San Mateo 10:23 - Xochapa Mixteco

²³ Tá sítixuꞌvi na ndóꞌo̱ iin ñuu, ta kana koo ndo kuꞌun ndo inka ñuu. Ya ndixa káꞌan i xiꞌin ndo, täꞌan ka vi sindiꞌi ndo ndikani ndo tuꞌun Ndioxi nuu ndiꞌi na ñuu Israel ta yeꞌe, Taa ra xa̱a ñuu ivi yóꞌó ta xa ndiko koo tuku va i ñuu ivi yóꞌó.

San Mateo 10:23 Mawu Ofanana

San Mateo 16:27

Ta yeꞌe, Taa ra xa̱a ñuu ivi yóꞌó, vaxi kivi ndiko koo i ñuu ivi yóꞌó xiꞌin ndee ya vaꞌa Iva i Ndioxi, ta kixi na tatun ra xiꞌin i, ta saa chaꞌvi i iin iin na xaꞌa ya vaꞌa án ya väꞌa i̱kan na ñuu ivi yóꞌó.

San Mateo 16:28

Ya ndaa káꞌan i xiꞌin ndo, sava ndo ndóo yóꞌó vitin, ta kutaku ka ndo nda kivi tá ná ndiko koo yeꞌe, Taa ra xa̱a ñuu ivi yóꞌó, ndiko koo i ya kaꞌnda chiñu i ―káchi Jesús.

San Mateo 2:13

Tá ke̱e nda ndíchi ikán kuanuꞌu nda, ta ñǔu saa ndi̱kixi ra José, saa ndi̱xani ra ndi̱tuvi iin tatun ke̱e nuu Ndioxi nuu ra káꞌan ya xiꞌin ra, káchi ya saa: ―Kuándikoo, ta ndikiꞌin un ra loꞌo kuꞌun xiꞌin un xiꞌin siꞌí ra, ta kama ni koo ndo kunu ndo kuꞌun ndo xiꞌin ra ñuu Egipto. Ikán koo ndo nda kivi ná kaꞌan i xiꞌin ndo, saa ndiko koo ndo, saa chi ndinduku ra rey Herodes ra loꞌo, chi kúni ra kaꞌni ñaꞌa ra ―káchi tatun Ndioxi ikán xiꞌin ra José.

San Mateo 23:34

Saa káꞌan i xiꞌin ndo, chi yeꞌe ta tiꞌvi i nda profeta nda kaꞌan ndoso tuꞌun i, saa tiꞌvi tu i nda ndíchi, xiꞌin nda sinaꞌa tuꞌun i kaꞌan nda xiꞌin ndo. Ta ndóꞌo̱ kaꞌni ndo sava nda ikán, ta inka nda katikaa ndo ndaꞌa cruzin kuvi nda. Ta sava nda xaa nduvaꞌa ni ndo xiꞌin kani ni ndo nda ini veꞌe ñuꞌu sinagoga, ta sava nda kundikun ndo sata nda xaa nduvaꞌa ndo xiꞌin nda tá iin tá iin ñuu.

San Mateo 23:36

Ta ndixa káꞌan i xiꞌin ndo sata mií ndo ndikava ndiꞌi kuachi, xaꞌa nií ndiꞌi nda vaꞌa ikán ―káchi Jesús xiꞌin nda sínaꞌa ley Ndioxi tin nda fariseo.

San Mateo 24:27

Tá ná ndiko koo yeꞌe Taa ra xa̱a ñuu ivi yóꞌó, ta tá kuꞌva ndíyeꞌe taxan nuu ndivi iin ndíyeꞌe ndaa yaa nuu kéta ñu̱ꞌù iin saa nda nuu kěta ya, saa kuu kivi tá ná ndiko koo i, ndiꞌi ni kúu naꞌa kuni ndiko koo i.

San Mateo 24:30

Ta ndiꞌi naꞌa kuni na koo seña nuu ndivi ya ndiko koo yeꞌe, Taa ra xa̱a ñuu ivi yóꞌó, saa kuaku ni na ñuu ivi yóꞌó, kusuchi ni ini na. Ta ndiꞌi naꞌa kuni na yeꞌe kixi i xiꞌin viko, kixi i xiꞌin ndee chee ni xiꞌin ndiꞌi ya yéꞌe̱ ni.

San Mateo 24:34

Ya ndaa káꞌan i xiꞌin ndo, naꞌa na táku xíto ya xa̱á seña yóꞌó, ta kutaku ka na nda kivi tá ná xinu ndiꞌi ya ndi̱tuꞌun i xiꞌin ndo.

