San Mateo 10:2 - Xochapa Mixteco2 Ta ya yóꞌó ku kivi nda ikán, ra núnu̱ú ku ra Simón, ra káꞌan na xiꞌin Pedro xiꞌin ñani ra, ra Andrés, xiꞌin ra Jacobo xiꞌin ra Juan ñani ra, nda seꞌe ra Zebedeo ku uvi saa nda ikán. Onani mutuwo |
San Mateo 10:2
44 Mawu Ofanana
Yakan kua ndi̱kaꞌan Ndioxi tuꞌun ndíchi xaꞌa ndo, káchi ra saa: “Tiꞌvi i nda káꞌan ndoso tuꞌun yuꞌu i kuꞌun nda kaꞌan ndoso nda tuꞌun i xiꞌin na Israel. Tiꞌvi i nda ndi̱kaxin i xíka chiñu nuu i kuꞌun nda ndituꞌun nda xiꞌin na, ta sava nda kaꞌni ñaꞌa na, inka nda xaa nduvaꞌa ni na xiꞌin nda”, káchi Ndioxi xaꞌa ndo.
Saa tu ra Jacobo va xiꞌin ra Juan, nda seꞌe ra Zebedeo xiꞌin ra Símón, íꞌvi ka vi nda. Saa ndi̱kaꞌan Jesús xiꞌin ra Simón Pedro, káchi ra saa: ―Simón, ku ïꞌvi un, saa chi käꞌni ka un tiaka, taxi i inka chiñu ndaꞌa un, kivi vitin xáa chiñu ya taxi i ndaꞌa un, kuꞌun un ndikaya un naꞌa, ya kundikun na ichí Ndioxi ―káchi Jesús xiꞌin ra.
Saa ndi̱ko koo ra Pedro ndi̱koto ra sata ra, ta xi̱ni ra ndíkun inka ra xi̱taꞌan xiꞌin Jesús kuaꞌan ra sata ra. Ta ra ikán ku ra kúꞌvi ni ini Jesús xíni ra, ta suvi ra ikán ku ra ndi̱xiyo yati xiín Jesús tá ndóo nda xíxini nda nuu ndi̱ndakan tuꞌun ñaꞌa ra, káchi ra saa: “Tata, ¿unku ra ndixiko vata yóꞌo̱?”, ka̱chi ra xiꞌin Jesús.
Saa tá ndi̱xaa nda ñuu Jerusalén, ta nda̱a nda piso ni̱nu̱ nuu ndóo nda. Ta nda ndi̱xaa ikán ku nda, kúu ra Pedro, tin ra Jacobo, xiꞌin ra Juan, inka ra Andrés, tin ra Felipe, xiꞌin ra Tomás, tin ra Bartolomé, xiꞌin ra Mateo, tin ra Jacobo seꞌe ra Alfeo, inka ra Simón ra Zelote ra ka̱nitaꞌan xiꞌin na chiñu nuu gobierno ndi̱xiyo ra ikán, tin inka ra Judas ñani ra Jacobo.
Suvi mií tu ra ku ra ta̱xi ndee vaꞌa ndaꞌa naꞌa: Sava nda ndi̱niꞌi ndee vaꞌa ya kúu nda apóstol, ta sava na ndi̱niꞌi ndee vaꞌa ya kúu na, naꞌa na káꞌan tuꞌun yuꞌu Ndioxi, sava na ndi̱niꞌi ndee vaꞌa ya káꞌan ndoso na tuꞌun vaꞌa xaꞌa Tata yo Jesucristo, sava na ndi̱niꞌi ndee vaꞌa ya ndíso chiñu na xiꞌin na veꞌe ñuꞌu, ta sava na ndi̱niꞌi ndee vaꞌa ya kúu na maestro na sínaꞌa iví xaꞌa tuꞌun Ndioxi.
Yeꞌe Juan, ra xikuaꞌa nuu na veꞌe ñuꞌu ku ra táa tutu yóꞌó xaa ya ndaꞌa ndóꞌo̱ na veꞌe ñuꞌu, na ndi̱kaxin Iva yo Ndioxi. Saa xaa tu ya ndaꞌa na xa ndi̱kaꞌan ndo xiꞌin xaꞌa tuꞌun ra ya ndaa, chi ndóꞌo̱ ku ndo kúꞌvi ni ini i xíni i. Ta süvi ndisaa yeꞌe ku ra kúꞌvi ini xíni ndóꞌo̱, ndiꞌi na xa ku̱ndaa ini xaꞌa ya ndaa ku na kúꞌvi ini xíni ndóꞌo̱.
Ya yóꞌó kua si̱naꞌa Ndioxi nuu Jesucristo ya ná sinaꞌa ra ya nuu nda xi̱taꞌan xiꞌin ra xaꞌa ñaꞌa ya kama ni kuu, ya kundaa ini naꞌa xaꞌa ndiꞌi ñaꞌa ya ikan Ndioxi, chi kama ni ikan ra ya, sixinu ndiꞌi ra ya yóꞌó. Yakan ti̱ꞌvi Tata yo Jesucristo iin ra tatun Ndioxi ki̱xi ra si̱naꞌa ndiꞌi ra ya nuu yeꞌe Juan, ra xi̱taꞌan xiꞌin ra.
Yeꞌe Juan ñani ndo ku i, saa chi iin káchi kándixa yo Tata yo Jesucristo, ta ndóꞌo̱ xiꞌin yeꞌe ndíkun yo ichí nuu xáꞌnda chiñu Ndioxi. Xaꞌa ya iin ku yo xiꞌin taꞌan yo, ta iin káchi tíxuꞌvi ndiꞌi yo xiꞌin taꞌan yo, saa táxi Ndioxi ndee ra ndaꞌa yo, ya kúndee ini yo xiꞌin ya tíxuꞌvi yo. Xaꞌa ya ndi̱kaꞌan ndoso i tuꞌun Ndioxi ya si̱naꞌa Tata yo Jesucristo yeꞌe, yakan ti̱in na chiñu yeꞌe ndi̱xaꞌan na ndi̱ndaka na yeꞌe iku loꞌo ya Patmos, ya ndíkaa maꞌñu nduta ñûꞌu xaꞌa ya síndoꞌo ni na ini i.
Saa xi̱ni soꞌo i tuꞌun ya ndi̱kaꞌan iin na, káchi ya saa: Ndóꞌo̱ ndóo nuu ndivi nuu íyo Ndioxi, ¡ta kusini ni ndo! Saa kusini ni ndóꞌo̱ ndi̱kaxin Ndioxi xáa chiñu nuu ra. Saa ndóꞌo̱ káꞌan tuꞌun yuꞌu Ndioxi, ndo ndi̱kaꞌan ndoso tuꞌun ra, xiꞌin ndiꞌi ndóꞌo̱ na i̱í xaꞌa ya ndíkun ndo Ndioxi. ¡Vaꞌa kusini ni ndiꞌi ndo! Chi xa̱a súvi Ndioxi ya ndaa xaꞌa ndo.
Zotsatsa