞌnda chiñu ri. Yakan süvi ya ndaa kua ndíkani ini ndo xaꞌa i, táva i tachi nduvaꞌa xiꞌin ndee kiti nǎꞌa.

San Lucas 11:19

¿Án kúu mií i ndee kiti nǎꞌa táva i tachi nduvaꞌa, túvi ndo? ¿Ta unku na táxi ndee ndaꞌa na ndíkun sata mií ndo ya táva na tachi nduvaꞌa? Vaxi iin kivi ta na ndíkun sata mií ndo ku na taxi kuachi xaꞌa ndo.

San Juan 10:20

Kuaꞌa ni na káꞌan, káchi na saa: ―Küni soꞌo ndo ya káꞌan ra, tachi nduvaꞌa kúu mií ra yakan ndu̱kiꞌvi ra ―káchi na.

San Juan 7:20

Saa ndi̱kuiin ndiꞌi na káꞌan na, káchi na saa: ―Tachi nduvaꞌa kúu mií un. ¿Unku na káꞌan kaꞌni yóꞌo̱ ra? ―káchi na xiꞌin ra.

San Juan 8:48

Saa ndi̱kaꞌan nda naꞌnu nuu na judío xiꞌin ra káchi nda saa: ―Xíni vaꞌa nde ndi̱kaꞌan nde xiꞌin un ya ke̱e un ñuu Samaria, ta kúu mií un tachi nduvaꞌa ―káchi nda xiꞌin ra.

San Juan 8:52

Saa ndi̱kuiin nda naꞌnu nuu na judío, káꞌan nda, káchi nda saa: ―Ya ndaa ni ndixa káꞌan nde xiꞌin un, kúu mií un tachi nduvaꞌa. Chi ra Abraham ta ndi̱xiꞌi ra, ta saa ndi̱xiꞌi ndiꞌi tu nda ndi̱kaꞌan ndoso tuꞌun yuꞌu Ndioxi va, ta yóꞌo̱ káꞌan un: “Ndiꞌi na xáa súvi tuꞌun ya káꞌan i ta küvi na”, káchi un.