San Mateo 24:48

Sundi tá tu iin moso ra iku ini ku ra, ñaa xa̱á ra ndikani ini ra, kachi ra saa: “Ni ndïko koo yachi xitoꞌo yo”, kachi ra.

San Mateo 25:13

Saa ndi̱kaꞌan ka ra xiꞌin nda, káchi ra: ―Saa ndóꞌo̱, kundoo tuꞌva ndo chi köo xíni ndo ndá kivi kua, ni ndá hora kua ndiko koo yeꞌe Taa ra xa̱a ñuu ivi yóꞌó ―káchi ra xiꞌin nda.

San Mateo 26:64

Saa ndi̱kuiin Jesús káꞌan ra: ―Tá íyo ya ndi̱kaꞌan un saa íyo ya, ikán ku i. Ta káꞌan tuku i xiꞌin ndo, vaxi kivi ta kuni ndo yeꞌe, Taa ra xa̱a ñuu ivi yóꞌó koo i nuu tai toꞌo, itun íyo ñaꞌñu kuáꞌá Ndioxi, ta ndee ni ndee kúu mií ra. Saa kuni ndo yeꞌe ndiko koo i kixi i tañu viko nuu ndivi ―káchi Jesús xiꞌin nda.

San Mateo 4:12

Tá xi̱ni soꞌo Jesús ya chi̱kaa na ra Juan veꞌe kàà, ta saa ndi̱ko koo ra kuanuꞌu ra chí Galilea.

San Marcos 13:26

Tá ndiꞌi ikán, saa kuni ndiꞌi na ivi yeꞌe, ra Taa ra xa̱a ñuu ivi yóꞌó, kuni na kixi i xiꞌin viko, ta ndee ni ndee koo i kixi i, iin ndiyeꞌe ndaa ndiꞌi, chi kixi ndiꞌi ndee i xiꞌin i.

San Lucas 18:8

Kama ni va ndikuiin Ndioxi yuꞌu na chindee ra na. Sundi tá ná ndiko koo yeꞌe Taa ra xa̱a ñuu ivi yóꞌó, ta köo xíni i ¿án koo ka na ndáa ni ini xíni yeꞌe? ―káchi Jesús xiꞌin nda ítaꞌan xiꞌin ra.

San Lucas 21:27

Tá sindiꞌi ikán, saa kuni ndiꞌi naꞌa yeꞌe, Taa ra xa̱a ñuu ivi yóꞌó, kuni na ndiko koo i kixi i xiꞌin viko kixi i, ta ndee ni koo ya yéꞌe̱ ná kixi i. Nda tá káa iin ra rey, ra chee, saa koo i kixi i, chi kixi ndee Ndioxi xiꞌin i.

San Juan 7:1

Tá ndiꞌi ndi̱yaꞌa tiempo, saa xa̱á xíka Jesús ñuu ya ñúꞌu estado Galilea, ta xïin ka ra kaka ra estado Judea chi nda naꞌnu nuu na judío ta ndúku nda kaꞌni ñaꞌa nda.

Los Hechos 17:10

Saa ndikun ta̱va ñǔu na ndíkun Jesús ra Pablo xiꞌin ra Silas, ta̱va na nda kuaꞌan nda, nda ñuu Berea. Tá ndi̱xaa soꞌva nda, ta ndi̱kiꞌvi nda ini veꞌe ñuꞌu sinagoga na judío ya íin mi ñuu ikán.

Los Hechos 17:14

Ta kama ni ti̱ꞌvi na ndíkun Jesús ra Pablo ke̱e ra kuaꞌan ra inka ñaꞌñu chí nuu ndíkaa nduta ñûꞌu. Ta ndi̱ndoo ra Silas xiꞌin ra Timoteo ñuu Berea ikán.

Los Hechos 20:1

Sindiꞌi tá xi̱kuiin kuachi ñuu Éfeso ikán, ta saa ka̱na ra Pablo ndiꞌi na kándixa Jesús, xáꞌa ra ndee xiꞌin na. Saa nu̱mi ra na ta ndi̱kaꞌan ndioxi ra xiꞌin na, saa ke̱e ra kuaꞌan ra chí estado Macedonia.

Los Hechos 8:1

Saa tu ra Saulo va ndi̱xiyo yuꞌu ra xiꞌin na xa̱ꞌni ra Esteban. Tá ndi̱xiꞌi ra saa ku nuu xa̱á tíxuꞌvi ni na ndíkun Jesús ndóo ñuu Jerusalén, xaꞌa ya ikán kua ndi̱xita yava ndiꞌi na kuaꞌan na. Sava na kuaꞌan ñuu Judea xiꞌin ñuu Samaria, siin nda apóstol ku nda ndi̱ndoo ñuu Jerusalén.