San Mateo 10:16 - Xochapa Mixteco

¹⁶ Tiꞌvi i ndóꞌo̱ kuꞌun ndo ndikani ndo tuꞌun Ndioxi nuu naꞌa, ta ìyo ni kuꞌun ndo, nda tá ìyo kuaꞌan levo ñaꞌñu nuu íyo ni kiti ndivaꞌi, saa ìyo kuꞌun ndo tañu naꞌa. Tá kuꞌva íkan kiti ko̱ó, saa koo ndo, ndíchi vaꞌa koo ndo, saa tu tá kuꞌva íin kiti paloma köo kueꞌe ri, kuꞌva saa koo ndo.

San Mateo 10:16 Mawu Ofanana

San Mateo 24:25

Xa yachi ka ndítuꞌun i xiꞌin ndo, tá ná kuu saa ta kuenta ni koo ndo xiꞌin mií ndo.

San Mateo 24:45

Saa ndi̱kaꞌan tuku Jesús, káchi ra saa: ― Ná ndituꞌun i xiꞌin ndo unkua íkan iin ra xáa chiñu tatu, ra toꞌo ni. Xaꞌa ya vaꞌa ni xáa chiñu ra, ta ta̱xi xitoꞌo ra ichí ndaꞌa ra ndáa chiñu ra xiꞌin ndiꞌi na xáa chiñu nuu xitoꞌo ra, saa taxi ra kuxi na, tá ti̱ndaa hora kuxi na.

San Mateo 25:2

Ta uꞌun ná ikán ta xa íyo ndúvi ná, ta inka uꞌun ná ikán ta ni köo íyo ndúvi ná.

San Mateo 25:4

Ta ná xa íyo ndúvi ikán ta ndíso síin ka ná ceite kuaꞌan xiꞌin ná.

San Mateo 25:9

Ñaa ndi̱kuiin ná xa íyo ndúvi ikán káꞌan ná: “Küvi taxi nde rá ndaꞌa ndo, saa chi näni rá kuniñuꞌu ndo xiꞌin nde, vaꞌa ka kuáꞌan ndo nuu xíko na rá, ta sata ndo rá kuniñuꞌu ndo”, káchi ná xiꞌin taꞌan ná.

San Lucas 10:3

’Kuáꞌan ndo vitin, tíꞌvi i ndóꞌo̱ kuꞌun ndo xaa chiñu ndo xaꞌa Ndioxi. Tá kuaꞌan kiti levo vali maꞌñu kiti ndivaꞌi saa kuꞌun ndo, chi ìyo ni kuꞌun ndo.

San Lucas 21:15

chi mií i chindee ndóꞌo̱, taxi i tuꞌun ndaꞌa ndo kaꞌan ndo xiꞌin na. Ndíchi ni koo tuꞌun taxi i ndaꞌa ndo kaꞌan ndo xiꞌin na ta ni küchiñu na ndikuiin na yuꞌu ndo, chi vaꞌa ni kaꞌan ndo.

Los Hechos 20:29

Chi xíni i, tá köo ka i íyo xiꞌin ndo ta kixi naꞌa sindaꞌvi na ndóꞌo̱. Tá íkan kiti ndivaꞌi xáa nduvaꞌa ni ri xiꞌin levo saa ikan na xiꞌin ndo, xaa nduvaꞌa ni na xiꞌin ndo.

1 Corintios 14:20

Ñani yo, vaꞌa ndikani ini ndo tá kuꞌva ndíkani ini naꞌa, na xa xuxa ini, ta ndïkani ini ndo tá kuꞌva ndíkani ini na vali xaꞌa ñaꞌa ya káꞌan i xiꞌin ndo. Ndisaa nuu ya väꞌa ná koo naá ni ini ndo tá kuꞌva naá ni nuu na vali nuu ya väꞌa, saa ná koo ndo.

