San Mateo 10:20 - Xochapa Mixteco

²⁰ Süvi tuꞌun vaxi xiní mií ndo kua kaꞌan ndo xiꞌin na, chi tuꞌun Tachi I̱í mií Iva yo Ndioxi kua kaꞌan ndo xiꞌin na.

San Mateo 10:20 Mawu Ofanana

San Mateo 6:32

Naꞌa, na köo xíni Ndioxi ku na ndíꞌi ni ini xaꞌa taꞌan ñaꞌa yóꞌó. Ta ndóꞌo̱, ta kündiꞌi ini ndo xaꞌa ya yóꞌó. Saa chi Iva ndo ra íyo nuu ndivi ta xa xíni ra unkua xíniñuꞌu ndo.

San Marcos 12:36

Ta suvi Tachi I̱í Ndioxi si̱kaꞌán ini xii sikua yo ra David ta̱a ra tuꞌun, káchi saa: Soꞌva káchi Iva i Ndioxi xiꞌin Tata i ra chee, káchi ra saa: “Naꞌa koo un ñaꞌñu kuáꞌá i nuu tai toꞌo yóꞌó. Yóꞌó koo un xiꞌin i ndakua ná sindiꞌi xaꞌa ndiꞌi i na sáa ini xíni yóꞌo̱, káchi Ndioxi, káchi ya ta̱a ra David xinaꞌa.

San Lucas 11:13

Ndóꞌo̱ vani väꞌa ivi ku ndo, ta köo táxi ndo ñaꞌa väꞌa ndaꞌa seꞌe ndo, ñaꞌa vaꞌa táxi ndo ndaꞌa na. Ta ndisaa ka vi Iva ndo Ndioxi ra íyo nuu ndivi taxi ra ya vaꞌa ndaꞌa ndo, taxi ra Tachi ra ndaꞌa ndo, tá tu ná kaꞌan ndo xiꞌin ra nduku ndo ya nuu ra ―káchi Jesús xiꞌin nda ítaꞌan xiꞌin ra.

San Lucas 12:12

saa chi suvi mií Tachi I̱í Ndioxi kua taxi tuꞌun ndaꞌa ndo kaꞌan ndo xiꞌin na ―káchi Jesús.

San Lucas 21:15

chi mií i chindee ndóꞌo̱, taxi i tuꞌun ndaꞌa ndo kaꞌan ndo xiꞌin na. Ndíchi ni koo tuꞌun taxi i ndaꞌa ndo kaꞌan ndo xiꞌin na ta ni küchiñu na ndikuiin na yuꞌu ndo, chi vaꞌa ni kaꞌan ndo.

Los Hechos 13:9

Ta ndee ni íyo Tachi I̱í Ndioxi xiꞌin ra Saulo, ra káꞌan na xiꞌin Pablo, saa ndi̱koto vaꞌa ra nuu ra Elimas.

Los Hechos 2:4

Ta Tachi I̱í Ndioxi kua xa̱a sata iin iin na, ñaa xa̱á iin iin na káꞌan na inka nuu tuꞌun ya káꞌan na inka ñuu. Tá íyo ya ta̱xi Tachi I̱í Ndioxi ndaꞌa na kaꞌan na, saa íyo ya xa̱á na káꞌan na.

Los Hechos 28:25

Ta köo ndi̱xiyo yuꞌu sava na xiꞌin taꞌan na xaꞌa ya káꞌan ra Pablo, ñaa vaꞌa ka ka̱na koo na kuaꞌan na. Ta saa xa̱á ra Pablo káꞌan ra, káchi ra saa: ―Ya ndixa ni kua ndi̱kaꞌan Ndioxi xaꞌa ndo xinaꞌa xiꞌin xii sikua yo, chi xinaꞌa si̱kaꞌan Tachi I̱í Ndioxi ini ra Isaías ra ndi̱kaꞌan ndoso tuꞌun yuꞌu ra, ta̱a ra tuꞌun mií Ndioxi káchi ra saa:

Los Hechos 4:8

Ta ndee ni íyo Tachi Ndioxi xiꞌin ra Pedro, ta saa ndi̱kuiin ra káꞌan ra: ―Ndóꞌo̱ tata na chiñu nuu ñuu yo xiꞌin ndóꞌo tata na xikuaꞌa nuu yo Israel.

Los Hechos 6:10

Sundi köo ndíkuchiñu na xiꞌin ra saa chi ndíchi ni káꞌan ra xiꞌin na xaꞌa ya ndee ni íyo Tachi I̱í Ndioxi xiꞌin ra.

2 Corintios 13:3

Saa ikan i xiꞌin ndo xaa nani i kuachi ndo xiꞌin ndo chi kúni ndo kundaa ini ndo án ya ndixa kua ta̱xi Jesucristo ichí ndaꞌi i ya ndituꞌun i tuꞌun ra xiꞌin ndo. Chi ni mií Cristo ta köo íkan ra xiꞌin ndo tá kuꞌva íkan iin taa ra köo ndee kúu mií, yáꞌa ni va ndee kúu mií ra.

1 Tesalonicenses 2:13

Yakan ndiꞌi saa ichí táxi ni nde tixaꞌvi ndaꞌa Ndioxi xaꞌa ndo, saa chi kivi tá ndi̱kiꞌin ndo tuꞌun ra ya xi̱ni soꞌo ndo ndi̱kaꞌan nde xiꞌin ndo, ta ndi̱kuni ndo ya kúu ya tuꞌun Ndioxi chi süvi tuꞌun na ñuu ivi yóꞌó kua. Ta ya ndixa kua kúu ya tuꞌun Ndioxi, chi kúu mií ya ndee ndínama ya ndóꞌo̱ xaꞌa ya kándixa ndo ya.

1 Pedro 1:12

Ta ya ta̱xi Ndioxi ku̱ndaa ini nda ndi̱kaꞌan tuꞌun yuꞌu ra xaꞌa, ta süvi xaꞌa mií nda kua ndi̱kaꞌan ya, xaꞌa yoo kua ndi̱kaꞌan ya. Ta taꞌan ya ikán ku tuꞌun vaꞌa xaꞌa Tata yo Jesucristo ya ndi̱kaꞌan ndoso inka nda xiꞌin ndo tixin Tachi I̱í Ndioxi ya ke̱e nuu ndivi. Ta nda mií na tatun Ndioxi ta kútoo ni na kuni na ya vaꞌa ikan Ndioxi xiꞌin yo.

2 Pedro 1:21

Saa chi tuꞌun ya ta̱a nda ndi̱kaꞌan ndoso tuꞌun yuꞌu Ndioxi, ta süvi xiní mií nda ndíkana ya ta̱a nda, mií Tachi I̱í Ndioxi kua si̱ndikaꞌán ini nda xiꞌin ndiꞌi ya ta̱a nda.