2 Corintios 1:12

Ta ndeꞌe, ta ndee ni va kúsini nde chi vívií ni va ndi̱xiyo nde xiꞌin ndiꞌi ni kúu naꞌa, ta ndee ni ka vaꞌa xi̱taꞌan nde xiꞌin ndóꞌo̱. Chi köo ndi̱xiyo nde xiꞌin ndo tá kuꞌva ndíkani ini mií na ñuu ivi yóꞌó, tá kuꞌva kúni mií Ndioxi kua ndi̱xiyo nde xiꞌin ndo xaꞌa ya kúꞌvi ni ini ra xíni ra ndóꞌo̱.

2 Corintios 11:14

Ta vaꞌa ná ndïkanda ini yo xaꞌa ya íkan nda saa, chi saa íkan tu mií va kiti nǎꞌa, kiti Satanás: vaꞌa ndása ri mií ri, ndúu ri tá íyo na tatun Ndioxi, na yéꞌe̱.

2 Corintios 11:3

Chi yeꞌe, ta ndíꞌi ni va ini i xiꞌin ndo, ìyo ni ndoꞌo ndo tá kuꞌva ndo̱ꞌo yá Eva, xiꞌin ya vata si̱ndaꞌvi kiti ko̱ó yá. Xaꞌa ya ñaa kua ndíꞌi ni ini i xíni i ndóꞌo̱. Koto ka saka naꞌa, na vata xi̱ní ndo, ta sindoo ndo ya ndee ni vaꞌa ndinuꞌu ini ndo ndíkun ndo ichí vaꞌa xaꞌa Jesucristo.

2 Corintios 8:20

Ta ndeꞌe, ta ndee ni kuenta íyo nde xiꞌin xuꞌun ya ndíkaya nde yóꞌó, chi köo kúni nde kaꞌan väꞌa naꞌa xaꞌa nde, yakan kuaꞌan inka ra ñani yo yóꞌó xiꞌin nde.

Filipenses 2:15

Ta saa ni naꞌa, ta nïꞌi na kuachi ndo ya kaꞌan na xaꞌa ndo, chi seꞌe Ndioxi ku ndo. Vani tañu naꞌa, na kini, na iku ini ndóo ndo, ta tá kuꞌva ndíyeꞌe kiti kimi nuu naá, saa ndiyeꞌe ndo ñuu ivi yóꞌó, chi yóꞌó ta tá káa nuu naá ni, saa káa ya.

Colosenses 1:9

Nda tá ku̱ndaa ini nde xaꞌa ndo, ta nda saa kua xa̱á nde káꞌan ni nde xaꞌa ndo xiꞌin Ndioxi. Ndúku nde ya mani nuu ra ya ná taxi ra kundaa vaꞌa ini ndo xaꞌa ya xa chi̱tuni mií ra, ya ná taxi ra ya ndíchi ni ndaꞌa ndo kundaa ini ndo xiꞌin ya xínituni vaxi nuu mií ra.

Colosenses 4:5

Ta ndóꞌo̱, vívií koo ndo nuu naꞌa, na köo kándixa Ndioxi. Ná niꞌi ndo tuꞌun vaꞌa táxi Ndioxi ndaꞌa ndo ndituꞌun ndo xiꞌin na, ta kuniñuꞌu vaꞌa ni ndo tiempo ya kaꞌan ndo xiꞌin na.

1 Tesalonicenses 2:10

Ta mií ndo ku ndo ndíkuiin xaꞌa nde xiꞌin Ndioxi, chi tá kivi ndi̱xiyo nde xiꞌin ndo ta vívií ni va ndi̱xiyo nde xiꞌin ndo, tá kuꞌva íyo naꞌa, na i̱í ini, na nda̱a̱ ni ini, na ndǎku ini, kuꞌva saa ndi̱xiyo nde xiꞌin ndo.

1 Tesalonicenses 5:22

Ta kuxika ndo nuu ndiꞌi ñaꞌa ya väꞌa.